Morgunblaðið - 19.04.2001, Síða 8

FRÉTTIR
8 FIMMTUDAGUR 19. APRÍL 2001 MORGUNBLAÐIÐ
Myndband um íslenska fjárhundinn
Útliti og eigin-
leikum lýst
ÚT ER komið mynd-band um íslenskafjárhundinn.
Hundaræktarfélag Ís-
lands gefur þetta mynd-
band út. „En það er deild
íslenska fjárhundsins, díf,
sem sá um gerð mynd-
bandsins,“ sagði Helga
Finnsdóttir dýralæknir,
sem er í stjórn díf.
En hvaða tilgangi þjóna
svona myndbönd?
„Íslenski fjárhundurinn
er eini þjóðarhundur Ís-
lendinga. Hundaræktar-
félag Íslands var stofnað
4. september 1969 af
nokkrum hugsjónamönn-
um sem beittu sér fyrir
varðveislu og hreinræktun
íslenska fjárhundsins,
sem þá var talinn í veru-
legri útrýmingarhættu. Árið 1979
var stofnuð sérdeild innan félags-
ins, deild íslenska fjárhundsins,
díf, sem hefur síðan borið ábyrgð
á verndun stofnsins. Myndbandið
er byggt á rætkunarmarkmiði
hundsins, en í því er útliti og ein-
kennum íslenska hundsins lýst,
lund, vinnueiginleikum og fjöl-
breyttum litbrigðum – ræktend-
um og áhugamönnum, heima og
erlendis til leiðbeiningar í leik og
starfi.“
– Er íslenski fjárhundurinn
sloppinn úr útrýmingarhættu?
„Í dag teljum við að svo sé
vegna markvissrar ræktunar.
Stofninn er ekki mjög stór á Ís-
landi, við teljum að það séu senni-
lega ekki nema u.þ.b. 400 til 500
fjárhundar til á landinu. Vanda-
málið þegar stofninn er svona lít-
ill er hætta á of mikilli skyldleika-
ræktun.“
– Hverjir eru helstu eiginleikar
íslenska hundsins?
„Honum er vakteðli eiginlegt
og svo er hann auðvitað afskap-
lega glaður og vingjarnlegur
hundur – einstakur fjölskyldu-
hundur vegna glaðlyndi síns og
ljúfrar lundar. Það eru helstu ein-
kenni íslenska fjárhundsins.
Hann er þjóðargersemi og menn-
ingararfur sem við þurfum að
standa vörð um.“
– Er hann vinsæll í sveitum
landsins?
„Vinsældir íslenska fjárhunds-
ins aukast ár frá ári, bæði í borg
og sveit.“
– Eru margir sem rækta ís-
lenska hundinn?
„Á síðasta ári fæddust um 80
íslenskir fjárhundar sem eru ætt-
bókarfærðir. Einstök fyrir ís-
lenska hundinn eru litbrigðin
hans. Þau eru með ýmsu móti,
þótt einn aðallitur skuli ávallt
vera ríkjandi. Helstu litir eru gul-
ur í ýmsum blæbrigðum – allt frá
ljósgulum til dökkrauðguls, mó-
rauður og svartur. Hvítt fylgir
alltaf aðallitnum, svo sem blesa,
kragi týra í skotti og hvítt á fót-
um.“
– Hvaða litir eru eftirsóttastir?
„Algengustu litirnir eru gul- og
rauðleitir hundar og
svartir. Fólk velur
hunda hins vegar ekki
endilega eftir litum,
frekar eftir eiginleik-
um. Við Íslendingar
eigum þennan eina
þjóðarhund og nú á þessu mynd-
bandi kemur í fyrsta skipti fram
lýsing á útliti og eiginleikum
hundsins, sem er afskaplega mik-
ilvægt bæði fyrir okkur Íslend-
inga og einnig útlendinga, því ís-
lenski hundurinn er algengur í
nágrannalöndunum. Við höfum
einnig orðið vör við aukinn áhuga
á hundinum í Bandaríkjunum. Ís-
lendingar sýndu lengi íslenska
fjárhundinum ekki tiltakanlega
mikinn áhuga. Mark Watson, sem
var breskur aðalsmaður sem
hafði mikinn áhuga á Íslandi og
íslenskri menningu, sá hvert
stefndi og áhugi hans ýtti undir
íslenska hugsjónamenn hvað
varðar verndun og varðveislu ís-
lenska hundsins, og varð þetta
kveikjan að stofnun Hundarækt-
arfélags Íslands.“
– Eru á myndbandinu sýnd
dæmi um afbrigði íslenska hunds-
ins og rakin saga hans?
„Saga íslenska hundsins er
samofin sögu lands og þjóðar og
nær eins langt aftur í tímann og
saga okkar Íslendinga. Land-
námsmenn tóku búsmala sinn
með sér til Íslands og einnig
hunda til aðstoðar við gæslu og
smölun búfjár. Í myndbandinu er
sögu hundsins lýst, útliti gerð góð
skil og vinnueiginleikum. Hund-
urinn er þar sýndur við smölun og
rekstur fjár og hesta.“
– Hvar ætlið þið að dreifa
þessu myndbandi?
„Það fæst á skrifstofu Hunda-
ræktarfélags Íslands og seinna
víðar og kostar 1.790 krónur. Það
er 13 mínútur í sýningu og díf
fékk Pál Steingrímsson til liðs við
sig við framleiðslu þess. Textinn
er á íslensku og ensku, Guðjón
Einarsson les íslenska textann en
Martin Regal les þann enska.
Tónlistin í myndbandinu er eftir
Guðna Ágústsson, formann díf,
hún er bæði frumsamin og einnig
útsett íslensk þjóð-
lög.“
– Er um að ræða
leikna mynd?
„Það er örstutt leik-
ið atriði tekið upp á
Árbæjarsafni, en að
öðru leyti er hún tekin úti. Við
fengum lánað fé á Heiðarbæ II á
Þingvöllum og Tóftum, til þess að
geta sýnt hunda í vinnu. Þeir
ráku líka hesta, það atriði var tek-
ið upp í Dallandi í Mosfellssveit.
Loks bera að geta allra hundaeig-
endanna sem lánuðu hunda sína
til að sýna útlit, byggingu og liti
þeirra á myndbandinu.“
Helga Finnsdóttir

Helga Finnsdóttir fæddist í
Reykjavík 1948. Hún lauk stúd-
entsprófi frá Menntaskólanum í
Reykjavík 1970 og prófi í dýra-
lækningum frá Konunglega
dýralækna- og landbúnaðarhá-
skólanum í Kaupmannahöfn
1979. Hún hefur rekið dýralækn-
ingastofu Helgu Finnsdóttur í
Skipasundi frá árinu 1981. Sér-
grein hennar eru sjúkdómar
hunda og katta. Hún er gift Sig-
urði Erni Hanssyni dýralækni og
eiga þau eina dóttur, Ragnheiði
Ástu.
Saga íslenska
hundsins er
samofin sögu
lands og þjóðar
Viltu að ég leggi starf utanríkisráðherra niður, ha?? Það var allt í himnalagi úti í Brussel, góði.