Ársrit Ræktunarfélags Norðurlands - 01.01.1965, Side 21

21
Nú vill svo vel til, að við hðfum öruggar heimildir fyrir
því, að Ólafur varð ekki óstarfhæfur fyrr en á árinu 1869.
Hreppsbækur Sveinsstaðahrepps bera það með sér, að Ólaf-
ur hefir gegnt hreppstjórastörfum fram á árið 1869. Ólafur
undirskrifar reikning „dýratollskassans“ fyrir árin 1867 og
1868 á Sveinsstöðum 1. marz 1869. Nafn Ólafs er einnig
undir Jafnaðarreikningi hreppsins fyrir fardagaárið 1868—
1869, en það er áreiðanlega ekki eiginhandarskrift Ólafs á
nafninu. Reikningurinn er samkvæmt venju saminn af
hreppstjóra og sóknarpresti og er dagsettur 12. nóv. 1869.
Reikningurinn er með hendi sóknarprestsins, síra Jakobs
Finnbogasonar, en Jón sonur Ólafs, sem þá bjó á Breiða-
bólstað mun hafa skrifað nafn föður síns undir reikning-
inn. Búnaðarskýrsla ársins 1869 er óundirskrifuð, en hún
er með hendi Jóns Ólafssonar, sem tekið hefir við hrepp-
stjórn fyrir árslok 1869. Jón Ólafsson heldur hið venjulega
hreppaskilaþing á hausti, sem að þessu sinni er háð óvenju
seint, ekki fyrr en 18. nóv. 1869, en áður höfðu hreppa-
skilaþing farið fram á tímabilinu 7.-26. okt. Það eru veik-
indi Ólafs, sem hafa valdið því hve hreppaskilaþingið er
seint á ferðinni að þessu sinni. Tíundarreikingur Sveins-
staðahrepps haustið 1869 er undirskrifaður af Jóni Ólafs-
syni ásamt sóknarpresti og dagsettur 20. nóv.
Samkvæmt þessum athugunum virðist mega telja alveg
öruggt, að Ólafur Jónsson hafi ekki misst heilsuna fyrr en á
árinu 1869, einhvern tíma á tímabilinu 2. marz til 11.
nóv. Hugsazt gæti að heilsa Ólafs á Sveinsstöðum hafi bilað
eitthvað fyrr, svo að dregið hafi úr starfsorku hans, þó að
þess sjáist ekki merki á sveitarstjórnarbókunum.
Heilsu formannsins getur því naumast verið um að kenna,
að félagsstarfið lagðist niður, þar hlýtur annað og fleira að
hafa komið til greina, þó að Ólafur hafi e. t. v. veikzt eitt-
hvað áður en hann fékk lömunina 1869. Áður en þetta verð-
ur athugað nánar skulum við minnast samstarfsmanna Ólafs
í félagsstjórn með nokkrum orðum:
Meðstjórnendur Ólafs í félagsstjórn 1867 voru: Jósef
Skaftason læknir í Hnausum, síra Jón Kristjánsson í Stein-