Frjáls verslun - 01.10.1988, Page 37
Gunnar M. Hansson, forstjóri IBM:
NÁÐUM
SETTUM
MARKMIÐUM
Gunnar M. Hansson, forstjóri IBM á
íslandi segir að árið 1988 hafi óneitanlega
verið mun þyngra í skauti en áætlað hefði
verið „en engu að síður reikna ég með því
að IBM nái þeim tekju- og hagnaðar-
markmiðum sem stefnt var að á árinu.“
í hverju birtust erfiðleikarnir helst?
Gunnar svarar því til að fyrirtækið hafi
fyrst og fremst fundið fyrir því að fyrirtæki
hafi almennt haft minna fé til ráðstöfunar.
>,Það varð til þess að minna varð um íjár-
festingar og fyrirtækið þurfti einnig að
beita meira aðhaldi en oft áður við inn-
heimtu skulda."
IBM kynnti nýjung á árinu, sem var
AS/400 tölvusamstæðan. „System/36 var
mest selda tölvan áður en AS/400 kom til
sögunnar og auðvitað barst það út að von
væri á nýjung frá IBM. Fyrir vikið biðu
margir með tölvukaup þar til AS/400 kom
á markað. Tölvan var hins vegar ekki
kynnt fyrr en um mitt ár og við gátum ekki
afgreitt hana fyrr en á síðustu mánuðum
árisins. Þetta varð til þess að tekjum fyrir-
tækisins var misskipt yfir árið. En nýju
tölvunni hefur verið vel tekið og þegar
hafa selst nokkrir tugir AS/400, þannig að
fyrirhuguð tekju- og hagnaðarmarkmið
nást.“
Gunnar segir engan vafa leika á því að
næsta ár verði þungt í skauti. „Það er
illmögulegt að meta ástandið í þjóðfélaginu
þegar við fáum nánast daglega nýjar og
verulegar breyttar upplýsingar um efna-
hagsástand þjóðarinnar, bæði frá opinber-
um aðiljum sem og öðrum sem búa yfir
upplýsingum um þessi mál.
Það er erfitt að gera áætlanir um rekst-
ur fyrirtækja þegar forsendurnar eru
svona óljósar. En þrátt fyrir fyrirsjáanlega
erfiðleika eru ýmsar framkvæmdir á döf-
inni hjá IBM, sérstaklega á hugbúnaðar-
sviðinu. Þær eru hugsaðar til að mæta
aukinni eftirspurn með bættri efnahags-
stöðu."
En hvenær batnar staðan að mati
Gunnars? Hann segist vera með ákveðnar
væntingar og ekki síður óskhyggju í þeim
efnum. „Ég vona, eins og aðrir landsmenn
að það verði sem fyrst tekið föstum tökum
á efnahagsmálum þjóðarinnar. Ef ekki af
þessari ríkisstjóm, þá nýrri. Ég vona
sannarlega að þjóðin verði farin að sjá fram
á betri tíma strax á síðari hluta árisins
1989.“
Fyrirtæki höfðu minni fé handa á milli til að fjárfesta í tölvubúnaði.
SVEINN MAGNÚSSON
AUGLÝSINGAR -
MARKAÐSRÁÐGJÖF
ÞÓRSGATA26
101 REYKJAVÍK
SÍMI 622270
NNR. 7455-0509
KENNITALA 551283-062-9