Frjáls verslun - 01.10.1988, Page 42

IÐNAÐUR
SAUMAÐ AÐ FATAIÐNAÐI
- ÍSLENSKUR FATNAÐUR Æ SJALDSÉÐARI í VERSLUNUM
Wr ' r'i
1 Ew hJ
íslenskir fataframleiðendur hafa átt undir högg að sækja og fatnaður frá þeim á ekki eins greiða leið að neytendum
og áður.
Alkunna er að fataiðnaðurinn
á Islandi hefur átt undir högg að
sækja á liðnum árum og sérstak-
lega síðustu misserin. Afkoma
og fjárhagsstaðan hefur verið af-
ar erfið, útflutningur til helstu
viðskiptalanda hefur stór-
minnkað, starfsfólki hefur
fækkað allverulega og mörg
fyrirtækjanna orðið að leggja
upp laupana. Á hinn bóginn virð-
ist ljóst að íslenskur fatnaður,
einkum ullarvara, á verulega
möguleika á erlendum mörkuð-
um ef rétt er á spilunum haldið.
Spurningarnar eru því einfald-
lega: Hvers vegna hefur illa
gengið á síðustu árum og hvað
þarf að koma til ef þessi fram-
TEXTI: VALÞÓR HLÖÐVERSSON
leiðslugrein landsmanna á ekki
endanlega að leggjast af?
Hér á eftir munum við skyggnast í
skýrslur og byggja á samtölum við
nokkra aðila í fataiðnaði til að gera
grein fyrir stöðu mála og þeim úrræð-
um sem í boði eru. Það skal tekið
fram að einkum verður kastljósinu
beint að smærri fyrirtækjum þar sem
erfitt er að ræða um risann Álafoss hf
annars vegar og hins vegar önnur
fyrirtæki sem eiga sumpart við ann-
ars konar vandamál að stríða.
STAÐIÐ fl TÍMAMÓTUM
Þeir aðilar sem Frjáls verslun
ræddi við voru sammála um að þessi
atvinnugrein stæði á tímamótum,
þ. e. að ef ekki yrði gripið í taumana nú
væru líkur á að innlend fatafram-
leiðsla heyrði brátt sögunni til. í þess-
um efnum hafa orðið gífurlegar breyt-
ingar á allra síðustu árum. Tískufatn-
aður sem landsmenn ganga í er í dag
að langmestu leyti innfluttur og
hundruð manna í saumaiðnaði hafa af
þeim sökum misst atvinnu sína. Það
heyrir til undantekninga að fyrirtæki í
slíkum iðnaði séu sett á laggirnar og
þess vegna fýsti okkur að heyra í
Stefáni Jörundssyni hjá Tex-Stíl hf,
en rétt ár er liðið frá því hann hóf
rekstur þess fyrirtækis:
„Þetta fyrirtæki er stofnað á grunni
saumastofu Hagkaups hf, en við sem
tókum við henni höfðum starfað þar
42