Ársrit Ræktunarfélags Norðurlands - 01.01.1965, Page 12

12
arfélags í Sveinsstaðahreppi. Var á fundinum framlagt til
endurskoðunar frumvarp til laga fyrir félagið, sem áður
hafði borizt milli allra hreppsbúa.“
Við hefðum kosið, að bókunin hefði ekki verið svona fá-
orð, að okkur hefði verið eitthvað sagt um undirbúnings-
starfið fyrir fund og hverjir hefðu verið þar að verki. Fund-
argerðin getur meira að segja ekki um starfsmenn fundar-
ins, fundarstjóra og ritara. Undir fundargerðina skrifa:
Ólafur Jónsson hreppstjóri á Sveinsstöðum, Jón Kristjáns-
son sóknarprestur í Steinnesi og Jósef Skaftason héraðslækn-
ir í Hnausum. Allt voru þetta mikilhæfir menn og koma
mjög við sögu á sínum tíma, höfðu t. d. allir setið á Alþingi.
Þessir þrír menn voru í fundarlokin kosnir í stjórn hins
nýstofnaða félags, ásamt þeim Birni Oddssyni bónda á Leys-
ingjastöðum og Jóni Ásgeirssyni jarðyrkjumanni á Þingeyr-
um. Ólafur á Sveinsstöðum varð formaður félagsstjórnar-
innar.
Hér virðist ekki erfitt að geta í eyðurnar. Ólafur á Sveins-
stöðum var hreppstjóri í sinni sveit og bar því, samkvæmt
bréfi amtmanns, að hafa forgöngu um stofnun búnaðarfé-
lags í hreppnum. Ólafur átti sem fyrr segir sæti í laganefnd
væntanlegs sýslubúnaðarfélags. Jafnhliða því, sem hann
vann að lagasetningu þess félags, hefir hann undirbúið
stofnun Búnaðarfélags Sveinsstaðahrepps og að sjálfsögðu
notið þar aðstoðar samnefndarmanns síns og sveitunga,
Jósefs læknis í Hnausum, sem var mikill áhugamaður um
búnaðarframkvæmdir eins og annað, sem til framfara
horfði. Það þarf því naumast að draga í efa, að það er
Ólafur á Sveinsstöðum, sem hefir átt mestan þátt í stofnun
félagsins.
Verður nú gerð nánari grein fyrir stofnun félagsins og
starfsreglum.
Samkvæmt 2. gr. félagslaganna var tilgangur félagsins: „að
efla framfarir búnaðarins, hag hreppsins og gott siðferði
meðal hreppsbúa". í 12. gr. er aðallega rætt um starfstil-
högun, en þar segir svo: „Á fundum félagsins skal aðeins
rætt um búnaðarefni, hag félagsmann og eflingu góðs sið-