Frjáls verslun - 01.07.1977, Page 34

*
Ur bandarískum stjórnunarfræðum:
Veldu þér vandamál!
\okkur heilræði um það hvernig menn geta búið sig undir að
taka á óvæntum vandamálum
Lögmál Murphys — eða Murphy-kenningin, er viðurkennd innan stjórnunarfræðinnar og hljóðar
svo: Þau vandamál sem gcta komið upp — þau koma upp. Staðreyndin er sú að vandamál morg-
undagsins byrja ekki fyrst þá, þau eru að hrann ast upp núna. í þessari grein er lýst nokkrum að-
ferðum og atriðum sem gætu gert mönnum klei f< að vera mun betur undir það búnir að fást við
„óvænt“ vandamál.
Þau vandamál sem stjórn-
endur óttast mest eru þau sem
þeir vona að aldrei komi upp.
Komi þau upp er það undan-
tekningarlaust á allra versta
tíma. Þau skapa oftast hálf-
gert neyðarástand og krefjast
tafarlausrar úrlausnar.
Það e.r haft eftir Dr. Kissing-
er um það leyti sem hann lét af
störfum utanríkisráðherra að
það væri mikil breyting að geta
brátt farið að velja sér vanda-
mál til að glíma við, í stað þess
að þurfa að leysa öll vandamál,
bæði leysanleg og „óleysanleg.“
Kissinger útskýrði þetta enn
frekar á efirfarandi hátt: „Sem
utanríkisráðherra hefur maður
oft á tilfinningunni eins konar
martröð, líkt því að standa á
brautarteinum og sjá hraðlest
koma æðandi að manni og geta
ekki forðað sér fyrr en því er
lokið sem maður er að gera.
Maður biður til guðs um að
komast undan í tæka tíð. Nú
þegar ég læt af þessu starfi er
ég um leið laus við þessa ó-
þægilegu tilfinningu“.
Það er ekki ósennilegt að
margir stjórnendur fyrirtækja
kannist við þessa tilfinningu
eða eitthvað svipað henni. En
öfugt við Kissinger er ekkert
útlit fyrir að þeir sleppi við
hana í bráð. Kissinger hefur á
hinn bóginn varpað nýju ljósi
á málefnið, með því að telja sig
geta va'lið vandamál eða við-
fangsefni í náinni framtíð.
Þetta gefur tilefni til tveggja
spurninga:
• Að hvað miklu leyti er hægt
að velja sér viðfangsefni við
stjórnunarstörf?
• Hve hagkvæmt gæti það
verið ef hægt væri að leysa
vandamál fram í tímann?
ÞRJÚ GRUNDVALLAR-
ATRIÐI
Stjórnandi sem getur valið
sér viðfangsefni að eigin vild,
er í okkar augum annað
tveggja; einstaklingur með ó-
trúlegt vald yfir fólki og fram-
kvæmdarás, eða einfaldlega
„ge.rviforstjóri“ sem engin
raunveruleg þörf er fyrir.
Sterkar líkur eru á því að hvor-
ugt sé rétt. Stjórnandinn með
þessa furðulegu eiginleika er
eflaust einn þeirra sem hafa
þjálfað sig á skipulagðan hátt,
og náð þessum árangri, að geta
valið sér viðfangsefni.
By.rjunin felst í því að gera
sér grein fyrir þremur grund-
vallaratriðum:
• Eftirtekt. Vakandi athygli
og eftirlit, jafnvel þegar
ekkert sérstakt er á döfinni,
mun ileiða í ljós ýmsa þætti,
sem hægt er að framkvæma
og íkoma í veg fyrir að yllu
vandræðum síðar.
• Rökhyggja. Nákvæm skil-
greining á viðfangsefnum og
þeim vandamálum sem gætu
komið upp í tengslum við
þau.
• Viðbúnaður. Fyrir hvert við-
fangsefni og ástand sem upp
kann að koma, þarf ákveðið
forunnið framkvæmdaskipu-
lag að vera fyrir hendi.
34
FV 7 1977