Morgunblaðið - 05.01.2001, Page 4
FRÉTTIR
4 FÖSTUDAGUR 5. JANÚAR 2001 MORGUNBLAÐIÐ
Sléttari húð, aukinn ljómi og
fullkomin ró. Róandi næturkrem
sem færir húðinni vítamín.
Útsölustaðir:
Andorra Hafnarfirði, Bjarg Akranesi,
Bylgjan Kópavogi, Fína Mosfellsbæ,
Hjá Maríu Amaró, Akureyri, Hygea Kringlunni,
Hygea Laugavegi, Snyrtivöruverslunin Glæsibæ.
l i :
i i, j i,
l j i, í ll ,
j í , i, i l i,
i, i l i l i .
D-STRESS NÆTURKREM
LITLU munaði að illa færi hjá
Jóni Páli Vigfússyni á gamlárs-
kvöld þegar hann var að skjóta
upp flugeldum ásamt fjölskyldu
sinni í Hafnarfirði og fékk hluta
af skoteldi í höfuðið. Jón Páll var
með hlífðargleraugu og slasaðist
því aðeins minni háttar en gler-
augun brotnuðu í tvennt við
höggið og því óhætt að segja að
þau hafi bjargað honum frá al-
varlegum meiðslum.
„Við vorum búin að skjóta upp
slatta af tertum og rakettum en
þegar þetta gerðist stóð ég undir
húsvegg um 7 til 8 metra frá og
var bara að fylgjast með,“ sagði
Jón Páll. „Það var kveikt í tertu
og hún byrjar alveg eðlilega,
skýtur upp skotum, en síðan
gerðist eitthvað og það næsta
sem ég veit er að eitthvað hittir
mig í höfuðið. Ég veit í sjálfu sér
ekki nákvæmlega hvað það var
en ég missti gleraugun við högg-
ið, skarst aðeins og fékk kúlu við
augabrúnina.“
Jón Páll sagðist þakka hlífð-
argleraugunum fyrir að ekki
skyldi hafa farið verr. Hann
sagði að í hans huga sýndi þetta
atvik fram á mikilvægi þess að
allir, jafnt börn sem fullorðnir,
notuðu hlífðargleraugu og gættu
fyllstu varúðar í námunda við
flugelda.
„Þetta sýnir að það eru ekki
endilega bara þeir sem eru að
kveikja í flugeldunum sem eru í
hættu,“ sagði Jón Páll og bætti
því við að hann vonaði að fólk
færi varlega á þrettándanum.
Morgunblaðið/Jim Smart
Hlífðargleraugun sem Jón Páll Vigfússon notaði á gamlárskvöld fóru í
tvennt þegar hann fékk skoteld í höfuðið.
Maður fékk skoteld í höfuðið
Hlífðargleraugu
björguðu andlitinu
HOLLUSTUVERND ríkisins gaf í
gær út starfsleyfi til handa Sæsilfri
ehf. sem áformar sjókvíaeldi á laxi
í Mjóafirði. Umhverfisráðherra og
Skipulagsstofnun höfðu áður gefið
út þá úrskurði að laxeldið væri
ekki háð mati á umhverfisáhrifum.
Guðmundur Valur Stefánsson,
framkvæmdastjóri og einn eigenda
Sæsilfurs, sagði við Morgunblaðið
að með starfsleyfinu væri stórum
áfanga náð og nú væri aðeins beðið
eftir rekstrarleyfi annaðhvort frá
embætti Veiðimálastjóra eða land-
búnaðarráðherra. Að því fengnu
gæti starfsemin hafist í vor eins og
áætlanir gerðu ráð fyrir. Reiknað
er með að rekstrarleyfið verði gef-
ið út með fyrirvara um úttekt á
búnaði eldisstöðvarinnar.
Margir sérfræðingar
komið að málinu
Starfsleyfið, sem gildir til ársins
2007, miðast við átta þúsund tonna
framleiðslu að hámarki á ári en
laxaslátrunin fer fram á Neskaup-
stað. Aðrir helstu eigendur Sæsilf-
urs, auk Guðmundar, eru Samherji
á Akureyri, Síldarvinnslan á Nes-
kaupsstað og Hraðfrystistöð Þórs-
hafnar.
Að sögn Guðmundar gerir Holl-
ustuvernd strangar kröfur um all-
an búnað og frágang í laxeldisstöð-
inni um losun úrgangsefna og
kröfur eru gerðar um strangt eft-
irlit og vöktun með starfseminni.
Sæsilfur lagði inn umsókn um
starfsleyfi hjá Hollustuvernd sl.
vor og síðan þá hafa farið fram
miklar bréfaskriftir og skýrslu-
gerðir og niðurstöður rannsókna
verið lagðar fram. Margir sérfræð-
ingar hafa komið að málinu, að
sögn Guðmundar, sem gefið hafa
álit sitt. Hann sagði Sæsilfur hafa
að miklu leyti tekið mið af reynslu
af sjókvíaeldi við Finnmörku í Nor-
egi þar sem aðstæður væru verri
en þekkist hér á landi frá náttúr-
unnar hendi.
Styttist í leyfi frá Hollustu-
vernd vegna Berufjarðar
Landbúnaðarráðherra er með í
vinnslu nýtt frumvarp til laga um
lax- og silungsveiði þar sem m.a. er
tekið á laxeldi. Gömlu lögin gera
ráð fyrir að veiðimálastjóri gefi út
rekstrarleyfi til laxeldis en sam-
kvæmt nýjum lögum mun ráðherra
gefa út slík leyfi. Guðmundur Val-
ur sagðist telja að gömlu lögin
myndu frekar ná yfir Sæsilfur,
tækju nýju lögin ekki þeim mun
fyrr gildi.
Fyrirtækið Salar Islandica, sem
áformar sjókvíaeldi í Berufirði, bíð-
ur eftir álíka starfsleyfi frá Holl-
ustuvernd og Sæsilfur og er þess
að vænta á næstu dögum. Um-
hverfisráðherra komst sömuleiðis
að þeirri niðurstöðu að laxeldi í
Berufirði væri ekki háð mati á um-
hverfisáhrifum.
Sæsilfur í
Mjóafirði fær
starfsleyfi
Hollustuvernd gerir strangar kröfur
SAMKVÆMT mælingum Heilbrigðiseftirlits
Reykjavíkur á loftmengun í Reykjavík milli jóla og
nýárs fór sólarhringsmeðaltal í tvígang langt yfir
leyfileg mörk, sem eru 130 míkrógrömm á rúm-
metra. Mæld eru fjögur loftefni; svifryk, brenni-
steinsdíoxíð, nítroxíð og kolmónoxíð. Miðvikudag-
inn 27. desember var meðaltalið 165 míkrógr/m³ og
daginn eftir fór meðaltalið í 260 míkrógr/m³, sem er
tvöfalt yfir leyfilegum mörkum. Hæsta gildi þann
daginn, 28. desember, fór yfir 400 míkrógr/m³ þeg-
ar umferðin var sem mest í borginni. Þessa daga
voru stillur miklar, frost og logn. Að sögn Lúðvíks
Gústafssonar, forstöðumanns umhverfissviðs Heil-
brigðiseftirlitsins, var svifrykið langmesta meng-
unin þessa tvo daga. Eiga nagladekkin þar mesta
sök en þau rífa upp malbikið af götum borgarinnar.
Vind tók að hreyfa í Reykjavík á föstudeginum
29. og laugardeginum 30. desember og loftmeng-
unin datt niður þá daga. Meðaltal á menguninni fór
niður í 85 míkrógr/m³ á föstudeginum og enn neðar
á laugardeginum, eða niður í 23 míkrógr/m³.
Mengun yfir mörkin vegna
flugelda um sjálf áramótin
Lúðvík sagði að sólarhringsmeðaltal frá gaml-
ársdegi til nýársdags lægi ekki fyrir en þó hefði
hann skoðað mælana fyrir þann tíma þegar flug-
eldum var skotið á loft í borginni, eða frá því um kl.
23 á gamlárskvöld til kl. 1 á nýársnótt. Þá fór
mengunin yfir leyfileg mörk, eða í 150 míkró-
grömm á hvern rúmmetra, sem var þá aðallega
brennisteinsdíoxíð af völdum flugeldanna og svif-
ryk.
Samkvæmt reglugerð má loftmengun í Reykja-
vík fara yfir leyfileg mörk sjö sólarhringa á ári
hverju, án þess að gripið sé til aðgerða af hálfu heil-
brigðisyfirvalda. Mælist mengunin þetta mikil ber
yfirvöldum, lögum samkvæmt, að gera áætlun um
hvernig draga megi úr loftmenguninni. Lúðvík
sagði að tölur fyrir allt árið 2000 væru ekki tiltækar
en Heilbrigðiseftirlitið og embætti gatnamála-
stjóra væru að vinna að tillögum fyrir Heilbrigð-
isnefnd Reykjavíkur um hvernig draga mætti úr
loftmengun í borginni. Tillögurnar eiga að liggja
fyrir innan þriggja mánaða.
Mikil loftmengun í Reykjavík í stillum milli jóla og nýárs
Yfir mörkum í tvo daga
MAGNÚS Gylfi Thorstenn hef-
ur ákveðið að láta af störfum
sem forstjóri Flugfélagsins Atl-
anta frá og með 20. janúar næst-
komandi. Arngrímur Jóhanns-
son, stjórnarformaður Atlanta,
tekur við starfinu tímabundið
þar til nýr forstjóri hefur verið
ráðinn.
Þóra Guðmundsdóttir,
stjórnarmaður í Atlanta, tjáði
Morgunblaðinu að ekkert væri
ákveðið um ráðningu nýs for-
stjóra.
Í tilkynningu um ákvörðunina
segir að fjölskylduaðstæður séu
ástæða þess að Magnús Gylfi
sagði upp störfum hjá Atlanta.
Þar segir að fjölskylda hans búi
í New York og hann telji sig að
óbreyttu hvorki geta sinnt
henni né fyrirtækinu eins vel og
hann hefði kosið. Magnús Gylfi
hefur um árabil rekið lögfræði-
stofu í New York ásamt eigin-
konu sinni, Susan E. Thorstenn.
Hann starfaði sem lögfræðing-
ur Flugfélagsins Atlanta frá
árinu 1992 til 1999 þegar hann
var ráðinn forstjóri þess. Hann
mun nú taka upp þráðinn á ný
vestra og starfa sem lögmaður
félagsins og ráðgjafi í sérverk-
efnum.
Forstjóra-
skipti hjá
Atlanta
GREITT verður úr vinnudeilusjóði
Kennarasambandsins í dag. Fram-
haldsskólakennari í fullu starfi fær
greiddar 17.500 kr. Greiðslurnar
miðast við 5 daga, þ.e. 2., 3., 4., 5. og
8. janúar. Leysist verkfallið ekki í
næstu viku verður næst greitt út
föstudaginn 12. janúar. Á síðasta ári
greiddi vinnudeilusjóður rúmlega
172 milljónir króna í verkfallsbætur.
Þegar verkfall framhaldsskólakenn-
ara hófst voru um 540 milljónir í
vinnudeilusjóðnum.
Greitt úr
vinnudeilu-
sjóði kennara
SLÖKKVILIÐ Akureyrar var kallað
að bænum Hólakoti í Eyjafirði á ní-
unda tímanum í gærkvöld en þar log-
aði í þaki vélageymslu. Heimilisfólk-
inu hafði tekist að ráða niðurlögum
eldsins þegar slökkviliðið kom á vett-
vang og urðu skemmdir litlar. Talið
er að kviknað hafi í út frá reykröri
kabyssu sem notuð er til þess að hita
upp geymsluna.
Eldur út frá
kabyssu
BÆJARSTJÓRN Garðabæjar
samþykkti í gær á hátíðarfundi í
tilefni af því að 25 ár eru liðin frá
því bærinn fékk kaupstaðarrétt-
indi, að gera séra Braga Frið-
riksson að heiðursborgara Garða-
bæjar. Með því vill bæjarstjórn
láta í ljós þakklæti sitt fyrir mik-
ið og gott starf séra Braga í þágu
bæjarbúa og bæjarfélagsins um
áratuga skeið, eins og segir í til-
lögu bæjarstjórnar, sem var sam-
þykkt samhljóða.
Séra Bragi Friðriksson starf-
aði sem sóknarprestur í Garðabæ
á árunum 1966–1997. Hann vann
einnig að mörgum framfaramál-
um í þágu bæjarfélagsins, eink-
um á sviði fræðslumála, íþrótta-
mála og æskulýðsmála. Séra
Bragi Friðriksson er fyrsti heið-
ursborgari Garðabæjar.
Bæjarstjórnin samþykkti einn-
ig á fundinum að vinna að bygg-
ingu minjaskála við Kirkjulund.
Bæjarstjórn fól skipu-
lagsnefnd að vinna að
breytingu á deiliskipu-
lagi á miðbæjarsvæði
með það í huga að reisa
megi minjaskálann á
grundvelli fyrirliggj-
andi teikninga. Í grein-
argerð segir m.a.:
„Fornleifauppgröftur
við Hofsstaði hefur
skapað óvenjulegar að-
stæður, þar sem land-
námsöldin kallast á við
daglegt líf nútímans
með einstökum hætti.
Minjaskálinn mun
tengjast fornleifasvæðinu og
stuðla að aðgengilegum upplýs-
ingum um landnám og sögu
byggðar í Garðabæ.“
Séra Bragi Friðriksson
heiðursborgari Garðabæjar
Laufey Jóhannsdóttir, forseti bæjarstjórn-
ar, afhenti séra Braga heiðursskjal við at-
höfn í ráðhúsi Garðabæjar í gær.
♦ ♦ ♦