Frjáls verslun - 01.10.1988, Síða 41

bendir margt til þess að flestar verðlækk-
anir sjávarafurða á erlendum mörkuðum
séu nú komnar fram. Það þýðir, í versta
falli, að búast megi við óbreyttu verðlagi.
Engar líkur eru á verðhækkunum, sem
nokkru nema. Blikur eru á lofti á Asíu-
markaðinum, þar sem mikið framboð hef-
ur verið á fiski, enda eru verðhækkanir
enn að koma þar fram. Jafnvel þótt ein-
hverjar verðhækkanir verði árið 1989 eru
efnahagsörðugleikamir hérlendis það
miklir að það mun taka okkur eitt til tvö ár
að skapa hér eðlilegt jafnvægi. Eitt af því
sem torveldar að jafnvægi komist á í efna-
hagsmálum okkar er hið ógnvekjandi jafn-
vægisleysi íslenskra stjórnmála.“
Tiyggvi Pálsson,
bankastjóri Verzlunarbankans:
EITT BESTA
ÁR í SÖGU
BANKANS!
Að sögn Tryggva Pálssonar, banka-
stjóra, er árið 1988 eitt hið besta í sögu
Verzlunarbanknas „og kemur þar margt
til. Afkoman var góð og arðsemi eigin íjár
var í samræmi við markmið."
Tryggvi segir að lausafjárstaða bankans
sé góð og „einnig virðist hafa náðst góður
árangur í þeim félögum sem bankinn á
aðild að. “ Þar nefnir Tryggvi meðal annars
Fjárfestingarfélagið, Féfang og Kredit-
kort hf. „Aukning innlána var með besta
móti í samanburði við aðra banka og lausa-
íjárstaðan var viðunandi."
Ástæðan fyrir góðri stöðu Verzlunar-
bankans, á tímum samdráttar og kreppu,
segir Tryggvi vera margþætta. „Bankinn
hefur boðið upp á ýmsar nýjungar. Við
komum með nýtt innlánsform á árinu, auk
þess sem við höfum þróað útlánakerfi
Verzlunarbankans töluvert að undan-
förnu. Við bjóðum upp á verðtryggð lán
með föstum vöxtum og tókum fyrstir upp
svokallaða kjörvexti, en þar eru vextir
miðaðir við lánstraust.
Þá má ekki gleyma þeirri miklu stuðn-
ingsyfirlýsingu sem birtist í vel heppnuðu
hlutaljárútboði. Boðnar voru út 100 millj-
ónir króna í nýtt hlutafé en pantanir bárust
í 180 milljónir króna."
Tryggvi segir að árið 1989 muni ein-
kennast af víðtækum samdrætti í þjóðar-
búskapnum sem bankinn muni ekki fara
varhluta af. „Ljóst er að gæta þarf vel að
útlánum og útlanstöp munu höggva stór
Afkoma bankanna var góð á árinu 1988.
skörð í afkomu banka og eigið fé þeirra.
Ég geri því ráð fyrir að rekstrarafkoma
bankanna verði almennt lakari árið 1989 en
hún var árið 1988. Við hjá Verzlunarbank-
anum munum, eftir sem áður, gera okkar
besta til að viðhalda góðum rekstri.“
Að mati Tryggva er yfirstandandi efna-
hagskreppa á margan hátt sérstæð.
„Fyrri kreppur sem við höfum gengið í
gegnum, hafa flestar verið af völdum ytri
aðstæðna en það er ekki hægt að segja
það sama um þrengingarskeiðið sem þjóð-
in gengur í gegnum núna.
Niðursveiflan mun hins vegar leiða af
sér ákveðna hreinsun með margvíslegri
hagræðingu sem mun styrkja atvinnurek-
endur og auðvelda mönnum baráttuna við
að rífa sig upp úr öldudalnum. En illmögu-
legt er að gera sér grein fyrir því hvað það
mun taka langan tíma.“
FÉLAGSPRENTSMIÐJAN HF.
PRENTUN • STIMPLAGERÐ • UMBÚÐAPAPPÍR
SPÍTALASTÍG 10, V/ÓÐINSTORG • SÍMI 11640
41