Ársrit Ræktunarfélags Norðurlands - 01.01.1985, Qupperneq 70

próteinfóðri hámjólka kúa. Það er því ekki rétt að reikna með
að meltunotkun verði almenn í mjólkurframleiðslu. Einhver
markaður mun þó eflaust verða fyrir meltur í þessari búgrein
ef verðlagsþróun verður hagstæð.
*»
4.2. Einmaga dýr.
4.2.1. Svín.
Meltur eru notaðar handa svínum sem próteinviðbót með
kolvetnaríku fóðri. I þessu tilliti eru þær sérstaklega athyglis-
verðar vegna hins tiltölulega háa innihalds af lýsíni sem
kemur á móti lágu lýsíni í kornvöru.
Engar tilraunir hafa verið gerðar með meltur handa svín-
um hér á landi, enda ekkert fjármagn fengist til neinna til-
rauna með svín. í breskum, dönskum og norskum tilraunum
hafa meltur reynst vel handa svínum. Gyltum má gefa meltur
til að fullnægja próteinþörfum í geldstöðu og bæði fyrir og
eftir got. Einnig eru meltur nothæfur próteingjafi handa
sláturgrísum bæði að því er varðar meltanleika og næringar- ^
gildi, jafnvel þó fituinnihald sé tiltölulega hátt. Aukaverkanir
hafa aftur á móti orðið þær að fundist hefur aukabragð og
fitusýrubreytingar hafa orðið í kjötinu. Það er því mikilvægt
að nota eingöngu fitusnauðar meltur handa eldisgrísum og/
eða hætta að gefa meltur viku til hálfum mánuði fyrir slátrun.
Engin ástæða er þó til að ætla að þetta vandamál sé meira
þegar notaðar eru meltur heldur en fiskimjöl með sambæri-
legu fituinnihaldi.
Meltur hafa verið notaðar í Danmörku sem svínafóður í
fjölda ára og hefur því verið haldið fram af bændum þar, að
þær auki frjósemi svínanna. Litlar rannsóknir eru þó til sem
styðja þetta.
Tækni og sjálfvirkni við fóðrun er stöðugt að aukast. Það
þarf því að taka tillit til meltunotkunar strax þegar fóðrun-
arbúnaður í svínahús er valinn. Sé þetta gert ætti markaður y,
að geta skapast hér á landi fyrir meltunotkun í þessari bú-
grein. Mikilvægt er í þessu sambandi að þróa meltugerð
þannig að minni sveiflur verði í efnainnihaldi og næringar-
gildi en nú er.
72