Morgunblaðið - 17.03.2001, Side 86

FÓLK Í FRÉTTUM
86 LAUGARDAGUR 17. MARS 2001 MORGUNBLAÐIÐ
TENGJA hefur verið lengur í loftinu
en nokkur annar þáttur nústarfandi
en á morgun verður 500. þátturinn
sendur út. Í þættinum hafa hlustend-
ur getað nálgast tónlist sem almennt
heyrist ekki í ljósvakamiðlum Vest-
urlanda, þ.e. tónlist sem jafnan er
kölluð þjóðlagatónlist, stundum líka
hinu vafasama nafni heimstónlist.
Þetta getur verið t.d. þjóðlagatónlist
frá Írlandi, Englandi eða Skandinav-
íu og fjarlægari stöðum eins og
t.a.m. Búlgaríu, Afríku eða Suður-
Ameríku.
Þungarokk
„Menn hafa reynt að kalla þetta
ýmsum nöfnum,“ segir Kristján og
dreypir á kaffi, sitjandi í hinum
rómaða gula sófa Morgunblaðsins.
Hann er, eðlilega, ekki alls kostar
sáttur við þjóðlaga/heimstónlistar-
skilgreininguna. „Þetta er eiginlega
miklu meira en þetta allt saman.
Þetta er alls kyns tónlist sem byggir
á þjóðlegum hefðum. Það getur rúm-
ast allt inni í þessu; blús og rokk og
djass.“
Hann rifjar upp að forveri Tengja,
þáttur sem kallaðist einfaldlega
Þjóðlagaþátturinn, hafi verið á dag-
skrá allt síðan Rás 2 byrjaði.
„Svo var hann nú lagður af og þá
fékk ég kvöldþátt sem kallaðist
Strokkurinn. Þá spilaði ég þjóðlaga-
tónlist og þungarokk saman.“ Krist-
ján segist hafa haft snefilsáhuga á
þungarokki og því hafi þessi tilhögun
verið. Síðar dofnaði þungarokks-
áhuginn, þátturinn var færður yfir á
sunnudaga og með því kom nýtt
nafn, Tengja. En af hverju þessi
mikli áhugi á þjóðlagatónlist?
„Ég ólst upp við Bítlana og Stones
og þessar hljómsveitir. Svo þegar ég
var eitthvað 15, 16 ára heyrði ég í
bresku þjóðlagarokki í fyrsta sinn.
Fairport [Convention] og Steeley
Span. Það var sérstaklega Fairport
sem ég var hrifinn af. Svo kom upp
svona mótþrói í mér: Það hlyti að
vera tónlist annars staðar í heimin-
um en í Bretlandi og Bandaríkjun-
um. Ég fór þá svona að kanna það og
bróðir minn, sem var í námi úti í Sví-
þjóð, dældi í mig skandinavískri tón-
list. Þarna fór boltinn að rúlla og ég
bara sökkti mér út í þetta.“
Senegal
Kristján segist ekki vera að reyna
að taka allan heiminn fyrir á mark-
miðsbundinn hátt. „Maður komst nú
fljótlega að því, t.d. með afríska tón-
list, að þetta er algerlega botnlaus
hít,“ segir Kristján upptendraður.
„Ég er ekki það mikill aðdáandi afr-
ískrar tónlistar. Mér finnst sumt
gott, annað ekki. Ef ég fell fyrir ein-
um tónlistarmanni held ég mig svo-
lítið við hann. Það er einkum tónlist
frá Vestur-Afríku sem ég hef orðið
hrifinn af, þá Malí og Senegal. Baaba
Maal (Senegal), mér finnst hann al-
veg frábær. En það er nú bara þann-
ig, eftir því sem maður hlustar
meira, þeim mun minna finnst manni
maður vita. Það er kannski ágætt.
Það er kannski ástæðan fyrir því
hversu langlífur þátturinn er orð-
inn.“
Hann segir þáttinn ekki hafa tekið
miklum breytingum að formi til. „Ég
hef þetta einfalt. Þátturinn er í 90%
tilvika í beinni útsendingu. Ég mæti
með mína tösku, flugmannatösku
sem inniheldur glás af diskum sem
ég endurnýja reglulega. Ég ákveð
svona 3, 4 fyrstu lögin og svo bara
geri ég þetta eftir eyranu.“
Hann segir að í byrjun hafi þetta
verið nokkuð öðruvísi. „Fyrst nátt-
úrulega var maður mjög samvisku-
samur, það er ekki það að ég sé ekki
samviskusamur núna en þá bjó mað-
ur til handrit og hafði þetta alveg
geirneglt, mældi „introin“ og bjó til
fastar kynningar og allt. En núna
læt ég þetta bara rúlla.“
Kristján segist leggja metnað sinn
í að hafa þetta „alvöru“: „Engir stæl-
ar. Ég leyfi tónlistinni að njóta sín.
Kynni lögin. Það eru engin svona
millistef eða hasar í kringum þetta.“
Engar hömlur
Ég spyr hann hvort markmiðið sé
ekki líka að uppfræða. Hann sam-
sinnir því en segir „án þess þó að
vera eitthvað uppáþrengjandi. Ég
hef komist að því í gegnum árin að
það þýðir ekkert að troða músík upp
á fólk. Annað hvort „fílar“ fólk
ákveðna músík eða ekki. Ég spila t.d.
yfirleitt ekki músík sem ég sjálfur er
ekki sáttur við.“
Hann bætir því og við að hann hafi
alltaf notið fullkomins frelsis í þætt-
inum hvað efnisval varðar. „Það eru
engar hömlur og ég fæ að gera ná-
kvæmlega það sem ég vil. Það met
ég mjög mikils.“
Ekki stendur til að vera með eitt-
hvað húllumhæ vegna tímamótanna
en þó verður sú tónlist sem hefur
fengið að hljóma í þættinum í gegn-
um árin rifjuð upp. „Ég hugsa að ég
undirbúi þennan þátt meira heldur
en gengur og gerist,“ segir Kristján
að lokum og brosir út í annað.
Tengja er sendur út alla sunnu-
daga á Rás 2 eftir tíufréttir á kvöld-
in.
Tími til kominn að
Tengja ... í 500. skipti
Morgunblaðið/Golli
Kristján Sigurjónsson, umsjón-
armaður Tengja á Rás 2.
Tengja er langlífasti þátturinn á Rás 2
Þjóðlaga-/heimstónlistarþátturinn Tengja
hefur verið á dagskrá Rásar 2 í tólf ár.
Arnar Eggert Thoroddsen ræddi við um-
sjónarmanninn, Kristján Sigurjónsson,
á þessum merku tímamótum.
ATVINNA mbl.is