Morgunblaðið - 27.01.2001, Blaðsíða 16

LANDIÐ
16 LAUGARDAGUR 27. JANÚAR 2001 MORGUNBLAÐIÐ
Selfossi - Á fjárhagsáætlun sveitar-
félagsins Árborgar er gert ráð fyrir
30 milljóna fjárveitingu til hönnunar
og framkvæmda við nýjan leikskóla á
Selfossi. Áætlanir gera ráð fyrir að
taka hann í notkun á næsta ári.
Með fjölgun íbúa í sveitarfélaginu,
einkum á Selfossi, hefur þörfin fyrir
fleiri leikskólapláss aukist verulega
ásamt því að það fer vaxandi að fólk
óskar eftir plássi fyrir börnin allan
daginn. Kapphlaupið um plássin
kemur einnig fram í því að börnin eru
æ yngri þegar þau eru skráð á bið-
lista eftir plássi.
„Ég sé alveg fyrir mér að hægt sé
að fullnýta 80–100 plássa leikskóla
miðað við þörfina,“ sagði Heiðdís
Gunnarsdóttir, leikskólafulltrúi Ár-
borgar. Hún sagði einnig að ekki væri
búið að ákveða formlega neinar
stærðir eða staðsetningu varðandi
hinn nýja leikskóla.
Engir biðlistar eru að leikskólun-
um á Eyrarbakka og Stokkseyri. Á
Eyrarbakka er 39 barna leikskóli og á
Stokkseyri er leikskóli fyrir 18 börn.
16 milljónir eru áætlaðar í fram-
kvæmdir við Sólvallaskóla á Selfossi,
til að byggja yfir einn af húsagörð-
unum í byggingunni og fá fram eina
kennslustofu.
Til hönnunar nýs skóla er á fjár-
hagsáætlun sveitarfélagsins gert ráð
fyrir 5,2 milljónum króna. Þá er gert
ráð fyrir lagfæringu lóðar við Sól-
vallaskóla og aðkomu að Leikskólan-
um Álfheimum sem er á næstu lóð við
skólann.
Morgunblaðið/Sig. Jóns
Frá leikskólanum Álfheimum á Selfossi, fjær sést Sólvallaskóli.
30 milljónir til nýs
leikskóla á Selfossi
Hellu - Um þessar mundir er unnið
að byggingu nýs íþróttahúss í
Þykkvabæ, en starfsmenn J.Á.
Verktaka á Selfossi luku nýlega
við að steypa sökkul hússins. Hús-
ið á að vera fokhelt og fullfrágeng-
ið að utan 1. júní í sumar. Að sögn
Heimis Hafsteinssonar oddvita
Djúpárhrepps verður væntanlega
fyrir þann tíma lokið við að bjóða
út afgang verksins, þannig að eng-
ar tafir verði á byggingu hússins,
sem hugsanlega verður hægt að
ljúka við fyrir lok þessa árs.
Grunnflötur nýja hússins er
1014 fermetrar og 320 fermetrar á
efri hæð, en burðarvirkið, styrk-
ingar og tilheyrandi uppsetningar
var keypt úr gamla tívolíhúsinu í
Hveragerði og mun það vera um
þriðjungur þess. Húsið er fjölnota,
hannað af Vífli Magnússyni og
kemur til með að hýsa íþrótta-
kennslu, áhaldageymslu og bún-
ingsaðstöðu, auk margvíslegra
annarra nota, s.s. skrifstofur og
fundarherbergi fyrir hreppinn,
skólamötuneyti með aðstöðu fyrir
kennslu í heimilisfræðum og rýmis
sem enn er óráðstafað. Í Grunn-
skóla Þykkvabæjar eru nú 37 börn
í 1.-7. bekk en þeim hefur verið
ekið í íþróttatíma á Hellu frá árinu
1999 en þá var nýtt íþróttahús tek-
ið í notkun þar. Fyrir var í
Þykkvabæ gamalt samkomuhús
sem gegndi þessu hlutverki, en
segja má að það hafi verið orðið
barn síns tíma, auk þess sem það
fór að stórum hluta mjög illa í
jarðskjálftunum sl. sumar. Húsið
var byggt uppúr miðjum fjórða
áratug síðustu aldar en síðan var
byggt við það á sjöunda áratugn-
um. Að sögn oddvitans er ekki bú-
ið að ákveða hvort húsið verður
rifið en það stendur nú að mestum
hluta autt.
Fólksfjölgun yfir meðaltali
Heimir Hafsteinsson oddviti
segir Þykkvabæinn góðan stað til
að búa á eins og Suðurlandsund-
irlendið yfirleitt. „Fólki líkar vel
frjálsræði sveitarinnar en hefur þó
gróskumikið samfélag og þjónustu
innan seilingar og hér er mjög
gott að ala upp börn.
Á síðasta ári varð um 6% fólks-
fjölgun hjá okkur, en 1. des. sl.
voru íbúarnir 253. Þá er einnig
gaman að geta þess að í hreppnum
eru nokkrar byggingarfram-
kvæmdir í gangi fyrir utan íþrótta-
húsið, s.s. bygging stórrar
skemmu í Sandhólaferju, einbýlis-
húss í Hábæ og nýs fjárhúss og
bílskúrs á Ægissíðu.
Nýtt íþróttahús í Þykkva-
bæ tilbúið fyrir árslok
Morgunblaðið/Aðalheiður Högnadóttir
Starfsmenn J.Á. Verktaka á Selfossi voru í óðaönn að ljúka við að steypa
sökkul nýja íþróttahússins í Þykkvabæ einn daginn fyrir skömmu, en
einstakt tíðarfar að undanförnu hefur gert iðnaðarmönnum kleift að
vinna ýmsa útivinnu sem að öllu jöfnu er ekki unnin á þessum árstíma.