Frjáls verslun - 01.09.1978, Blaðsíða 92

afbrevina
„Óþrjótandi möguleikar
til gönguferöa"
Davíð Ölafsson: „Hvet innisetufólk til að stunda gönguferðir sér til
heilsubótar."
Rætt við Davíð Ólafs-
son, seðlabanka-
stjóra, göngugarp og
forseta Ferðafélags
íslands, um útiveru
— Ég hef alltaf haft áhuga á
útilífi, svo lengi sem ég man eftir
mér, sagði Davíð Ólafsson,
seðlabankastjóri og forseti
Ferðafélags fslands, í upphafi
samtals sem F. V. átti við hann í
skrifstofu hans í Seðlabankanum.
Davíð er mikill áhugamaður um
gönguferðir. Daglega gengur
hann í vinnu, 25—30 mínútna
gang. Þessum upptekna hætti
hefur hann haldið s. I. 20 ár, að
vetri jafnt sem sumri, í 10° frosti
jafnt sem 10° hita. Davíð notar
allar tómstundir sem gefast til úti-
vistar, enda snerist talið mest um
útilíf og starfsemi Ferðafélags ís-
lands, en í því hefur Davíð verið
nærri 40 ár, síðasta eina og hálfa
árið sem forseti.
— Ég eyði öllum tíma sem ég
hef aflögu sagði Davíð, til göngu
og útiveru. Maður getur alltaf
fundið tíma, ef áhuginn er fyrir
hendi, og það borgar sig marg-
faldlega.
— Mín eigin reynsla hefur
kennt mér, að gönguferðir um
helgar og á hverjum degi, geri
mann miklu hæfari til starfa og lífið
léttara. Ég vildi hvetja innisetufólk
til að stunda gönguferðir, byrja
smátt, og það kemst að raun um
hvílík heilsubót það er að koma út í
náttúruna og ganga í fersku lofti.
Það þarf enginn að vera hræddur
við veðrið, en það er afar áríðandi
aö búa sig rétt.
Skemmtileg göngusvæði í ná-
grenni borgarinnar
Nú fer vetur konungur að ganga
í garð, og margir stunda ekki síður
útilíf á veturna. — Það er enginn
munur á vetri og sumri til að
stunda útilíf, sagöi Davíð. Það er
ekki síður hægt að stunda göngu-
ferðir á veturna, og auðvitað
skíðaferðir þegar snjór er.
Ferðafélagið býður allan vetur-
inn upp á gönguferðir um helgar
um nágrenni Reykjavíkur. Þetta
eru ekki erfiðar gönguferðir, taka
3—5 klukkustundir. Áhugi fólks á
gönguferðum hefur vaxið mikið.
Nefna má sem dæmi, að á 50 ára
afmæli Ferðafélagsins á s. I. ári var
boðiö upp á gönguferðir á Esjuna.
Hátt á annað þúsund manns tóku
þátt í þessum ferðum á afmælisár-
inu.
— Það eru óþrjótandi mögu-
leikar til gönguferða um nágrenni
Reykjavíkur á veturna jafnt sem
sumrin, sagði Davíð. Mjög
skemmtilegt er að ganga á svæð-
inu kring um Hengil, um Hellis-
heiðina, Esjuna, Skálafell og Blá-
fjallasvæðið, Kleifarvatn og háls-
ana vestur af því, Reykjanesið t. d.
vestast á því og svæðið í kring um
vitann, og um Heiðmörkina og
Þingvallasvæðið, sem eru ákaf-
lega skemmtileg göngusvæði.
92