Morgunblaðið - 24.03.2001, Page 20

HÖFUÐBORGARSVÆÐIÐ
20 LAUGARDAGUR 24. MARS 2001 MORGUNBLAÐIÐ
SÉRSTAKT aksturskennslu-
svæði fyrir ökunema mun líta
dagsins ljós í Reykjavík á
næsta ári, ef fram fer sem
horfir. Hafa fimm aðilar tekið
sig saman um að stofna félag
sem hafi það að markmiði að
byggja upp og starfrækja æf-
ingasvæðið til ökukennslu á
61 þúsund fermetra lóð, sem
Reykjavíkurborg hefur út-
hlutað félaginu við Gufunes í
Reykjavík. Samkvæmt laus-
legri kostnaðaráætlun er
byggingarkostnaður alls um
130 milljónir króna. Er þessi
framkvæmd gerð í þeirri við-
leitni að fækka umferðarslys-
um og bæta umferðarmenn-
ingu, að því er fram kemur í
yfirlýsingu sem aðilarnir
fimm undirrituðu í í lok síð-
asta árs. Að málinu standa
dómsmálaráðuneytið,
Reykjavíkurborg, Samband
íslenskra tryggingafélaga,
Vegagerðin og Ökukennara-
félag Íslands. Upphaflega var
stefnt að því að aksturs-
kennslusvæðið yrði við vega-
mót Vesturlandsvegar og
Suðurlandsvegar, en frá því
var síðan horfið.
Svæðið var áður
öskuhaugar
Í samantekt, sem Fjölhönn-
un ehf. verkfræðistofa hefur
unnið, kemur fram að svæði
það sem fyrirhugað er sem
akstursæfingasvæði var áður
öskuhaugar. Ofan á ösku-
haugana hefur verið fyllt með
misþykku lagi af jarðvegi, en
nákvæmar upplýsingar um
þykkt jarðfyllinga liggja þó
ekki fyrir. Yfirborð lands er
talsvert mishæðótt, t.d. eru
hæðir á hornpunktum lóða frá
10 m til 21 m. Því er nauðsyn-
legt að lagfæra mishæðir í
landinu, fergja akstursbrautir
til að flýta fyrir sigi og gera
ráðstafanir vegna gasmynd-
unar í öskuhaugunum.
Í áðurnefndri yfirlýsingu
aðilanna fimm segir, að það sé
trú þeirra sem að félaginu
standi að með tilkomu öku-
kennslusvæðis skapist grund-
völlur að markvissara og
betra ökunámi og að hæfni
ökumanna við erfiðar og
krefjandi aðstæður aukist. Á
kennslusvæðinu muni öku-
nemar fá æfingu í meðferð
ökutækja við raunverulegar
aðstæður, undir eftirliti sér-
þjálfaðra ökukennara.
Gert er ráð fyrir að svæð-
inu verði skipt í tvo hluta.
Annars vegar aksturstækni-
brautir sem reyna á skilning
ökunema og rétt viðbrögð
þegar veggrip minnkar og
akstursaðstæður versna, s.s. í
hálku og ísingu, og hins vegar
ökugerði þar sem ökunemar
læra grunnatriði í akstri áður
en þeir fara út í almenna um-
ferð.
Fleirum boðin þátttaka í
hlutafélaginu
„Þetta er búið að gera víða
erlendis í a.m.k. áratug í ná-
grannalöndum okkar með
góðum árangri,“ sagði Guð-
brandur Bogason, formaður
Ökukennarafélags Íslands,
þegar Morgunblaðið spurði
hann nánar út í málið. „Sam-
kvæmt danskri rannsókn frá
1996 er fækkun óhappa vegna
bættrar ökukennslu 6-18%.
En þess ber að geta, að fleira
hefur þar komið til en æfinga-
svæðið eitt.
Á umferðarþingi 30. nóv-
ember í fyrra skrifuðu þessir
fimm aðilar undir yfirlýsingu
um samstarf um að koma á fót
þessu fyrirtæki. Þetta er mik-
ið áhugamál dómsmálaráð-
herra og vinnunni er að miklu
leyti stýrt úr dómsmálaráðu-
neytinu. Við höfðum ráðgert
að hafa stofnfund hlutafélags-
ins 10. janúar síðastliðinn, en
ákváðum svo að fresta því, til
að bjóða fleirum að verða
stofnaðilar að félaginu.
Staðan er núna sú að það er
búið að leita eftir því við sveit-
arfélög á höfuðborgarsvæðinu
að þau komi inn í þetta hluta-
félag, í hlutfalli við íbúabyggð
í hverju þeirra um sig, og það
er verið að bíða eftir svari frá
þeim, ásamt því að það er búið
að leita eftir því formlega við
Bílgreinasambandið að bif-
reiðaumboðin komi að málinu
líka. Ég á von á að hlutafélag-
ið verði stofnað mjög fljót-
lega, jafnvel í aprílmánuði.
Þetta er búið að fara í fyrstu
grenndarkynningu og er ver-
ið að ganga endanlega frá
deiliskipulagi að landinu. Það
er reiknað með að lóðin verði
afhent í maí eða júní næst-
komandi.“
Stefnt er að því að öku-
kennslusvæðið verði tekið í
notkun á árinu 2002 og að
notkun þess verði fastur þátt-
ur í ökunámi og að samið
verði við Ökukennarafélag Ís-
lands um rekstur þess.
Aksturs-
kennslu-
svæði opnað
næsta ár?


 
  





   

   

 

 

! ""# 
! 



$"%

 

  & ' (  
)""%

""# 
*! 
%
+ *
%"
, *- ,
Grafarvogur
BÍLASÖLURNAR sem
standa við Hringbraut eru á
skammtíma leigulóðum og
hafa því ekki venjulegan lóða-
leigusamning og þar af leið-
andi ekki full réttindi eins og
þær bílasölur sem eru með
langtímasamning. Þetta kom
fram í samtali Morgunblaðs-
ins við Stefán Hermannsson
borgarverkfræðing, en í
blaðinu í gær sagði Geir
Gunnarsson, framkvæmda-
stjóri Bernhard ehf., sem
rekur Aðalbílasöluna, að
borgaryfirvöld hefðu ekki
boðið þeim bílasölum sem
þyrftu að víkja vegna færslu
Hringbrautar bætur.
Stefán sagði að bílasölurn-
ar hefðu fengið leyfi til bráða-
birgðanota og að þær borg-
uðu hvorki venjuleg gjöld af
lóðunum né eðlilega leigu eða
kostnað.
„Þar með er réttarstaða
þeirra allt önnur en ef þær
væru með úthlutaða lóð,“
sagði Stefán og bætti því við
að þær gætu því ekki lagt
fram bótakröfu þótt þær
þyrftu að flytja.
Geir sagði í blaðinu í gær
að fyrirtæki sitt hefði greitt
fullt verð fyrir lóðir við Klett-
háls en í því hverfi hefði upp-
haflega átt að vera miðstöð
viðskipta með notaða bíla í
borginni. Nú væri borgin
hins vegar búin að úthluta
þar lóðum til allskonar fyr-
irtækja.
Stefán sagði að það væri
alrangt að svæðið við Klett-
háls hefði í upphafi verið
skipulagt beinlínis fyrir bíla-
sölur. En þar sem borgin
hefði þurft að leysa lóðamál
margra bílasala þá hefði verið
reynt að úthluta sem flestum
þeirra lóðum á svæðinu.
„Við létum allar bílasölurn-
ar sem vildu flytja þangað fá
lóð og þá urðu þrjár lóðir eft-
ir og þær fengu fyrirtæki
sem eru með annars konar
starfsemi. Það skekkir hins
vegar samkeppnina hjá bíla-
sölum ef sumir fá ókeypis
bráðabirgðaleyfi á einhverri
lóð á meðan við erum að
reyna að fá aðra til þess að
koma sér varanlega fyrir.“
Framkvæmdir við Hring-
braut hefjast í haust
Í blaðinu í gær sagðist Geir
eiga von á því að Aðalbílasal-
an fengi að vera á sínum stað
í friði þetta ár og út það
næsta og sagðist hafa heim-
ildir fyrir því að litlar líkur
væru á að framkvæmdir við
færslu Hringbrautar gætu
hafist í haust.
Að sögn Stefáns er verkið
hins vegar á áætlun. Hann
sagði að matsáætlun hefði
verið lögð fyrir borgarráð
fyrir skömmu og því benti
ekkert til annars en að fram-
kvæmdir hæfust í haust.
Ókeypis leyfi
skekkja sam-
keppni bílasala
Hringbraut
STÓRHÝSIÐ sem Ístak er að
reisa á lóð Skeljungs við
gatnamót Kringlumýr-
arbrautar, Laugavegar og
Suðurlandsbrautar hefur
sprottið upp af miklum
hraða á þessum góðviðr-
isvetri og eins og sá fjöldi
sér, sem þar á leið fram hjá
daglega, mun húsið setja
mikinn svip á umhverfið þar
í framtíðinni. Iðnaðarmenn
eru önnum kafnir við upp-
steypu hússins.
Morgunblaðið/Jim Smart
Stórhýsi rís
Laugavegur
HREPPSNEFND Bessa-
staðahrepps hefur til með-
ferðar tillögu um að gengist
verði fyrir skoðanakönnun
meðal kosningabærra manna í
hreppnum til að kanna afstöðu
þeirra til formlegra viðræðna
um sameiningu við Garðabæ.
Þegar hafa farið fram könn-
unarviðræður. Á hrepps-
nefndarfundi sl. þriðjudag var
lögð fram greinargerð við-
ræðunefndar sem skipuð var
tíu fulltrúum Bessastaða-
hrepps og Garðabæjar.
Nefndin hittist á þremur
fundum, safnaði upplýsingum
og fór yfir langtímaáætlanir
sveitarfélaganna tveggja í
hinum ýmsu málaflokkum.
Hreppsnefndin samþykkti
einróma tillögu meirihlutans
um að á næsta bæjarstjórnar-
fundi verði tekin afstaða til
skoðanakönnunar meðal
kosningabærra íbúa Bessa-
staðahrepps, þar sem leitað
verði álits þeirra á því hvort
skipa eigi formlega samstarfs-
nefnd til að vinna að athugun á
sameiningu. Útbúin verði
kynningargögn fyrir íbúa,
sem m.a. verði byggð á upp-
lýsingum úr hinum nýaf-
stöðnu kynningarviðræðum.
Að lokinni dreifingu kynning-
argagna verði efnt til borgara-
fundar fyrir íbúa sveitar-
félagsins.
Ásdís Halla Bragadóttir,
bæjarstjóri í Garðabæ, sagði í
samtali við Morgunblaðið í
gær, aðspurð um næstu skref
af hálfu Garðabæjar í málinu,
að málið yrði kynnt í bæjar-
stjórn. Í greinargerð viðræðu-
nefndarinnar væri fyrst og
fremst að finna lýsingu á
stöðu einstakra málaflokka en
nefndin tæki ekki afstöðu til
framhalds málsins.
„Við metum það svo að
frumkvæði hafi komið frá
Bessastaðahreppi að þessu
sinni og það sé þá hrepps-
nefndar þar að koma með ein-
hverjar hugmyndir um næstu
skref,“ sagði Ásdís Halla og
sagði að væntanlega yrði beð-
ið könnunarinnar í Bessa-
staðahreppi og síðan metið
hvað kæmi út úr því.
Upplýsingar á bessa-
stadahreppur.is
Greinargerð viðræðunefnd-
arinnar er að finna á heima-
síðu Bessastaðahrepps og þar
er að finna ýmsar tölulegar
upplýsingar um stöðu sveitar-
félaganna tveggja.
Þar bjuggu samtals 9.591
maður í lok síðasta árs, 8.050 í
Garðabæ en 1.541 í Bessa-
staðahreppi. Spár gera ráð
fyrir að Garðbæingum fjölgi
um þúsund til 2004 en íbúum
Bessastaðahrepps fjölgi á
sama tíma um 352.
Greinilegur munur er á ald-
urssamsetningu sveitarfélag-
anna tveggja. 4,8% Garðbæ-
inga eru 60–64 ára en 2,7%
Álftnesinga. 10,7% Garðbæ-
inga eru eldri en 65 ára og
6,4% sjötíu ára og eldri. Í
Bessastaðahreppi eru 3,65%
eldri en 65 ára, þar af 2% sjö-
tug og eldri.
Á hinn bóginn eru 5,2% íbúa
Garðabæjar á aldrinum 2–5
ára en hlutfallið í þeim hópi er
7,6% í Bessastaðahreppi.
16,5% Garðbæinga eru á
grunnskólaaldri en 20,1%
Álftnesinga.
Samtals hefur Garðabær
520 manns í vinnu á sínum
vegum en með sumarfólki
veitir bærinn 800 manns
vinnu, sem svarar til þess að
nær tíundi hver bæjarbúi fái
laun frá sveitarfélaginu.
Bessastaðahreppur hefur
115 starfsmenn en yfir sum-
artímann eru starfsmenn
hreppsins 190 talsins, sem
svarar til þess að um það bil
áttundi hver íbúi vinni hjá
sveitarfélaginu.
Tillaga til meðferðar í hreppsnefnd Bessastaðahrepps
Könnun meðal íbúa um
sameiningu við Garðabæ
Bessastaðahreppur/Garðabær