Ársrit Ræktunarfélags Norðurlands - 01.01.1985, Qupperneq 119

III. SKÝRSLA JÓHANNESAR SIGVALDASONAR
UM STARFSEMI TILRAUNASTÖÐVARINNAR
Á MÖÐRUVÖLLUM
Skýrsla sú sem hér er rituð nær í aðalatriðum yfir tímabilið
milli aðalfunda Ræktunarfélags Norðurlands (ágúst 1984 —
ágúst 1985).
Búrekstur.
Á haustdögum 1984 voru hey næg á Möðruvöllum — ekki öll
þó eins góð og skyldi þar sem bakkar voru mjög sprottnir
þegar þar var heyjað. Af heimatúni voru þó hey góð og það
hey gefið mjólkurkúm.
Geldneyti þrifust illa síðla sumars 1984 og voru það léleg er
þau voru tekin á hús í september að sýnt þótti að engu yrði
lógað fyrir áramót. Færðist því innlegg af nautakjöti, sem
ætíð hefur verið nokkuð, yfir á þetta ár. f árslok 1984 var því
bústofn allmiklu meiri en verið hefur eins og fram kemur í
töflu hér á eftir um búfjáreign. Fé var vænt af fjalli og fall-
þungi dilka hár. Brúttótekjur af fé voru því tiltölulega miklar.
Kýr mjólkuðu vel framan af ári í fyrra en síðari hluta ársins
tókst fóðrun ekki sem skyldi og nyt á árskú varð verulega lægri
en árið áður. Á þessu ári hefur aftur snúist til betri vegar og
uppgjör á miðju ári sýnir verúlega aukningu.
Heyskapur gekk vel sumarið 1985 — fyrri slætti lauk um
mánaðamót júlí ágúst og uppskera dágóð. Há verður slegin af
nokkrum hektörum og sett í rúllubagga.
Á liðnu vori var endurnýjaður að nokkru tækjakostur við
heyskap einkum hvað varðar baggahirðingu — keypt bagga-
tína og tveir baggavagnar. Þá var einnig keypt ný sláttuvél.
Vegna aukins rýmis fyrir kýr með nýju fjósi var sótt um til
Búmarksnefndar að fá aukið búmark fyrir Tilraunastöðina. 1
svari Búmarksnefndar er lagt til að flytja búmark af sauðfé á
nautgripi — aukning annars ekki leyfð. Umsókn um aukið
búmark er enn til umfjöllunar hjá Yfirbúmarksnefnd en
ákveðið var á liðnu vori að farga fénu. Voru þá seldar allar
121