Frjáls verslun - 01.10.1988, Blaðsíða 32

STJÓRNUN
EKKISÉRLEGA
HLYNNT GRAS-
RÓTARHREYFINGUM
- SEGIR HILDUR PETERSEN
óskaplega í taugamar á henni. „Þetta
er eins og hver annar kækur hjá
mönnum; vanhugsað ávarp í þeirri
viðleitni að vera elskulegir. Mér er til
efs að karlmenn kynnu að meta það ef
konur ávörpuðu þá á sama hátt að
fyrra bragði.“
Eins og áður hefur komið fram er
Liðsauki hf. stærsta starfsmiðlunin
hér á landi. Ég spyr Oddrúnu hverja
hún telji aðalástæðu velgengninnar
þegar litið er til þess stutta tíma sem
fyrirtækið hefur verið starfandi. Er
það sú staðreynd að konur sitja við
stjórnvölinn?
„Ef til vill er það ein ástæðan af
mörgum. Við fórum hægt af stað og
ákváðum strax að láta þjónustuna
sitja í fyrirrúmi. Ég get ekki hugsað
mér neitt dapurlegra en að stofna
fyrirtæki með miklu brambolti, blaða-
mannafundi og hanastélsboði og svo
gæti fyrirtækið allt eins orðið gjald-
þrota ári síðar. Við spiluðum því ekki
djarft og unnum fyrirtækið upp lið
fyrir lið. Ætli það sé ekki einkennandi
fyrir konur,“ segir hún brosandi.
„Karlar hefðu eflaust tekið meiri
áhættu og þárfest í stöðutáknum.
Eins og þú sérð er íburðinum ekki
fyrir að fara hjá okkur. Við leggjum
þess í stað áherslu á notalegt vinnu-
umhverfi og alúðlegt viðmót gagnvart
þeim sem sækja okkur heim. Við
ákváðum líka að fjárfesta í fullkomn-
um tölvubúnaði til þess að geta veitt
sem besta þjónustu. Þetta tel ég vera
lykilinn að velgengninni."
Þegar hér var komið sögu var kaff-
ið á þrotum og degi tekið að halla. Um
leið og ég þakka Oddrúnu fyrir spjallið
talar hún um að varla hafi ég fengið
mikið út úr því. „Þú ert að velta því
fyrir þér hvort konur eigi erfltt upp-
dráttar í viðskiptalífinu og hvort þær
stjórni öðruvísi en karlar?
, Já, ég held að konur stjórni öðru-
vísi en karlar og það tel ég af hinu
góða. Við eigum ekki að reyna að
vera „litlir karlar“ það væri lítill áfangi
í jafnréttisbaráttunni. Ég tel miklu
vænlegra að halda á lofti sérstökum
eiginleikum okkar og berjast fyrir
jafnri stöðu á þeim grundvelli. Að
öðru leyti gilda sömu lögmál í við-
skiptum — hvort heldur um konu eða
karl er að ræða: Góð þjónusta og
heiðarleiki í hvívetna."
Hildur Petersen, fram-
kvæmdastjóri Hans Petersen
hf., tók á móti mér með bros á
vör í glæsilegum húsakynnum
fyrirtækisins að Lynghálsi 1.
Undanfarin 9 ár hefur hún gegnt
stöðu framkvæmdastjóra hjá
þessu gróna og virta fyrirtæki
sem hóf starfsemi sína árið
1907. Það var Hans Petersen,
afi Hildar, sem stofnsetti fyrir-
tækið, sem í upphafi var mat-
vöru- og veiðafæraverslun. Arið
1920 hóf Hans framleiðslu á
svart-hvítum ljósmyndum og
filmusölu og frá þeim tíma hefur
mikið vatn runnið til sjávar. Nú
starfrækir Hans Petersen fjórar
verslanir í Reykjavík auk heild-
verslunar og er án efa stærsta
fyrirtæki sinnar tegundar á
landinu og hefur ótvíræða yfir-
burði á íslenskum markaði.
Hans Petersen hf. er fjölskyldu-
fyrirtæki. Eftir lát Hans Peter-
sen árið 1938, tók Guðrún Pet-
ersen, kona hans, við rekstrin-
um og rak fyrirtækið með syni
sínum, Hans P. Petersen föður
Hildar. Sjálf segist Hildur hafa
fylgst með öllum þáttum starf-
seminnar frá barnæsku og hún
fór snemma að vinna í verslun-
inni í Bankastræti á meðan mið-
stöð fyrirtækisins var þar. Eftir
stúdentspróf hóf hún nám í við-
skiptafræði við Háskóla íslands
en hvarf frá námi eftir tvö ár til
þess að taka við stöðu fram-
kvæmdastjóra — þá aðeins 23
ára.
„Ég tók þá ákvörðun að hætta frek-
ara námi til þess að taka við þessu
starfi,“ segir hún og kveðst ekki sjá
eftir því. „Ég tel að ég sé fyrir löngu
búin að ljúka mínu viðskiptafræðinámi
í gegnum starfið hér og hef því ekki í
hyggju að fara aftur í skólann til þess
að fá prófskírteinið,“ bætir hún við.
Var ekki erfitt fyrir unga stúlku að
taka við svo ábyrgðamiklu starfi?
Hildur neitar því ekki að svo hafi
verið í fyrstu en tekur fram að hún
hafi ekki verið ókunnug starfseminni
— enda fylgst með öllum þáttum
hennar frá blautu barnsbeini. „Mér
var mjög vel tekið og allir voru tilbúnir
til þess að hjálpa mér. Ég átti því góða
að. Hans Petersen er gróið fjöl-
skyldufyrirtæki þar sem konur hafa
jafnan verið atkvæðamiklar og því
kom ráðning mín í þetta starf ekki á
óvart. “ Hildur játar þó að líklega hefði
hún ekki fengið slíkt tækifæri nema
vegna fjölskyldutengsla inna fyrir-
tækisins. „Þetta var aðeins bein þró-
un þess sem verið hafði fram að því.
Hér hafa konur verið í mörgum aðal-
hlutverkunum frá því amma mín rak
fyrirtækið af myndarskap eftir að afi
lést. Nú vinna hér 5 hluthafar auk mín
og þar ríkir algert jafnræði hvað varð-
ar kynin; þrír karlar og þrjár konur,“
segir hún ákveðin. „Systir mín, Guð-
rún, hefur t.d. umsjón með öllum
verslunum fyrirtækisins og Elín Agn-
arsdóttir er auglýsingastjóri. Ég er
því ekki eina konan í stjórnunarstöðu
hér,“ áréttar Hildur.
Að sögn Hildar störfuðu 65 manns
við fyrirtækið þegar hún tók við fram-
kvæmdastjórastöðunni en nú eru
starfsmenn nálægt 80. Aðspurð um
starfsvettvang framkvæmdastjóra
.
32