Morgunblaðið - 28.04.2001, Síða 39

LISTIR
MORGUNBLAÐIÐ LAUGARDAGUR 28. APRÍL 2001 39
...og þú svífur„ S K Ý “Útgefandi glæsilegra tímarita síðan 1963
NÝTT SPENNAND I T ÍMAR I T Á NÆSTA BLAÐSÖLUSTAÐ
Þór Jónsson, varaformaður Blaðamannafélagsins: „...dónarnir í blaðamannastétt
geta verið nauðsynlegir tjáningarfrelsinu og lýðræðislegri umræðu. Þeir teygja og
toga tjáningarfrelsishugtakið og gera þeim sem vilja skerða það erfiðara fyrir.“
„OKKUR hefur langað til að gera
þetta lengi og mér fannst rétt að
gera þetta áður en hann yrði alltof
gamall,“ segir Örn og gefur þannig
upp boltann fyrir Árna.
„Já, við fórum reyndar með þessa
dagskrá í einfaldari mynd um landið
sumarið 1999 og sýndum á 17 stöð-
um fyrir fullu húsi. Ég á svo mikið af
kunningjum og gömlum skólafélag-
um á landsbyggðinni. Mér fannst
kominn tími til að kynna drenginn
fyrir þjóðinni.“
„Það var auðvitað ekki hægt að
fara með kallinn út á land. Ég þurfti
alltaf að byrja daginn á að leita að
honum. Oftast fann ég hann niðri á
bryggju þar sem hann var í hróka-
samræðum við trillukarla og púandi
vindla. Hann mátti varla vera að því
að skemmta. Við byrjuðum á Suður-
landi og fórum austur eftir. Þetta
stigversnaði eftir því sem austar dró
því hann er upprunninn á Borgar-
firði eystra. Svo smálagaðist þetta
aftur þegar við komum á norður-
landið,“ segir Örn.
„Á Borgarfirði eystra búa 150
manns. Við fengum 140 manns á
skemmtunina þar,“ segir Árni. „Hin-
ir voru heima að passa börnin, “
botnar Örn.
– Finnst ykkur gaman að
skemmta saman?
„Já,“ segja þeir báðir einum rómi.
Benda svo hvor á annan. „Hann er
svo fyndinn.“
Árni Tryggvason hóf leikferil sinn
fyrir ríflega hálfri öld í Iðnó og lék
þar fram til 1963 er hann fastréðist
til Þjóðleikhússins. Örn hefur leikið í
tæp 20 ár, lengst af í Þjóðleikhúsinu
og þar af voru þeir samtíða um nokk-
urra ára skeið. „Við höfum samt að-
eins einu sinni leikið hvor á móti öðr-
um,“ segir Örn. „Það var í
Hallæristenórnum. Við höfum
reyndar leikið í sömu sýningum en
ekki hvor á móti öðrum. Ég var yf-
irleitt alltaf horfinn af sviðinu þegar
hann kom inn á, stundum var ég
dauður í fyrsta þætti og gat farið í
bíó klukkan 9. Þá átti hann allt sitt
eftir.“ Ekki er svo hægt annað en
nefna að báðir hafa þeir túlkað vin-
sælustu mús þjóðarinnar, Lilla klif-
urmús í Dýrunum í Hálsaskógi.
Dagskráin sem þeir feðgar hafa
sett saman er rjóminn af því sem
þeir hafa notað til að skemmta land-
anum um árabil. Meðal efnis sem
feðgarnir flytja er Grettisrímur,
Veiðisögur sem er eini leikþátturinn
sem Árni Tryggvason hefur samið,
Dani á Íslandi er atriði sem Lárus
Ingólfsson flutti á árum áður auk
þess sem Bogi Spaugstofuróni birt-
ist og Árni bregður sér í kvengervi í
lögunum Saumalína og Um aldamót-
in. Þá syngja feðgarnir söngsyrpu,
sem er þó breytileg eftir efnahags-
ástandi þjóðarinnar hverju sinni.
Meðleikari þeirra á píanó er Kjartan
Valdimarsson.
Árni var einn þekktasti og vinsæl-
asti leikari og skemmtikraftur lands-
ins um áratugaskeið en hefur ekki
komið fram slíkur talsvert lengi svo
líklegt er að yngri kynslóðirnar
þekki lítið til þeirra hliðar á ferli
hans. Örn hefur tekið upp þráðinn
þar sem Árni sleppti og verið einn
okkar allra vinsælasti skemmtikraft-
ur og gamanleikari í á annan áratug.
Hann viðurkennir blákalt að sér þyki
skemmtilegra að skemmta en leika.
„Ég fór í leiklistarskólann til að
verða skemmtikraftur. Ég vissi ekki
meira um skólann en svo að ég hélt
að þetta væri hægt. Svo sat ég bara
uppi með gríska harmleiki, Shake-
speare og Tsékof í fjögur ár. Ég var
talsvert lengi að jafna mig. Ég er svo
kröfuharður á viðbrögð að ég vil
heyra strax hvernig áhorfendur
bregðast við. Ef mér tekst að koma
þeim til að hlæja þá veit að þeim lík-
ar vel. Í leiksýningum kemur maður
stundum út af sviðinu og hefur ekki
hugmynd um hvernig áhorfendum
líkaði.“
Árni segir að viðhorf leikhúsfólks
hafi breyst gagnvart skemmtikraft-
inum. „Nú heitir þetta uppistand og
þykir fínt. Sumir kölluðu þetta „gojl“
hér áður og þótti lítið til koma. Ég
lagði mig alltaf allan fram í þetta og
tók hlutverk mitt sem skemmti-
krafts ekki síður alvarlega en leik-
arastarfið. Þetta var líka leið til að
hafa í sig og á þegar maður var að
koma upp börnunum.“
Örn minnist þess að hann fór
snemma að aðstoða pabba sinn á
skemmtunum. „Einu sinni var ég
nótnaflettari fyrir Carl Billich sem
spilaði undir hjá pabba á 17. júní
skemmtun í Kópavogi. Það var svo
hvasst að nóturnar voru á fleygiferð
út um allt. Svo samdi ég mitt fyrsta
skemmtiprógramm þegar ég var 12
ára og flutti fyrir fjölskylduna. Ég
klippti brandara út úr tímaritum og
límdi á blöð og skrifaði tengingar á
milli. Þetta handrit á ég ennþá og
geymi í læstri hirslu. Ég mun af-
henda það nýstofnuðu Leikminja-
safni þegar sómasamlegt húsnæði er
fengið.“
Fyrirkomulag sýningarinnar er
með afslöppuðum hætti. „Áhorfend-
ur sitja við borð og geta notið veit-
inga meðan á sýningunni stendur.
Kaffi er reyndar innifalið í miðaverð-
inu svo það má segja að þetta sé eins
konar kaffibollarevía,“ segir Örn.
Frumsýning kaffibollarevíunnar
Feðgar á ferð er kl. 20 í Iðnó í kvöld.
Fyndnir feðgar á ferð
Morgunblaðið/Þorkell
Feðgarnir Örn Árnason og Árni Tryggvason á fullri ferð.
Feðgar á ferð er yfir-
skrift revíudagskrár
sem þeir Árni Tryggva-
son og Örn, sonur hans,
hafa sett saman til að
gleðja landann í sum-
arbyrjun. Sýningar-
staður er Iðnó og frum-
sýning er í kvöld.
JEAN Posocco opnar sýningu í
Sverrissal, Hafnarborg í dag, laugar-
dag, kl. 15. Á sýningunni, sem nefnist
Stemning – Ambiance, eru vatnslita-
myndir, flestar unnar á þessu ári.
Jean er Frakki af ítölskum ættum
en hefur verið búsettur á Íslandi í
nærri tvo áratugi. Hann stundaði
nám í Myndlista- og handíðaskóla Ís-
lands 1985-1989 og er þetta fimmta
einkasýning hans. Auk þess hefur
hann tekið þátt í fjölda samsýninga
hér á landi og erlendis. Þá hefur hann
myndskreytt á annan tug barnabóka
eftir íslenska höfunda. Hann er einn
af 11 listamönnum sem reka Meistari
Jakob – Art gallery .
„Myndefnið á þessari sýningu
minni er náttúran. Ekki ákveðnir
staðir heldur náttúrustemmningar.
Þessi umgjörð mannsins sem hann á
líf sitt að þakka en fer þó svo oft illa
með,“ segir Jean. „Hver mynd er
ákveðin stemmning. Andartak þar
sem maðurinn staldrar við og dáist að
náttúrunni, hversdagsleg atriði sem
eru svo stórkostleg þegar við gefum
okkur tíma til að sjá þau. Lítil augna-
blik sem allir hafa upplifað hver á sinn
hátt. Andartakið þegar aðdáunin yf-
irtekur okkur, þar sem við stöndum
frammi fyrir þessum smámyndum
sem ylja okkur um hjartarætur, sem
eru alltof oft svo kaldar. Hér eru þessi
augnablik máluð í stóran ramma því
þau eru mikilvæg í lífi hvers manns.“
Sýningin er opin alla daga nema
þriðjudaga kl. 11-17 og lýkur 14. maí.
Morgunblaðið/Jim Smart
Jean Posocco. Í baksýn er eitt verka hans í Hafnarborg.
Náttúruaugnablik
í stórum ramma
Listasafn ASÍ
Sýningum Olgu Bergmann í Ás-
mundarsal og Önnu Hallin í Gryfj-
unni lýkur nú á sunnudag.
Doktor Bergmann er einskonar
Alter Ego og gegnir aðalhlutverki í
sýningu Olgu. Doktorinn og verkin
sem tengjast þessari persónu eru
að nokkru leyti sprottin af þeim
ævintýralegu og furðulegu mögu-
leikum sem erfðaverkfræði og
klónun bjóða upp á. Sýning Önnu
nefnist „Soft plumbing“ mjúkar
pípur, fjölgun, samskipti og fæðu-
keðjur. Þar er röð myndverka,
málverka og teikninga þar sem
myndvakinn kemur úr heimi ör-
vera og hryggleysingja, en taka
einnig mið af formi ýmiss konar
heimilistækja.
Listasafn ASÍ, Freyjugötu 41 er
opið alla daga nema mánudaga frá
kl. 14-18.
Sýningum lýkur
KÓR aldraðra í Kópavogi, Söngvinir,
heldur sína árlegu vortónleika í
Hjallakirkju í Kópavogi á morgun,
sunnudag, kl. 17. Flutt verða innlend
og erlend lög. Stjórnandi kórsins er
Sigurður Bragason. Undirleik ann-
ast Þorvaldur Björnsson, ýmist á
píanó eða harmoniku. Fjórir ein-
söngvarar verða með kórnum.
Söngvinir
halda tónleika