Morgunblaðið - 17.03.2001, Blaðsíða 31

ÚR VERINU
MORGUNBLAÐIÐ LAUGARDAGUR 17. MARS 2001 31
„VERKFALLIÐ kemur á versta
tíma fyrir vertíðarbátana. Það hef-
ur verið skelfilega lélegt fiskirí í
vetur en við höfum fyrst orðið al-
mennilega varir síðustu dagana,
þegar stóri fiskurinn er að ganga á
miðin,“ sagði Þórhallur Frímanns-
son, útgerðarmaður og skipstjóri á
netabátnum Þorkeli Árnasyni GK
frá Sandgerði, þegar Morgunblað-
ið ræddi við hann í gær. „Ágrein-
ingsatriðin snerta okkur kannski
ekki mikið. Þau atriði sem viðræð-
urnar stranda á, snúa lítið að báta-
flotanum en við lendum í slagnum
með þeim stóru. Við löndum til að
mynda öllum aflanum á markað og
ég hef aldrei látið mína skipverja
taka þátt í kvótakaupum. Ég er
þess fullviss um að allir í minni
áhöfn myndu glaðir vilja róa áfram
en við viljum vitaskuld ekki rjúfa
eininguna.
Mér heyrist sjómenn almennt
vera ósáttir við að vera í verkfalli.
Það er skiljanlega óþægilegt fyrir
mannskapinn að lenda í verkfalli á
þriggja ára fresti og vita nánast
ekkert fram í tímann, það felst í
því mikið óöryggi.
Það er ómögulegt að spá fyrir
um hversu langt verkfallið verður.
Það er margt sem þarf að laga í
þessum samningum, sérstaklega
slysatryggingar sjómanna sem eru
til háborinnar skammar eins og
þær eru í dag. Hinsvegar tel ég
kröfu sjómanna, um að selja beri
allan fisk á markaði, óraunhæfa,“
sagði Þórhallur.
Kemur á versta tíma
fyrir kvótalausu bátana
Erlendur Þórisson, útgerðar-
maður og skipstjóri á Guðrúnu
Björgu GK í Sandgerði, segir
verkfallið leggjast illa í skipverja.
Báturinn sé án kvóta og sjómenn-
irnir stóli á leigumarkaðinn.
„Núna er einmitt góður tími fyrir
kvótalausu bátana, verðið á leigu-
kvóta hefur lækkað en verðið á afl-
anum hækkað. Næsti hálfi mán-
uður hefði skipt sköpum fyrir
okkur sem þannig er ástatt fyrir,
enda hafa aflabrögðin verið að
batna. Núna fáum við til dæmis
mjög gott verð fyrir gotuna, allt
upp í 570 krónur. Ef verkfallið
stendur mikið lengur missum við
alveg af gotunni. Ég er hræddur
um að verkfallið verði töluvert
lengra en það. Ég get ekki séð að
menn nái saman um að setja allan
fisk á markað. Ef það á að vera
framkvæmanlegt þarf að stokka
upp markaðskerfið, hætta útflutn-
ingi á óunnum fiski í gámum og
láta útlendingana bjóða í fiskinn
hér heima,“ sagði Erlendur.
Lendum í slagnum
með þeim stóru
Skipstjórarnir og útgerðarmennirnir Þórhallur Frímannsson og Er-
lendur Þórisson ræddu verkfallsmálin á bryggjunni í Sandgerði í gær.
Morgunblaðið/RAX
„MÉR lízt mjög illa á þetta verkfall.
Það virðist lítill samningsvilji. Mið-
að við það sem maður heyrir er ég
mjög svartsýnn á að þetta leysist á
næstunni. Það er ógeðslegt að þurfa
að vera að fara í verkfall eftir að
samningar skuli vera búnir að vera
lausir svona lengi,“ segir Grétar
Rögnvarsson, skipstjóri á Jóni
Kjartanssyni SU.
„Það er skelfilegt að sjómenn
skuli ekki geta fengið það sama og
aðrir eins og í slysatryggingum og
lífeyrismálum. Nú er svo bara
hangs framundan þar til kolmunni
tekur við að loknu verkfalli. Loðnu-
vertíðin er búin. Maður verður bara
að taka þessu með karlmennsku og
ró.“
Grétar kom inn með Jón Kjart-
ansson kjaftfullan í gærmorgun.
Þeir þurftu að kasta fjórum sinnum
og fengu auk þess 40 til 50 tonn hjá
Sigurði VE. Jón Kjartansson veiddi
alls 25.000 til 26.000 tonn af loðnu
frá áramótum.
Hjá Hraðfrystihúsi Eskifjarðar
voru aðeins eftir 1.500 til 2.000 tonn
að viðbótinni meðtalinni, en skip
félagsins voru búin með kvótann áð-
ur en til hennar kom.
Grétar segir að vertíðin nú hafi
verið allt öðru vísi en aðrar vertíðar.
„Við vorum á flottrolli í janúar og
febrúar, en á nótinni síðan. Svo er
það óvenjulegt að loðnan skuli nán-
ast öll hafa verið fyrir vestan. Það
var annars mjög mikið af loðnu og
blóðugt að þurfa að hætta þessu
með svona hætti,“ segir Grétar
Rögnvarsson.
Lízt illa á
þetta
verkfall