Frjáls verslun - 01.01.1974, Page 43

þýtt fyrir vissa þjóðfélagshópa
og fyrir langtímahagvöxt.
Ef svo fer sem fram horfir,
getum við brátt farið að
læra af Suður-Ameríkumönn-
um, hvernig stemma eigi stigu
við verðbólgunni, en Brasil-
íumönnum hefur tekizt að
minnka hana úr 80-100% í
18%.
HORFUR Á ÞESSU ÁRI
Orkuskortur er ekki fyrir-
sjáanlegur hér á landi. Hins
vegar mun olía hækka veru-
lega í verði og íþyngja þjóðar-
búinu um nokkra milljarða.
Verð afurða, sem unnar eru úr
olíu, mun einnig þróast okkur
í óhag. Samdráttur í flestnm
iðnríkjum getur haft áhrif til
lækkunar á útflutningsvörum
okkar og minni eftirspurnar en
ella. Því er afar líklegt, að við-
skiptakjör stefni okkur í óhag
á árinu 1974. Hins vegar er
vart ástæða til að ætla. að svo
verði til langframa, því að
heimurinn þarf á eggjahvítu að
halda.
Af innlendum tilefnum er
það einkum tvennt, sem veld-
ur óvissu um framvindu efna-
hagsmála, fyrir utan hina
venjulegu óvissu um afla-
brögð og tíðarfar. Annars veg-
ar eru launasamningar opnir.
Hins vegar eru fjárlögin opin
í annan endann, eða réttara
sagt lokuð, því að ríkisstjórn-
in getur ekki svo glatt komið
nýrri tekjuöflun í gegnum
þingið, enda þótt útgjöldin
vaxi. Samkomulag varð um
fiskverð í yfirnefnd, sem bend-
ir til þess, að ekki verði stöðv-
un á útgerðinni. Það virðist
vera farið gætilega í launa-
samninga af ráðnum hug. Allt-
af er hægt að bera því fyrir
sig, að óvissan sé svo mikil, að
hyggilegt sé að bíða. En senni-
lega vill ríkisstjórnin fá frest
til að glíma við efnahagsmálin.
sem auðvitað hangir saman við
áðurnefnda örðugleika að koma
frumvörpum í gegnum þingið.
Ekki er ólíklegt, að sveitar-
stjórnarkosningar á þessu ári
skipti einnig hér einhverju
máli.
GENGUR DÆMIÐ UPP?
Ólíklegt er, að atvinnuveg-
irnir þoli meiri gengishækkan-
ir en orðið hafa og krónan
reyndar verið að lækka aftur
gagnvart Bandaríkjadal.
Ef komizt verður hjá spreng-
ingu í launamálum og útflutn-
ingsverðmæti loðnunnar verða
eins og efni standa til, getur
ríkisstjórnin setið allróleg.
Þensla innanlands umfram
framleiðsluaukningu hlýtur að
koma fram í versnandi við-
skiptajöfnuði, ekki sízt þar
sem líklegt er, að viðskiptakjör
breytist okkur í óhag. Hins
vegar er ólíklegt, að gripið
verði til nokkurra meiri hátt-
ar efnahagsráðstafana á með-
an gjaldeyrisvarasjóður er fyr-
ir hendi.
Undanfarin ár hefur vinnu-
aflið sett framleiðsluaukningu
takmörk. Nú er ástæða til að
ætla, að húsnæði og vélar séu
að verða fullnýtt, jafnframt
því sem olíukreppan gæti vald-
ið því, að ýmis konar efni og
efnavörur tefðu framkvæmdir,
sem yrði til þess að létta nokk-
uð á spennunni. En undiraldan
er svo þung. að ekki er unnt að
sjá fram á annað en að út-
gjaldafyrirætlanir fari fram úr
því, sem til ráðstöfunar er,
með áframhaldandi verðbólgu
sem afleiðingu.
ÖNNUMST VIÐGERÐIR Á:
Rafkerfum, — frystikistum, —
útvarps- og kallkeríum.
•
SELJUM:
Vinnuljós, — ljóskastara, — raf-
geyma, — kælimiðil.
FRAMLEIÐUM:
Spennustilla fyrir rafala og hleðslu-
táeki fyrir talstöðvargeyma.
POLLINN HF.,
AÐALSTRÆTI 9 — ÍSAFJÖRÐUR — SlMI 94-3092
FV 1 1974
43