Frjáls verslun - 01.10.1988, Page 6

RITSTJORNARGREIN
MENN ARSINS1988
Frjáls verslun og Stöð 2 gangast nú fyrir vali
á mönnum ársins 1988 í viðskiptalífinu á Is-
landi.
Val á mönnum ársins er þekkt á ýmsum svið-
um þjóðlífsins hér á landi og víða erlendis eru
menn ársins á viðskiptasviðinu valdir. Það hef-
ur ekki verið gert fyrr hér á landi.
Tilgangur Frjálsrar verslunar og Stöðvar 2
með þessu er einkum sá að beina athyglinni að
því sem vel er gert í viðskiptum og vekja já-
kvæða umræðu um atvinnulífið með því að
heiðra þá sem náð hafa frábærum árangri og
hrint góðum hugmyndum í framkvæmd.
HREINSUM RUGLIÐ ÚT
Það sem mesta athygli vekur í verkum þeirra
sem valdir voru menn ársins 1988 í viðskipta-
lífinu á Islandi er að þeir sameinuðu á árinu tvö
íyrirtæki í sömu atvinnugrein og hafa nú gert
úr því eitt mun öfiugra fyrirtæki sem er mjög
hagkvæm rekstrareining. Sameiningin hafði í
för með sér fækkun starfsmanna úr 120 í 63 hjá
báðum fyrirtækjunum eins og fram kemur í við-
tali við þá hér í blaðinu. Töluglöggir menn hafa
reiknað það út að útgjaldaspamaður þessa
fyrirtækis vegna sameiningarinnar nemi á nú-
verandi verðlagi 1,2 milljörðum króna til næstu
aldamóta.
Sameining fyrirtækja í öflugri rekstrarein-
ingar er einmitt eitt af lausnarorðunum í þeirri
víðtæku hagræðingu sem þarf að verða í at-
vinnulífi landsmanna. Ánægjuleg fordæmi
blasa þar við m.a. með sameiningu bílaumboða
og tryggingarfélaga.
Hugarfarsbreyting í rétta átt hefur þegar gert
vart við sig en mikið verk er óunnið á ýmsum
sviðum. í þessu sambandi er tekið undir orð
Harðar Sigurgestssonar forstjóra Eimskips
sem hann lét falla í blaðaviðtali fyrir skömmu:
„.... það verður að hreinsa út mikið af því
mgli sem hér hefur viðgengist í stjórnmálum,
fjármálum og atvinnulífi“.
Vonandi fýlgja árinu 1989 nýjir og jákvæðir
straumar í viðskipta- og atvinnulífi Islendinga.
Frjáls verslun óskar lesendum sínum, við-
skiptavinum og landsmönnum öllum velfarnað-
ar á árinu 1989.

Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon - RITSTJÓRNARFULLTRÚI: Valþór Hlöðversson -
AUGLÝ SIN G AST J ÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grímur Bjamason, Gunnar
Gunnarsson, og Kristján Einarsson — UTGEFANDI: Frjálst framtak hf. — Tímaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ármúli 18, sími 82300, Auglýsingasími 31661 — RITSTJÓRN: Bíldshöfði 18, sími 685380 —
STJÓRNARFORMAÐUR: Magnús Hreggviðsson - AÐALRITSTJÓRI: Steinar J. Lúðvíksson - FRAMKVÆMDASTJÓRI: Halldóra
Viktorsdóttir - ÁSKRIFTARVERÐ: 1.975 kr. (329 kr. á eintak) - LAUSASÖLUVERÐ: 399 kr. - SETNING, TÖLVUUMBROT,
PRENTUN OG BÓKBAND: Prentstofa G. Benediktssonar — LITGREININGAR: Prentmyndastofan hf.
Öll réttindi áskilin varðandi efni og myndir

6