Ársrit Ræktunarfélags Norðurlands - 01.01.1965, Side 50

50
Frá Ungmennafélagi Þingbúa: Ólafur Magnússon, Sveins-
stöðum.
Frá Kvenfélagi Sveinsstaðahrepps: Ffulda A. Stefánsdótt-
ir, Þingeyrum.
Samkomulag varð um að velja trjáreitnum stað við Brún-
kolluhól, og eigandi landsins, Magnús Jónsson, Sveinsstöð-
um, heimilaði landið til þeirra nota með bréfi, dags. 5. apríl
1941, og var trjáfræi sáð þegar um haustið. Fyrstu trjáplönt-
urnar komu svo vorið eftir. Var nú unnið að því að setja
trjáreitnum reglugerð, og fór lokaafgreiðsla fram um málið
á aðalfundi Búnaðarfélagsins 1945.
Samkvæmt reglugerðinni er Ólafslundur eign Búnaðar-
félags Sveinsstaðahrepps og undir yfirstjórn þess, en með
framkvæmdir fer þriggja manna stjórn, tilnefnd af fyrr-
nefndum þrem félagssamtökum í hreppnum, einn maður
frá hverju félagi.
Lundinum voru ákveðnar þessar tekjur: Árlegt framlag
frá félögunum þrem, sem var visst árgjald af hverjum fé-
lagsmanni, og var upphaflega ákveðið 1 króna á mann, en
var fljótlega hækkað og er nú 5 krónur á hvern félagsmann.
Auk árgjaldsins eru svo vextir og gjafir, ef um þær er að
ræða.
Fyrir nokkrum árum var trjálundurinn stækkaður. Flest
árin hefir verið gróðursett í reitinn, og vex þarna nú upp
álitlegur hópur af laufviði og barrtrjám.
Þær eru að rætast vonir Jóns á Másstöðum, sem manna
mest átti þátt í að lundurinn komst upp, en síðustu orðin,
sem Jón hefir bókfært um það mál eru þessi: „Megi svo sú
ósk mín rætast, að Ólafslundur verði til þess að opna augu
sveitunga minna fyrir því hvernig hægt er að klæða landið,
kenni þeim að gróðursetja trjáplöntur, auki samheldni
og gleðji augu þeirra og annarra, sem um veginn fara.“
Nautgriparœktin.
Nautgriparæktunarfélag var stofnað í Sveinsstaðahreppi
skömmu eftir aldamót, en starfaði skamma stund. Engin