Morgunblaðið - 05.01.2001, Side 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 5. JANÚAR 2001 VERÐ Í LAUSASÖLU 165 KR. MEÐ VSK.
RÚMLEGA tuttugu starfsmenn í
járniðnaði á Akureyri og Dalvík
hafa fengið uppsagnarbréf á síð-
ustu dögum. Að sögn Hákonar Hák-
onarsonar, formanns Félags málm-
iðnaðarmanna, er ástæðan
verkefnaskortur. Þessi starfsmaður
Stáltaks, sem var að vinna við peru-
stefnið á togaranum Pétri Jónssyni
RE í flotkvínni á Akureyri í gær,
hafði þó í nógu að snúast.
Morgunblaðið/Kristján
Uppsagnir
í járniðnaði
á Norður-
landi

Verkefnastaðan/15
LÁSAR sem eiga að koma í veg fyrir
að póstkassar séu sprengdir í loft
upp með skoteldum eru settir á póst-
kassa Íslandspósts á nokkrum stöð-
um á landinu. Sums staðar eru kass-
arnir hreinlega teknir niður þar sem
reynslan sýnir að þeir verða gjarnan
fyrir barðinu á skemmdarvörgum.
Þessar ráðstafanir koma um leið í
veg fyrir að póstur sé skemmdur. Á
höfuðborgarsvæðinu eru lásarnir
settir á kassana milli jóla og nýárs
og teknir af að loknum þrettánda.
Linda Jónsdóttir, verkstjóri í út-
keyrsludeild Íslandspósts, segir að
fólk eigi samt sem áður að geta
komið venjulegum umslögum í póst-
kassana. Hins vegar koma lásarnir í
veg fyrir að hægt sé að lauma sko-
teldum í kassana. Reynslan sýni að
slíkt sé nauðsynlegt. Þessi háttur
hefur verið hafður á undanfarin ár
og þykir hafa gefist vel.
Reynir Traustason, fulltrúi stöðv-
arstjóra Íslandspósts á Akureyri,
segir að áður en lásarnir voru settir
í póstkassana hafi verið brögð að því
að þeir hafi verið sprengdir upp um
áramótin og póstur skemmdur. Á
Akureyri eru hindranirnar settar í
póstkassana á gamlársdag og tekn-
ar fyrsta virka dag ársins.
Lásar settir
á póstkassa
ÞOKAST hefur í samkomulagsátt í
viðræðum framhaldsskólakennara
og ríkisins. Þórir Einarsson ríkis-
sáttasemjari telur ekki útilokað að
samningar takist um helgina. Hann
tekur þó fram að svo oft sé búið að
setja fram áætlanir um lok samninga
án þess að þær hafi gengið eftir að
hann treysti sér alls ekki til að full-
yrða að samningum ljúki um helgina.
Þórir segir að verið sé að ræða um
að flytja greiðslur milli vinnuþátta.
Það sé hins vegar talsverður eðlis-
munur á samningi ríkisins og samn-
ingi Verzlunarskólans og því geti
ekki orðið um jafnmikinn tilflutning
að ræða og í þeim samningi. Ein af
ástæðum þess hvað samningavið-
ræður hafi tafist sé sú að ekki sé
hægt að ganga alveg eins til verks.
Kennarar telja sig nú hafa fengið
svör frá samninganefnd ríkisins um
hugmyndir sínar um stórtækan
flutning milli vinnuþátta og upptöku
nýs launakerfis í vetur. Einnig er nú
rætt um að bjóða kennurum upp á
val um að þeir fái launahækkanir í
stað afsláttar á kennsluskyldu þann-
ig að kennsluskylda eftir sextugt
gæti orðið 19 stundir í stað 17 núna.
Þokast í áttina
hjá kennurum
TILKYNNINGAR heilbrigðisstofn-
ana og sjálfstætt starfandi heilbrigð-
isstarfsmanna um að þeir hafi í gildi
vátryggingu í samræmi við skilyrði
nýrra laga um sjúklingatryggingu
hafa streymt til heilbrigðisráðuneyt-
isins undanfarna daga, samkvæmt
upplýsingum Vilborgar Hauksdóttur,
skrifstofustjóra í ráðuneytinu.
Ný lög um sjúklingatryggingu öðl-
uðust gildi um áramótin og þá rann
jafnframt út frestur sem vátrygginga-
skyldir heilbrigðisstarfsmenn og
stofnanir höfðu til að senda staðfest-
ingu þess efnis að þeir hefðu gengið
frá slíkum tryggingum.
Lögin gera ráð fyrir að sjúklingar
verði tryggðir með sjúklingatrygg-
ingu verði þeir fyrir heilsutjóni í
tengslum við rannsókn eða sjúkdóms-
meðferð á sjúkrahúsi, heilsugæslu-
stöð eða annarri heilbrigðisstofnun, í
sjúkraflutningum eða hjá heilbrigðis-
starfsmanni sem starfar sjálfstætt og
hlotið hefur löggildingu til starfans.
Lögin fela í sér víðtækari rétt sjúk-
lings til bóta en hann á eftir almenn-
um skaðabótareglum þar sem nýju
lögin fela í sér bótarétt án þess að fyr-
ir liggi sök heilbrigðisstarfsmanns.
Með lögunum er heilbrigðisstofn-
unum, sjálfstætt starfandi læknum
og öðrum löggiltum heilbrigðisstétt-
um gert að tryggja gegn tjónum án
tillits til þess hvort sök er fyrir hendi
eða ekki, ef rekja má tjón sjúklings til
nánar greindra atvika í lögunum.
Geta misst starfsleyfi ef
vátrygging er ekki í gildi
Vilborg sagði að enn hefði ekki gef-
ist tóm til að fara yfir allar tilkynn-
ingarnar og ganga úr skugga um
hvort einhverjir tryggingaskyldir
ættu eftir að senda staðfestingu.
Tekið er fram í reglugerð um sjúk-
lingatryggingarnar að ráðherra geti
fellt niður starfsleyfi heilbrigðis-
starfsmanns og stöðvað greiðslur TR
til hans ef hann hefur ekki fullnægj-
andi vátryggingu í gildi sem uppfyllir
skilyrði laganna.
Lög um sjúklingatryggingu í gildi
Tilkynningar
um vátryggingu
streyma inn
SAMGÖNGUNEFND Reykjavíkur-
borgar tekur til umfjöllunar næst-
komandi mánudag bréf frá lögreglu-
stjóranum í Reykjavík þar sem farið
er fram á að borgin endurskoði af-
stöðu sína til hraðatakmarkana í
nokkrum götum borgarinnar þar sem
hámarkshraði er 30 km/klst.
Einnig segir lögreglustjóri óhætt
að hækka hámarkshraða á Miklu-
braut, frá Grensásvegi að brúnni yfir
Elliðaár, úr 60 km/klst. í 70 og há-
markshraða á Gullinbrú frá Höfða-
bakkavegi að Hallsvegi úr 50 km/klst.
í 60. Lögreglustjóri segir að í ljósi
þeirra breytinga sem hafa verið gerð-
ar á þessum götum að undanförnu sé
óhætt að fullyrða að göturnar beri
þennan hraða.
Varðandi þær götur þar sem há-
markshraði er 30 km/klst. segir í er-
indi lögreglustjóra að margoft hafi
komið í ljós að mat borgaryfirvalda á
því hver skuli vera hámarkshraði í
einstökum götum virðist annað en
mat dómstóla. Lögreglustjóri vísar til
þess að undanfarna mánuði hafi fallið
dómar í málum sem höfðuð hafa verið
fyrir of hraðan akstur um slíkar götur
þar sem sýknað hefur verið af kröfu
um ökuleyfissviptingu þrátt fyrir ský-
laus ákvæði reglugerðar um hið gagn-
stæða. Rök dómara hafa verið þau að
ekki hafi verið um mjög vítaverðan
akstur að ræða í skilningi 101. gr. um-
ferðarlaga. Af þessu megi draga þá
ályktun að dómarar telji að þessar
götur þoli meiri hraða en 30 km/klst.
hámarkshraða.
Skortur á merkingum
leiðir til vægari dóma
„Ljóst er af þessum dómum að
dómarar líta bæði til aðstæðna á vett-
vangi og staðsetningar umferðar-
merkja í þessu sambandi,“ segir enn-
fremur í bréfinu. Þá hafi skortur á
merkingum leitt til þess að dæmd við-
urlög hafa miðast við almenn hraða-
takmörk, þ.e. 50 km/klst., á götum þar
sem hámarkshraði er 30 km/klst.
Lögreglan getur þó ekki vikið frá
ákvæðum reglugerðar sem hefur leitt
til þess að þeir sem hafna sátt hjá lög-
reglu fá hagstæðari niðurstöðu í
dómi, þ.e. sekt samkvæmt reglugerð
en sýknu af kröfu um ökuleyfissvipt-
ingu. Þetta fari augljóslega gegn
sjónarmiðum um samræmi og jafn-
ræði í lagaframkvæmd.
Lögreglustjóri telur því nauðsyn-
legt að hækka hámarkshraða úr 30
km/klst. í 50 km í eftirtöldum götum:
Arnarbakka, Barónsstíg, Bólstaðar-
hlíð, Brúnavegi, Eskihlíð, Eyrarlandi,
Gnoðarvogi, Hamrahlíð, Háteigsvegi,
Hörgslandi, Kaplaskjólsvegi, Lang-
holtsvegi, Meistaravöllum, Neshaga,
Seljabraut, Sogavegi og Suðurhlíð.
Lögreglan í Reykjavík segir sumar götur þola meiri hraða
Vill hækka hraða-
mörk úr 30 km í 50