Ársrit Ræktunarfélags Norðurlands - 01.01.1965, Qupperneq 29

29
7. Áshreppur ...................... 7 félagsmenn
8. Þorkelshólshreppur ............. 7 félagsmenn
9. Þverárhreppur .................. 6 félagsmenn
10. Kirkjuhvammshreppur ........... 4 félagsmenn
11. Ytri-Torfustaðahreppur......... 4 félagsmenn
12. Staðarhreppur.................. 5 félagsmenn
Samtals 71 félagsmaður
Enginn félagsmaður var í Fremri-Torfustaðhreppi.
Fjárreiður.
Stofnendur Búnaðarfélags Sveinsstaðahrepps lögðu mjög
ríka áherzlu á sjóðmyndun, sem þeir nefndu „búnaðarsjóð“,
og skyldi hann helzt ávaxtaður innan hrepps, svo að hrepps-
búar nytu góðs af fjármagninu, en trygg veð skyldu tekin
fyrir lánum. Höfuðstólinn mátti aldrei skerða, en félags-
fundur gat ákveðið að verja vöxtunum og jafnvel einhverju
af árlegum tillögum félagsmanna til búnaðarframkvæmda
í hreppnum.
Það gekk vel að mynda sjóðinn í byrjun. Framlag félags-
manna á stofnfundinum var mjög myndarlegt og bar vott
um áhuga og fórnarlund. Jón Ásgeirsson á Þingeyrum skar
ekki framlagið við neglur sér. Hann var langhæstur með 30
rd. Næstur Jósef Skaftason læknir með 20 rd., og svo komu
þeir sr. Jón Kristjánsson, Ólafur á Sveinsstöðum og Þor-
leifur á Hjallalandi með 10 rd. hver.
Jón á Þingeyrum virðist ekki hafa innt af hendi framlag
sitt við félagið, því að sama upphæð, 30 rd., er talin á vöxt-
um hjá honum. Hann hefir fengið framlag sitt að láni.
Stofnfé sjóðsins, 116 rd., var ávaxtað innan hrepps, og við
árslok 1867 er innstæðan orðin 126 rd. 32 sk. — Af þessu
var þá á vöxtum hjá Jóni á Þingeyrum 34 rd. 76 sk., en hitt
(91 rd. 52 sk.) hjá gjaldkera félagsins sr. Jóni Kristjánssyni.
Einu gjöldin þessi árin voru andvirði gjörðabóka 1863 og
10 rd. jarðabótaverðlaun til Helga Helgasonar 1867, sam-
tals 12 rd. 72 sk.
Hvað varð svo um sjóðinn þegar félagið lagðist í dvala?