Frjáls verslun - 01.01.1996, Síða 20

miklu neðar á listanum. Þetta eru allt
fyrirtæki sem almenningur á mikil
viðskipti við en auðvitað eru þau fyrst
og fremst á höfuðborgarsvæðinu. A
landsbyggðinni voru KEA, Kaupfélag
Skagfirðinga og Kaupfélag Ámesinga
öll nefnd þótt fylgi þeirra væri stað-
bundið.
Nýsköpunarfyrirtæki eins og Mar-
el, Oz og Össur vinna hylli fólks og
það leynir sér ekki að margir telja þau
aðalvaxtarsprota íslensks atvinnulífs.
Bankamir em allir í kringum tvö prós-
ent eins og undanfarin ár og lenda allir í
hópi tuttugu vinsælustu fyrirtækjanna.
Hins vegar vekur það athygli að
ekkert tryggingarfélag kemst á blað
yfir 47 vinsælustu fyrirtækin í ár og
segir það sína sögu um hina neikvæðu
ímynd sem þau hafa í hugum fólks.
HVAÐ SEGIR SVONA KÖNNUN OKKUR?
Það hefur heyrst að kannanir eins
og sú sem hér er gerð séu meingall-
aðar. Almenningur hafi ekkert vit á
rekstri fyrirtækjanna, eins og sést
hafi af því að Sól hafi verið á toppnum
eða við hann á sama tíma og fyrirtæk-
ið barðist í bökkum fjárhagslega.
Þeir, sem þannig tala, hafa ekki skilið
hvað þessar kannanir mæla. Þær
segja hvaða fyrirtæki það eru sem
almenningur metur mest (eða
minnst) en eru ekki mælikvarði á það
hvernig fyrirtækin em rekin. Bónus,
Hagkaup og Samherji hafa til dæmis
aldrei viljað birta ársreikninga sína
opinberlega og því vita ekki nema inn-
vígðir hvemig afkoma þeirra fyrir-
tækja er. Afkoma og gengi á hluta-
bréfamarkaði eru annað mál en vin-
sældir meðal almennings. Enn ein
aðferð er svo að Iáta stjórnendur
meta sjálfa sig og kollega sína sem
einnig er áhugavert.
Tölfræðileg óvissa í þessari könn-
un er frá því að vera um 3% hjá fyrir-
tækjunum á toppnum niður í tæplega
1% hjá þeim lægstu. Því er varla hægt
að segja að marktækur munur sé á
þeim fyrirtækjum, sem eru með fylgi í
kringum 1%, og hinum sem ekki kom-
ast á listann. Það eru því fyrst og
fremst 20 efstu fyrirtækin eða þar um
bil sem telja má öruggt að séu í hópi
hinna vinsælustu. Hins vegar er hér
birt fylgi allt niður í 47. sæti þannig að
menn sjái hvaða fyrirtæki voru nefnd.
FYLGIVIÐ STJÓRNMÁLAFLOKKA
Fylgi í % könnun Þingmenn könnun Síðustu kosningar Þingmenn kosningar
Alþýðuflokkur 12,1% 8 11,4% 7
Framsóknarflokkur 21,4% 14 23,3% 15
Sjálfstæðisflokkur 40,3% 26 37,1% 25
Alþýðubandalag 14,8% 10 14,3% 9
Þjóðvaki 4,0% 2 7,1% 4
Kvennalisti 4,6% 3 4,9% 3
Annað 2,8% 0 1,9% 0
Könnun á fylgi stjórnmálaflokka:
FRAMSOKNARMENNIVAFA
Þjóövaki fengi tvo þingmenn og á enn nokkurt fylgi
D
skoðanakönnun Frjálsrar
verslunar var spurt um fylgi
við stjórnmálaflokka. Ekki
voru stórkostlegar breytingar á
fylgi flokkanna frá síðustu kosning-
um. Þó er ljóst að Þjóðvaki, sem
hefur horíið í skoðanakönnunum að
undanfömu hefur enn nokkurt fylgi
þótt það sé aðeins helmingur af fylg-
inu í síðustu kosningum.
SKIPTING ÞINGMANNA Á FLOKKA
Miðað við könnunina fengi Al-
þýðuflokkurinn 8 þingmenn og bætti
einum við sig, Framsókn fengi 14 og
tapaði einum, Sjálfstæðisflokkurinn
fengi 26, bætti við sig einum, Al-
þýðubandalagið fengi 9-10 (er með
9), Kvennalistinn 3, eins og nú, og
Þjóðvaki 2 þingmenn en er með 4.
Ekki er hægt að fullyrða að um
marktækar breytingar sé að ræða
nema hjá Þjóðvaka. Tíundi þing-
maður Álþýðubandalagsins er í bar-
áttu við 27. mann Sjálfstæðisflokks
og 3. mann Þjóðvaka.
Kosningar voru mönnum greini-
lega ekki ofarlega í huga og um 45%
aðspurðra voru óákveðnir eða vildu
ekki svara. Jafnframt könnuninni
voru menn spurðir hvað þeir kusu
síðast. Þar var svörunin betri.
Þegar borið er saman hvað menn
kusu síðastliðið vor og hvað þeir
segjast ætla að kjósa nú kemur í ljós
að 60% krata halda tryggð við flokk-
inn sinn, 58% Alþýðubandalags-
manna og 73% þeirra, sem kusu
Sjálfstæðisflokkinn, ætla að kjósa
hann aftur. Hins vegar segjast
aðeins 32% þeirra, sem kusu Þjóð-
vaka, ætla að kjósa flokkinn aftur og
33% stuðningsmanna Kvennalist-
ans halda sig við hann.
ÁÐUR FYRRVARTIL HUGTAKIÐ
„SAUÐTRYGGUR
FRAMSÓKNARMAÐUR"
Mest kemur hins vegar á óvart að
einungis 48% þeirra, sem kusu
Framsóknarflokkinn, segjast
ákveðnir í að kjósa hann aftur. Áður
fyrr var hugtakið „sauðtryggur
framsóknarmaður" haft um fylgis-
menn flokksins sem talið var að
gætu aldrei hugsað sér að víkja af
sinni þröngu leið. Nú virðist þetta
hins vegar breytt.
Úrtakið er of lítið til þess að hægt
sé að fullyrða nokkuð um hreyfingar
í einstökum kjördæmum. Ef kynja-
munur er skoðaður þá sést að meiri-
hluti stuðningsmanna Alþýðu- og
Framsóknarflokks eru karlar en
konur eru hins vegar í meirihluta
stuðningsmanna Kvennalista, sem
er eftir bókinni, og Sjálfstæðisflokks
en það kemur á óvart. Sjálfstæðis-
flokkurinn hefur á undanförnum ár-
um mælst með heldur minna fylgi
meðal kvenna en karla.
20