Frjáls verslun - 01.10.1988, Page 22

BÍLAR
lega að ræða á næsta ári. Ýmsir spá-
dómar eru uppi í þeim efnum og
rökstuddar tölur settar fram um inn-
flutning á bilinu 6.000 til 10.000 bílar.
Hér er ekki um hégómamál að ræða
heldur afskaplega alvarlega þróun og
sýnist þar ætla að loða við okkur ís-
lendinga þau fomu ummæli að þurfa
ýmist að vaða elginn í ökla eða eyra.
í fyrsta lagi er ljóst að þessi mikli
samdráttur mun skerða atvinnuör-
yggi þeirra sem starfa við innflutning-
inn og sjá um þjónustu við nýja bíla. í
því sambandi má ekki gleyma að 15-
20.000 manns byggja afkomu sína á
þjónustu við bílgreinina í heild þannig
að viðvarandi samdráttur í sölu myndi
brátt hafa veruleg áhrif á atvinnustig-
ið.
í öðru lagi mun ríkissjóður verða af
verulegum tekjum og má ítreka það
sem áður hefur komið fram að um
20% ríkistekna skapast af innflutningi
og þjónustu við bifreiðar. Á síðasta ári
voru tekjuhlutföll bflgreinarinnar af
heildartekjum ríkissjóðs þannig að
tekjur af innflutningnum sjálfum voru
8.9%, af hjólbörðum, viðgerðum og
varahlutum 2.6% og af sölu eldsneyt-
is og trygginga 8.6%.
STÁLGRINDAR-
HÚS
- Auðveld í uppsetningu
- Stuttur byggingartími
- Sveigjanleg byggingakeríi
- Breytingar auðveldar
- Stálklæðning frá Inter Profiles
- Steinullareinangrun
- SFS festingar
- C og Z langbönd frá Inter Profiles
- Ókeypis kostnaðaráætlanir
VERÐIÐ ER HAGSTÆTT
GÆÐI ÚR STÁXJ
í þriðja lagi mun íslenski bflaflotinn
á ný verða úr sér genginn ef jafnvægi
kemst ekki fljótlega á í innflutningi og
mun það auðvitað hafa ófyrirsjáanleg-
ar afleiðingar í för með sér fyrir lands-
menn og öryggi þeirra í umferðinni.
Á hinn bóginn sparast verulegur
gjaldeyrir vegna minnkandi innflutn-
ings nýrra bfla og hlýtur það að vera
ánægjuefni í versnandi gengi efna-
hagsmála. Árið 1987 nam bflainnflutn-
ingur á gildandi verðlagi um mitt það
ár ríflega 6 miljörðum króna og var
um aukningu frá fyrra ári að ræða upp
á um 2 miljarða. Slík neysla gat auð-
vitað ekki haldið áfram ár frá ári og því
hlaut samdráttur að blasa við.
Það kann að reynast skammgóður
vermir fyrir ríkisvaldið að hækka tolla
og aðflutningsgjöld af bifreiðum ef það
þýðir aukinn samdrátt í sölu nýrra
bfla. Slík ráðstöfun er það sama og að
pissa í skóinn sinn. Meginatriðið hlýt-
ur að vera að opinberir aðilar láti af
sífelldum breytingum á verði bifreiða,
hvort sem um er að ræða einkabfla
eða atvinnutæki. Jöfn sala og skipti
milli manna á þessum þarfasta þjóni
nútímans hlýtur að vera affarasælust.
HVAÐ SEGJA SÖLUMENN
Eins og áður kom fram í samantekt
þessari er spáð verulegum samdrætti
í bflasölu á komandi ári. En hvemig
gekk salan á þesu ári og hvað er fram-
undan að mati talsmanna bifreiðaum-
boðanna? Við ræddum við nokkra.
JóhannHaraldssonhjáJöfrihf, sem
flytur inn Skoda, Peugeot og Chrysl-
er bifreiðar sagðist þokkalega ánægð-
ur með útkomu ársins. Tegundimar
hefðu selst misjafnlega. Skoda bflum
hefði fækkað frá fyrra ári en hins veg-
ar orðið veruleg aukning á sölu ann-
arrategunda, einkum Chrysler. Hann
kvað umboðið hafa selt nánast alla bfla
af 1988 árgerðinni enda hefði verið
gripið til útsöluaðferða í haust, sem
auðvitað gerði það að verkum að af-
koman yrði verri í ár en ella. Jóhann
sagði að Jöfur hf stefndi að því að
halda um 11% markaðshlutdeild áfram
en að um verulega minnkun í sölu yrði
að ræða á næsta ári.
Gylfi Siguijónsson hjá Bflvangi
sagði að afkoma fyrirtækisins yrði vel
réttu megin við strikið, eins og hann
komst að orði, þrátt fyrir verulegan
samdrátt í sölu. Árið 1987 hefði um-
boðið selt um 550 bfla en nú væri
aðeins búið að selja innan við 400 bfla.
Bflvangur selur m.a. Chevrolet bfla
frá Bandaríkjunum, Opel frá V-
Þýskalandi og Isuzu frá Japan. Um
verulega aukningu hefur verið að
ræða í sölu bandarísku bílanna, m.a.
vegna hagstæðrar gengisþróunar.
Hjörtur Jónsson hjá Ræsi hf, sem
flytur inn Mercedes-Benz frá V-
Þýskalandi sagði erfitt að meta sveifl-
urnar í prósentum þar sem umboðið
flytti inn tiltölulega fáa en dýra bfla. Þá
væri kaupendahópurinn talsvert öðru
vísi en hjá öðrum aðilum, aðallega at-
vinnubifreiðastjórar, en mest flytur
Ræsir inn sendibfla, vörubfla og fólks-
bfla til leiguaksturs. Hann kvað þessa
aðila þurfa að endumýja bfla sína hvað
sem tautaði og raulaði en vissulega
mætti búast við einhverri tregðu í
sölu á næsta ári.
Börkur Amason hjá Glóbus hf,
sem flytur inn SAAB frá Svíþjóð og
Citroen frá Frakklandi kvaðst hafa
orðið var við samdrátt í sölu strax sl.
vor enda kæmi árið tiltölulega illa út í
sölu. í lok september árið 1987 hafði
umboðið flutt inn 340 fólksbfla en á
sama tíma í ár aðeins um 170. Þessi
samdráttur endurspeglast í veltutöl-
um bifreiðadeildar Glóbus hf: 140
miljónir 1987 en aðeins 120 miljónir í
ár að sögn Barkar Árnasonar.
Kristinn Valtýsson hjá Bifreiðum
og landbúnaðarvélum sagði að sam-
drátturinn í sölu Lada bifreiða hefði
komið mun seinna fram en hann hefði
átt von á. Jöfn sala hefði verið allt
fram í nóvember en þá hefði hún
dregist verulega saman. Þetta væri
ekkert nema eðlilegt eftir gífurlegan
innflutning árið á undan og markaður-
inn hefði þurft að jafna sig um stund-
arsakir. Samdráttur næsta árs yrði
eflaust enn meiri en síðan kæmist inn-
flutningurinn í eðlilegt ástand að nýju
þ.e. yrði um 10% af bflaeigninni ár
hvert.
Þórir Jensen hjá Bflaborg sagði inn-
flutning bifreiða á næsta ári geta
brugðið til beggja vona. Stjórnvöld
hygðu á verulega aukna skattheimtu
af bflum auk þess sem efnahagur
landsmanna myndi án efa rýrna á
næsta ári. Hann kvað Bflaborg hafa
22