Árbók Landsbókasafns Íslands - 01.01.1950, Qupperneq 7

LANDSBOKASAFNIÐ 1948—1949
7
frá því hefir verið gengið til fulls. — Árbókin væntir þess að geta áður en langt líður
flutt ágrip af sögu prentmyndagerðar hér á landi og brautryðjandastarfi Ólafs J.
Hvanndals í þeirri iðn.
Landsbókasafnið þakkar öllum. sem sýnt hafa því vinarhug með gjöfum eða á
annan hátt.
Lestrarsalurinn var opinn almenningi alla virka daga frá kl. 10—12.
Lestrarsalur _
1—7 og 8—10, að undanskildum laugardögum, þá var jafnan
lokað kl. 7 að kveldi og í þrjá mánuði að sumrinu kl. 12 á hádegi Gestir í lestrarsal
voru samkvæmt gestabók árið 1948 samtals 15382, þar af komu 2786 kl. 10—12 að
morgni og 2252 kl. 8—10 að kveldi. Árið 1949 töldust gestir alls 15257, þar af
2958 að morgni, en 2255 að kveldi. Hér eru aðeins taldir þeir, sem skráðu nöfn sín
í gestabók safnsins, en að réttu lagi mun tala gesta vera nokkru hærri.
Lánuð voru í lestrarsal 1948 17612 bindi prentaðra bóka og 3890 handrit, eða
samtals 21502 bindi. Árið 1949 var tala lánaðra bóka prentaðra heldur lægri, eða
16257, en handritanotkun meiri, 6706 bindi, samtals 22963 bindi. Það ár var notkun
handrita mest sumarmánuðina júlí, ágúst og september og voru lánuð á þeim mán-
uðum samtals 2805 bindi handrita. — Ný tímarit og blöð í lestrarsal voru mjög
mikið lesin, svo og handbækur lestrarsalsins, en um þá notkun eru að sjálfsögðu
engar tölur.
Útlán fóru fram með líkum hætti og áður. Lán á íslenzkum ritum hafa
verið mjög takmörkuð og einnig á torfengnum ritum erlendum, en
að því stefnt að hafa slík rit jafnan tiltæk í lestrarsal. Tala lánaðra binda 1948 var 4080,
en 1949 aðeins 3640.
Landsbókasafnið hefir nú eignazt góðan stofn að filmusafni, og er
Útlón
Myndir
af handritum
þar mest að þakka félagi íslendinga í Edinburgh, sem áður hefir
verið getið um í Árbókinni. Félag þetta hefir nú gefið Landsbókasafn-
inu alls á fjórða hundrað íslenzkra handrita á filmum, samtals um 40700 blaðsíður.
Handritin eru úr þessum söfnum: Bodleian Library, Oxford, 156; Taylor Institution.
Oxford, 2; University Library, Cambridge, 2; The Library, Trinity College, Dublin, 48;
John Ryland’s Library, Manchester, 5; University Library, Edinburgh, 2; British &
Foreign Bible Society, London, 2; National Library of Scotland, Edinburgh, 105;
British Museum, London, 4. Auk þess hefir félagið látið taka ljósmyndir í fullri
stærð (Photostat) af Drykkjabók Eggerts Ólafssonar, sem er eign þjóðbókasafnsins
í Edinburgh, og af gömlu Jónsbókarhandriti á skinni úr Bodleian safninu í Oxford
og gefið Landsbókasafn inu í bókarformi, vandlega innbundið. Landsbókasafnið er í
mikilli þakkarskuld við þessa góðu gefendur og er ræktarsemi þeirra við land sitt
og þjóðlegar minjar til fyrirmyndar. Formaður félags þess, sem að gjöfinni stendur,
er Sigursteinn Magnússon, ræðismaður í Edinburgb. — Verið er að gera ýtarlega
skrá um efni þessara handrita, og mun bún verða prentuð, þegar ástæður leyfa.
Auk þeirra handrita, sem hér hafa verið talin, hefir Landsbókasafnið eignazt
myndir (photostat) af allmörgum handritum, sem það hefir látið gera á eigin kostn-