Frjáls verslun - 01.09.1978, Blaðsíða 13

saumana á eigin fjármálum með því
að kanna skipulega fjárráðstafanir
sínar og áætla greiðslugetu sína
með ákveðnu millibili. Þessi atriði
eru ákaflega mikilvæg fyrir fólk,
sem stendur íframkvæmdum, og er
með bogann spenntan til hins ýtr-
asta. Ljóst er því, að bókin á brýnt
erindi til margra landsmanna og
ekki hvað síst til ungs fólks sem er
að hefja búskap, og til annarra
þeirra sem vilja skipuleggja fjármál
sín.
Fjárfestingahandbókin verður í
tveim bindum og skiptist hið fyrra í
13 kafla. Seinna bindi Fjárfestinga-
handbókarinnar hefur að geyma
töflur til notkunar við fjármálaút-
reikninga, svo sem vaxtavaxta- og
veðskuldabréfatöflur. Bækurnar
verða seldar sín í hvoru lagi.
Þar sem Fjárfestingarfélag (s-
lands hf. starfar ekki að útgáfu,
hefur það gert samkomulag við út-
gáfufyrirtækið Frjálst Framtak hf.,
um að sjá um prentun, band og
dreifingu bókarinnar.
„Kauptu vatnsfötu"
Árið 1979 hefur sem kunnugt er
verið nefnt ,,Ár barnsins'' af Sam-
einuðu þjóðunum. Á miðstjórnar-
fundi Alþjóðasamvinnusambands-
ins (ICA) sem haldinn var í Kaup-
mannahöfn nýlega var af því tilefni
lagt fram sérstakt ávarp frá
Kvennanefnd ICA. Þar eru sam-
vinnufélög um heim allan hvött til
þess að sinna málefnum barna
sérstaklega á þessu ári, og einnig
er þar af því tilefni tekið undir
margítrekaðar kröfur ICA um af-
voþnun og eflingu friðar í heimin-
um.
Af hálfu ICA er einnig fyrirhuguð
sérstök aðgerð á næsta ári m. a. af
þessu tilefni. Gefin verða út sérstök
merki með áletruninni „Kauptu
vatnsfötu" (,,Buy a bucket of wat-!
er“). Þessi merki verða seld í kaup-
félagabúðum um heim allan fyrir
smáupphæð, sem miðuð verður við
það að samsvara verði einnar fötu
af vatni. Ágóðanum verður síðan
varið til að kosta framkvæmdir í
þróunarlöndunum til þess að gefa
fólki þar kost á nægilega hreinu
neysluvatni. Kaupfélögin hér á ís-
landi munu að öllum líkindum taka
þátt í þessari aðgerð, og verður hún
kynnt nánar, þegar þar að kemur.

Kalda borðið
-kjörið í hádeginu
Kræsingar kalda borðsins í Blómasal eru löngu víðkunn-
ar. Óteljandi tegundir af kjöt og sjávarréttum auk islenskra
þjóðarrétta. Tískusýningar í hádeginu á föstudögum.
Bjóðið viðskiptavinum og kunningjum í kræsingar kalda
borðsins.
Verið velkomin, Hótel I.oftleiðir.
HÓTEL
LOFTLEIÐIR
13