Frjáls verslun - 01.10.1999, Qupperneq 26

óðagoti og gefa andstæðingum aldrei tóm til að athafna sig.
Hægt er að breikka leikvöll Stoke en hann hefur verið
þrengdur frá því hann var tekinn í notkun fyrir tveimur
árum. Sniðugt væri hjá Guðjóni að láta breikka völlinn aftur
til þess að auðvelda leikmönnum að ná upp meira spili og
gera leikinn að meiri skemmtun fyrir áhorfendur.
Jez Moxey, framkvœmdastjóri daglegs rekstrar hjá Stoke. Um 40
manns eru á launaskrá hjá félaginu fyrir utan knattspyrnumennina.
Moxey þykir hafa gert góða hluti íþau fjögur ár sem hann hefurstarf-
að hjá Stoke - og er með góð tengsl við styrktaraðila og auglýsendur.
Leikur Stoke getur aðeins batnað Þegar Frjáls verslun
fylgdist með Stoke leika á móti Bristol City, 14. nóvember sl.,
var það svo lélegt að það kom undirrituðum á óvart. Leikur
þess einkenndist af taugaveiklun, miklum kröftum og hlaup-
um, nánast engri sköpunargáfu, sárafáum sendingum á milli
samheija og nánast engri notkun á köntunum. Þetta var
taugaveiklaður pakki leikmanna í kringum miðjuna. Oftar en
ekki mynduðust auð svæði á miðjunni fyrir framan vörn
Stoke en Bristolmenn voru það lélegir að þeir gátu ekki nýtt
sér þessa veikleika. Stoke skoraði mark en Bristol jafnaði.
Þannig endaði leikurinn; 1-1. Að
leik loknum höfðu fjárfestarnir á
orði að leiðin gæti ekki verið nema
ein hjá liðinu - upp á við. Fljótt á lit-
ið þyrfti ekki nema tvo sterka
miðjumenn til að liðið stórbatnaði,
menn sem gætu haldið boltanum
og róað leikinn niður, gætu dreift
honum út á kantana og matað
sóknarmenn. Vissulega væru mik-
il not fyrir menn eins og Rúnar
Kristinsson,
% Lilleström,
'< og Sigurð
Jónsson, Dundee, í liðinu. Þeir eru
hins vegar ekki á leiðinni til
Stoke; alténd ekki á þessari leik-
tíð. Margir leikmenn í íslensku
úrvalsdeildinni spila betri knatt-
spyrnu en leikmenn Stoke gerðu
í þessum leik. Raunar reynist
flestum liðum erfitt, hversu góð sem
þau eru, að spila á móti liðum þar
sem leikmenn hlaupa og hlaupa í
Gary Megson, fráfarandi knatt-
spyrnustjóri Stoke. Fjárfestarnir
leystu hann frá störfum og réðu Guð-
jón Þórðarson í hans stað. Þeir
greiða Megson laun út samnings-
tímabil hans -18 mánuði. Guðjón er
sjötti knattsþyrustjórinn hjá Stoke á
aðeins tveimur árum.
„Hægri fóturinn á Hemma“
Þær 150 milljónir króna, sem Stoke ætlar að
verja til leikmannakaupa, er lág upphæð, hún er
eins og „hægri fóturinn á Hemrna". Færa má rök
fyrir því að þetta sé of lág upphæð og að hún
dugi vart til stórræða. Þessi fjárhæð er það sem
helst er hægt að gagnrýna við kaupin á Stoke.
Rökin á móti eru þau að hægt sé að auka þetta
ráðstöfunarfé með því selja einhverja af leik-
mönnum Stoke og skipta inn á ódýrari leikmönn-
um sem ná sama ef ekki betri árangri.
Minni meiðsli leikmanna undir sljórn Guðjóns Fjárfestarn-
ir telja að þjálfunaraðferðir Guðjóns geti sparað þeim umtals-
vert fé og aukið ráðstöfunarfé félagsins til kaupa á góðum
leikmönnum. Guðjón hefur til margra ára lagt þunga áherslu
á grunnþolsþjálfun og kraftþjálfun (með mjólkursýrumæl-
ingum) svo og fyrirbyggjandi vinnu með læknum og færum,
háskólamenntuðum sjúkraþjálfurum. Fyrir vikið hafa
meiðsli leikmanna undir stjórn hans ekki verið eins tíð og
hjá öðrum þjálfurum. Fullyrt er að í Englandi geti menn kall-
að sig sjúkraþjálfara eftir aðeins þriggja vikna námskeið. Fær
og háskólamenntaður íslenskur sjúkraþjálfari mun starfa
með Guðjóni ytra og er þess vænst að samstarf þeirra leiði
til bættrar nýtingar leikmanna og að hægt verði að fækka í
leikmannahópnum - og draga þannig úr heildarlaunagreiðsl-
um.
Sömuleiðis gefur það færi á að kaupa leikmenn sem henta
betur íyrirhugðu leikskipulagi Guðjóns sem á að einkennast
af yfirveguðum og markvissum leik - og er meira í ætt við
það sem tíðkast í ensku úrvalsdeildinni. Fjárfestarnir eru
þess fullvissir að Guðjón gæti stýrt hvaða úrvalsdeildarliði í
Englandi sem er með góðum ár-
angri og að þeir séu með úrvals-
deildarstjóra að stýra liði í ensku 2.
deildinni!!
Kaup íslensku ljárfestanna hef-
ur mælst mjög misjafnlega fyrir
hér á landi. Kunnur Ijárfestir sagði
við Frjálsa verslun að hann hefði
orðið móðgaður hefði honum verið
boðið að vera með í Stokehópnum.
Hann er vantrúaður á að fjárfest-
ingin gangi upp og að menn beri
mikið úr býtum af þessu ævintýri.
Fjárfestarnir sjálfir eru hins vegar í
litlum vafa: Guðjón kemur liðinu upp í 1. deild! Við það munu
þrír tekjupóstar aukast; tekjur af áhorfendum, sjónvarpi og
sölu leikmanna. Jafnframt verði taprekstri snúið í hagnað
vegna aðhalds í leikmannamálum. Við þetta muni markaðs-
verð félagsins tvö- til þrefaldast á næstu þremur árum og
nálgast verð annarra rótgróinna og þekktra félaga í 1. deild í
Englandi. Komist Stoke upp í úrvalsdeildina á um fimm árum
mun markaðsverð félagsins snarhækka og hagnaður ljárfest-
anna sömuleiðis.
Kaupin á Stoke City F.C. er öðruvísi ijárfesting en íslend-
ingar hafa áður lagt út í. Líkja má henni við útrás Islendinga í
sjávarútvegi og hugbúnaðarmálum. Með Guðjón við stjórn-
völinn telja Ijárfestarnir sig vera að flytja út þekkingu og hæfi-
leika. Það á hins vegar eftir að telja upp úr kössunum. Það eru
mörg „ef‘ í dæminu. Sjálfir eru fjárfestarnir ekki í neinum
vafa: Þetta á eftir að verða bæði skemmtileg og árangursrík
ijárfesting! Við segjum: Líkurnar eru 50 á móti 50 á að dæmið
gangi upp! ffl
26