Morgunblaðið - 28.04.2001, Blaðsíða 16
SUÐURNES
16 LAUGARDAGUR 28. APRÍL 2001 MORGUNBLAÐIÐ
STARFSMENN Sandgerðishafnar
unnu við það fram á kvöld í gær að
hreinsa olíu sem lak í höfnina. Talið
að um 150 lítrar af smurolíu og úr-
gangsolíu hafi farið í höfnina.
Síðdegis í gær lét sjómaður hafn-
arverði vita af því að olía væri í Sand-
gerðishöfn. Lögregla var kölluð til
og eftirlitsmenn frá Heilbrigðiseft-
irliti Suðurnesja.
Talið er að tiltölulega lítið af olíu
hafi farið í höfnina. Líklega um 150
lítrar af blandi af smurolíu og úr-
gangsolíu. Olíumengunin var mest á
milli skipa en hana var einnig farið
að reka áleiðis út úr höfninni.
Ekki var í gær vitað hvaðan olían
kom en að sögn lögreglu sem rann-
sakar málið er helst talið að hún hafi
komið úr einum af fjórum smábátum
sem lágu við bryggju í höfninni.
Hugsanlegt er að olíunni hafi verið
dælt í sjóinn.
Starfsmenn hafnarinnar fengu
felliefni og úðuðu yfir olíuna. Þeir
voru bjartsýnir á að þeim tækist að
hreinsa mengunina. Ekki er vitað til
þess að tjón hafi hlotist af.
Olía lak í Sandgerðishöfn
Morgunblaðið/Hilmar Bragi Bárðarson
Lögreglan úr Keflavík og eftirlitsmenn Heilbrigðiseftirlits Suðurnesja könnuðu aðstæður í Sandgerðishöfn.
Sandgerði
RAUÐI krossinn og flóttamanna-
ráð hafa tryggt sér fimm íbúðir í
Reykjanesbæ og eru því miklar
líkur á að flóttamennirnir frá
Krajina-héraði í fyrrum Júgóslav-
íu, sem væntanlegir eru hingað til
lands, fái þar hæli.
Að sögn Árna Gunnarssonar,
formanns flóttamannaráðs, og
Sigríðar Guðmundsdóttur, skrif-
stofustjóra alþjóðadeildar Rauða
kross Íslands, bar auglýsing eftir
íbúðum fyrir flóttamennina þann
árangur að tilboð bárust um fimm
íbúðir.
Lagt fyrir bæjarráð
á fimmtudag
Óformlegar umleitanir hafa far-
ið fram við bæjaryfirvöld í
Reykjanesbæ um framkvæmd
málsins að öðru leyti. Bæjarstjór-
anum í Reykjanesbæ barst í gær
formlegt erindi með ósk um að
hefja viðræður. Verður það lagt
fyrir bæjarráðsfund næstkom-
andi fimmtudag. Ellert Eiríksson
bæjarstjóri segir að það hafi legið
fyrir af hálfu stjórnenda Reykja-
nesbæjar að þeir myndu taka því
mjög vel að ræða málið, ef Rauða
krossinum og flóttamannaráði
tækist að finna húsnæði.
Fólkið fer beint á
íslenskunámskeið
Rauðakrossdeildin í Reykja-
nesbæ mun útvega stuðningsfjöl-
skyldur og túlkaþjónustu. Árni
segir að bærinn ráði verkefnis-
stjóra sem flóttamannaráð kostar
og annast rekstur verkefnisins.
Fólkið sem kemur til Íslands er
af serbneskum ættum eða úr
blönduðum fjölskyldum og bjó á
svæðum í Krajina-héraði sem nú
tilheyra Króatíu. Það getur ekki
snúið heim og hefur verið lengi í
flóttamannabúðum. Búið er að
velja fólkið sem fær að koma til Ís-
lands. Þar er um að ræða fimm
fjölskyldur, með börn á aldrinum
fimm til fimmtán ára, samtals 23
einstaklingar. Kemur fólkið í júní-
mánuði. Allur hópurinn fer í sum-
arskóla, námskeið í íslensku.
RKÍ útvegaði
húsnæði fyrir
flóttamennina
Reykjanesbær
ÚRSLIT formannskosninga í Nem-
endafélagi Fjölbrautaskóla Suður-
nesja voru úrskurðuð ógild í gær og
ákveðið að boða til nýrra kosninga.
Kosningar fóru fram í Nemenda-
félagi Fjölbrautaskólans fyrir viku.
Athugasemdir voru gerðar við fram-
kvæmd formannskosningarinnar,
meðal annars af skólameistara sem
taldi hana ekki hafa farið rétt fram.
Meðal annars voru gerðar athuga-
semdir um kosningaáróður á kjör-
stað og að kosning hafi ekki verið að
öllu leyti leynileg. Aðeins ein kæra
barst þó til sérstakrar laganefndar
sem fjalla á um slík mál og var hún
frá stjórn nemendafélagsins. For-
maður félagsins vildi ekki ræða mál-
ið við Morgunblaðið.
Laganefnd úrskurðaði í gær kosn-
ingu formanns ógilda og lagði fyrir
að efnt skyldi til nýrra kosninga í
næstu viku. Aðstoðarskólameistari,
námsferilsstjóri og ritari nemenda-
félagsins kváðu upp úrskurðinn.
Kosning
formanns
ógilt
Fjölbrautaskólinn
ALLTAF er líf og fjör þegar
árshátíð yngstu krakkanna er í
Grunnskóla Grindavíkur. Flestir ef
ekki allir foreldrar mæta til að sjá
hvað krakkarnir hafa verið að æfa.
Á nýlokinni árhátíð var fjöl-
breytnin mikil, eins og svo oft áð-
ur. Rúmba var dönsuð, tónlistar-
atriði bæði einstaklinga og heilu
bekkjanna, söngur o.fl. Krakk-
arnir í 1. bekk L sungu meðal ann-
ars lagið „Ég er vinur þinn“ sem
flestir þekkja úr kvikmyndinni
„Toy story“, leikfangasaga. Þá
fluttu krakkarnir í 2. HI litalagið
og höfðu unnið fallega sviðsmynd
sem hæfði laginu. Eins og venja er
á þessum hátíðum sem eru tvær
þennan eina dag þar sem fjöldi for-
eldra og barna er slíkur að ekki
rúmast í skólanum er boðið upp á
veisluhlaðborð. Það sem er frá-
brugðið öðrum árshátíðum hjá
þessum aldri er það að nú fór hún
fram í nýjum hátíðarsal skólans.
Morgunblaðið/GPV
Börnin í 1. bekk L í Grunnskóla Grindavíkur sungu lagið Ég er vinur þinn við góðar undirtektir.
Þú ert vinur minn
Grindavík
Annar bekkur HI flutti Litalagið með viðeigandi umgjörð.
UM 800 manns taka þátt í landsmóti
Samtaka íslenskra skólalúðrasveita
sem haldið verður í Reykjanesbæ í
byrjun júní.
Landsmót lúðrasveitanna er haldið
annað hvert ár og hefur aldrei verið
haldið í Reykjanesbæ eða sveitar-
félögunum sem nú mynda bæjar-
félagið. Öflug lúðrasveit er starfandi í
tengslum við Tónlistarskóla Reykja-
nesbæjar, að sögn skólastjórans,
Haraldar Árna Haraldssonar skóla-
stjóra. Hún er fjórskipt; í A-sveitinni
eru byrjendur en í D-sveitinni eru 35
lengra komnir hljóðfæraleikarar,
sumir komnir með 7. stig í hljóðfæra-
leik.
Tónlistarskólinn og lúðrasveitin sjá
um skipulagningu landsmótsins með
góðri aðstoð foreldra og annarra vel-
unnara, að sögn Haraldar, og hefur
undirbúningur staðið yfir í allan vet-
ur.
25 lúðrasveitir hafa tilkynnt þátt-
töku í mótinu sem haldið verður 1.–3.
júní og eru sumar með fleiri en eina
og fleiri en tvær deildir þannig að
þátttakendur verða í heildina um 800.
Ungdómsorkestrið
Dagana fyrir landsmótið taka skól-
inn og lúðrasveitin á móti lúðrasveit
frá Færeyjum, Ungdómsorkestrinu
frá Vágum, sem er vinabær Reykja-
nesbæjar. Lúðrasveitin heldur tón-
leika víða á Suðvesturlandi, meðal
annars með lúðrasveit Tónlistarskóla
Reykjanesbæjar í Ráðhúsi Reykja-
víkur. Færeyski hópurinn dvelur
hluta af tímanum í Hafnarfirði.
800 koma á
lúðrasveitamót
Reykjanesbær