Morgunblaðið - 28.04.2001, Qupperneq 6
FRÉTTIR
6 LAUGARDAGUR 28. APRÍL 2001 MORGUNBLAÐIÐ
JÓN Kristjánsson, heilbrigðis- og
tryggingamálaráðherra, segist líta á
það sem eitt af sínum forgangsverk-
efnum að fara yfir þau vandamál sem
blasa við heilsugæslunni með fækkun
sérfræðinga í heimilislækningum og
erfiðara aðgengi að heilsugæslustöðv-
um. Ráðherra segist jafnframt vilja
starfa að málefnum heilsugæslunnar
eftir þeirri hugmyndafræði og löggjöf
sem nú gildir um uppbyggingu heilsu-
gæslunnar og kveður á um að þjón-
usta heilsugæslunnar og heimilis-
lækna sé frumþjónusta í heilbrigðis-
kerfinu. Þjónustan sé miðuð við ein-
staklinga og fjölskyldur sem hafi
greiðan aðgang að sínum heimilis-
læknum, sem þekki sitt fólk.
„Þannig hefði ég viljað þróa þetta
og mun ræða það hvort menn geta
eflt heilsugæsluna undir núverandi
löggjöf og núverandi hugmyndafræði.
Ég tel mjög áríðandi að gera það.“
Ráðherra segist tilbúinn að ræða
allar hugmyndir sem aðilar málsins
og starfsfólk heilsugæslustöðva hafi
fram að færa. Hann segist nú þegar
hafa heimsótt eina stofnun í Reykja-
vík til að ræða við starfsfólk þar og
muni vinna áfram í málinu á næst-
unni. „Það er nú það sem ég get sagt
um þetta núna. Ég er tilbúinn að ræða
við heilbrigðisstarfsfólk og ræða þær
hugmyndir sem það hefur fram að
færa í þessu. En ég tel að sú hug-
myndafræði sem að baki heilsugæsl-
unni liggur og löggjöfin um hana sé
merk og það eigi að vinna á grundvelli
hennar og ég er ekki tilbúinn að
sleppa af því hendinni.“
Áríðandi að auka aðgengi
að heilsugæslunni
Aðspurður um það hvort tvískipt-
ingin í kerfinu sé ekki óeðlileg gagn-
vart sérfræðingum í heimilislækning-
um miðað við stöðu annarra sér-
fræðinga segir ráðherra, að höfuð-
máli skipti að koma á greiðum
aðgangi að frumþjónustunni þannig
að fólk neyðist ekki til að leita ann-
arra úrræða.
„Það er kannski mergurinn málsins
að það sé greið aðkoma að heilsugæsl-
unni og það sé greið aðkoma að þess-
ari frumþjónustu, þannig að verk sem
hægt er að vinna á þessum vettvangi
beinist ekki í annan farveg, af þeim
ástæðum að það sé ekki aðgengi að
þessari þjónustu. Ég vil ræða allar
leiðir til þess að auka aðgengið og tel
það áríðandi.“
Heilbrigðisráðherra segist taka
undir áhyggjur heimilislækna af
fækkun lækna í greininni og segir
mjög brýnt að styrkja heilsugæsluna í
sessi þannig að heimilislækningar séu
aðlaðandi grein fyrir fólk að fara í.
„Ég mun fara yfir þetta mál mjög
rækilega en vil ekki tjá mig um hvaða
möguleikar eru í stöðunni fyrr en ég
er búinn að skoða það betur.“
Jón Kristjánsson heilbrigðisráðherra segir það
forgangsverkefni að efla heilsugæsluna
Uppbyggingin verði unn-
in eftir núgildandi löggjöf
PÉTUR A. Maack,
sem verið hefur
framkvæmdastjóri
Verzlunarmanna-
félags Reykjavíkur,
hefur látið af störf-
um hjá félaginu að
eigin ósk. Sam-
kvæmt starfsloka-
samningi sem gerð-
ur hefur verið við
hann fær hann
greidd laun í upp-
sagnarfresti sem er
sex mánuðir, jafn-
framt því sem hon-
um eru tryggðar
launagreiðslur í níu mánuði til við-
bótar.
Í fréttatilkynningu sem undir-
rituð er af Pétri og Stefaníu
Magnúsdóttur, varaformanni VR,
segir meðal annars: „Fjölmiðlar
hafa að undanförnu fjallað nokkuð
um ágreiningsefni milli manna
innan stjórnar Verzlunarmanna-
félags Reykjavíkur. Stjórn félags-
ins ákvað af því tilefni að fela
vinnuhópi að fara yfir ágreinings-
atriðin og er þeirri vinnu lokið.
Niðurstöður þeirrar
athugunar voru sam-
hljóða þess efnis að
ekki væru efni til
neinna eftirmála
vegna þess sem þar
hafði borið á milli
manna.“
Þá kemur fram að
Pétur hafi látið af
störfum að eigin ósk
í sátt við félagið og
stjórn þess, sem hafi
þakkað honum mik-
ilsverð störf í þágu
félagsins undanfarin
19 ár. Hafi aðilar
orðið sammála um að fjalla ekki
opinberlega um umrædd ágrein-
ingsefni frekar en þegar sé orðið.
Stefanía Magnúsdóttir, vara-
formaður VR, sagði í samtali við
Morgunblaðið að málinu væri lok-
ið með fullri sátt. Niðurstaðan
hefði verið kynnt á trúnaðarráðs-
fundi í félaginu í fyrrakvöld og
ekkert frekar um það að segja.
Vísaði hún að öðru leyti til þess
sem fram kæmi í fréttatilkynning-
unni.
Pétur A. Maack
hættir hjá VR
Pétur A. Maack
MIKIÐ tjón varð í bruna í verk-
smiðju Íslenskra matvæla við Hval-
eyrarbraut í Hafnarfirði í gær. Það
tók slökkvilið höfuðborgarsvæðisins
(SHS) á þriðja tíma að ráða nið-
urlögum eldsins, en talið er að hann
hafi átt upptök sín í reykofni í norð-
austurhluta hússins. Þrír starfs-
menn fyrirtækisins voru í húsinu
þegar eldurinn kom upp en þeir
náðu allir að forða sér út og sluppu
við meiðsli.
„Þetta er líklega stærsti eldur
sem við glímum við á árinu,“ sagði
Bjarni Kjartansson, sem stjórnaði
aðgerðum SHS á staðnum. „Þarna
var nokkuð mikill eldur á ferðinni og
mjög mikill reykur. Við urðum að
vinna á bálinu mikið til utan frá því
þarna eru burðarvirki öll úr stál-
grind eða steinsteypu sem geta ver-
ið varasöm í eldi og miklum hita. Því
var ekki hægt að senda inn í húsið
framan af, heldur reyndum við að
opna það og losa um hita en þegar
við þóttumst vissir um að hætta
væri ekki lengur mikil tókum við að
sækja aftur inn í bygginguna.“
Hörkupúlsvinna
Einn af starfsmönnunum þremur
tilkynnti slökkviliðinu um eldinn
klukkan 17.26 og að sögn Árna
Oddssonar, stöðvarstjóra í Hafnar-
firði og reykkafara á staðnum, var
slökkviliðið komið á staðinn klukkan
17.36, en allt tiltækt lið SHS var
kallað út. Þrír slökkvibílar og einn
körfubíll voru við slökkvistörf.
Bjarni sagði að baráttan við eld-
inn hefði tekið tæpar þrjár stundir.
„Þetta var hörkupúlsvinna fyrir
strákana. Þarna var um það að ræða
að seiglast áfram og innansleikjan,
að slökkva í glæðum, getur verið taf-
söm og erfið vinna.“
Bjarni sagðist ekki geta dæmt um
hversu mikið tjón væri um að ræða
þótt greinilega væri það mikið.
„Húsið er þó áfram uppistandandi
og megnið af þaki og burðarvirki
virðist heilt svo hægt er að byggja
þetta upp aftur.“
Íslensk matvæli, sem nú eru að
fullu í eigu Pharmaco, hafa verið til
húsa á Hvaleyrarbrautinni allt frá
stofnun fyrirtækisins árið 1976, en
húsið var byggt árið 1964. Verk-
smiðjan er um 1.100 fermetrar og
hefur þar farið fram framleiðsla á
reyktum laxi og ýmsum síldarvör-
um.
Tjónið ekki undir
100 milljónum króna
Snorri Finnlaugsson, fram-
kvæmdastjóri Íslenskra matvæla,
fylgdist með brunanum á vettvangi.
Í samtali við Morgunblaðið sagði
hann ljóst að mikið tjón hefði orðið
og það væri ekki undir 100 millj-
ónum króna. Hann sagðist treysta
því að fyrirtækið væri tryggt fyrir
öllum skemmdum og það myndi fá
tjónið greitt að fullu.
Aðspurður sagðist hann ekki geta
svarað því hvaða afleiðingar þessi
bruni hefði fyrir starfsemi Íslenskra
matvæla. Hann sagði alltof snemmt
að segja nokkuð um það, fyrst þyrfti
að fara yfir málin og meta stöðuna.
Að sögn Snorra starfa um 30
manns hjá fyrirtækinu og sagði
hann að þeir starfsmenn sem verið
hefðu inni þegar eldurinn kom upp
hefðu verið að ganga frá eftir dag-
inn. Hann sagði það vera fyrir öllu
að enginn skyldi hafa slasast í brun-
anum og að hann vildi ekki hugsa þá
hugsun til enda hvað hefði gerst ef
eldurinn hefði komið upp á venjuleg-
um vinnudegi þegar allir hefðu verið
í vinnu í húsinu.
Eins og áður sagði er talið að eld-
urinn hafði komið upp í reykofni í
norðausturhluta hússins, en rann-
sókn brunans er í höndum lögregl-
unnar í Hafnarfirði.
Húsnæði Íslenskra matvæla í Hafnarfirði stórskemmdist í bruna síðdegis í gær
Á þriðja tíma
tók að ráða
niðurlögum
eldsins
Morgunblaðið/Ómar
Tilkynnt var um eldinn klukkan 17.26 og var fyrsti slökkvibíllinn kominn á vettvang 10 mínútum síðar.
Morgunblaðið/Jón Svavarsson
Ekki var hægt að senda slökkviliðsmenn inn í húsið framan af, en burðarvirki er úr stálgrind eða steinsteypu.
Morgunblaðið/Jón Svavarsson
Snorri Finnlaugsson, fram-
kvæmdastjóri Íslenskra mat-
væla, sagði að tjónið væri ekki
undir 100 milljónum króna.