Morgunblaðið - 28.04.2001, Side 19
LANDIÐ
MORGUNBLAÐIÐ LAUGARDAGUR 28. APRÍL 2001 19
Breiðabólstað í Fljótshlíð – Á sumardaginn fyrsta stigu
nemendur Fljótshlíðarskóla á fjalirnar og sýndu Dýrin
í Hálsaskógi undir leikstjórn Svölu Arnardóttur. Löng
hefð er fyrir uppsetningu leikrits í skólanum þar sem
öll börnin taka þátt. Foreldrar og aðrir sem þess óska
njóta síðan afrakstursins á sumardaginn fyrsta ár
hvert.
Að þessu sinni fóru börnin á kostum í alla staði og
minnti frammistaða þeirra einna helst á leik barna í
leikritinu Bugsy Malone sem sýnt var í Reykjavík við
frábæran orðstír og dóma.
Leikgleði, söngur og hljóðfæraleikur var afar eft-
irtektarverður, börnin örugg og fumlaus í hlutverkum
sínum. Sviðsmynd og búningar voru sérstaklega vel
hannaðir.
Sýningargestir fögnuðu börnunum ákaft í lok sýn-
ingar.
Nemendur fóru
á kostum í Dýr-
unum í Hálsaskógi
Skógarmýsnar taka lagið.
NÝLEGA afhenti Reykhóladeild
Lionsklúbbs Búðardals tveimur
þjónustustofnunum í heimabyggð-
inni veglegar sumargjafir.
Hjúkrunar- og dvalarheimilinu
Barmahlíð var færður baðstóll að
verðmæti 270.000 kr. og heilsu-
gæslustöðinni á Reykhólum neyð-
artaska með súrefnismettunar-
mæli að verðmæti 240.000 kr.
Fjármagn til þessara tækja-
kaupa fékk deildin að meginhluta
frá góðum styrktaraðilum. Ber þá
fyrst að nefna Menningarsjóð
Landsbanka Íslands en hann gaf
andvirði stólsins og kaupin á neyð-
artækjatösku strkut með fjárfram-
lögum, Lilja Þórarinsdóttir, Eyra-
sparisjóður, Kaupfélag Króks-
fjarðar, Kvenfélag Geiradals-
hrepps, Kvenfélagið Liljan, Reyk-
hólahreppur, Verkalýðs- og sjó-
mannafélagið Grettir og Þörunga-
verksmiðjan hf.
Deildin biður fyrir þakkir til
þessara aðila fyrir framlag þeirra
og þann góða skilning sem þeir
sýndu þessari viðleitni deildarinn-
ar til þessa að bæta og treysta bú-
setu í Reykhólahreppi.
Sumargjafir frá
Lionsmönnum
á Reykhólum
Blönduósi - Kýrnar á Eyjólfsstöðum í
Vatnsdal fengu á miðvikudag í fyrsta
sinn á þessu vori að líta dalinn sinn eft-
ir langa inniveru. Þorbergur Aðal-
steinsson bóndi sagði í samtali við
Morgunblaðið að hann hefði aldrei ver-
ið svona snemma á ferðinni með að
setja kýrnar út. Það var með ólíkindum
hversu Eyjólfsstaðakýrnar voru hátt-
prúðar þennan fyrsta útivistardag
sinn. Þó mátti sjá létta spretti og ein og
ein kýr sletti úr klaufunum og óútkljáð
deilumál sem orðið hafa til yfir dimma
vetrarmánuði voru leyst þennan sól-
ríka aprílmorgun í Vatnsdalnum.
Kýrnar
óvenju-
snemma út
Morgunblaðið/Jón Sigurðsson