Morgunblaðið - 08.05.2001, Blaðsíða 69

OFTAST þegar íslenskir tón-listarmenn hafa látið hend-ur standa fram úr ermum
(„og ekkert þras“) og skapað tónlist
til styrktar sínu íþróttafélagi hefur
áherslan verið lögð á gamansemina í
stað þess að skapa metnaðarfullt
verk.
Nýlega var gefin út geislaplatan
Skref fyrir skref til stuðnings hand-
knattleiksdeild KA og er óhætt að
segja að sú tónlist sem á henni er sé
fremur ólík þeirri er handbolta-
landsliðið söng um árið. Hér er ekki
allt að verða vitlaust, afi ekki orðinn
amma neins og jólin koma hvergi
við sögu. Hér er fólk að vanda sig.
Enginn þjóðernisrembingur
Innan á kápu disksins kemur m.a.
fram að við vinnslu hans var lögð
áhersla á að gera verkið eins „ey-
firskt“ og hugsast gat. Er verið að
ýta undir stolt Akureyringa?
„Já, það er náttúrulega verið að
því,“ viðurkennir Jón Björnsson,
umsjónarmaður með útgáfunni.
„Við erum nú líka að flagga því að
það er fullt af góðum hljóðfæraleik-
urum, útsetjurum og söngvurum
hérna. Að sjálfsögðu er verið að
benda á að það er ofsalega mikil
tónlistararfleifð hér. Þegar þú ert
að gera eitthvað til stuðnings KA
liggur auðvitað beinast við að leita
til heimamanna með flutning, hljóð-
færaleik og söng. Magnús Eiríksson
er náttúrulega ekki Akureyringur
en er þó með nýtt lag þarna, Pálmi
Gunnarsson, Björn Þorláksson og
Michael Jón Clarke búa hérna á Ak-
ureyri, þannig að það er farið í
þessa arfleifð. Þetta er ekki beinn
þjóðernisrembingur (hlær), þetta er
bara praktískt.“
Þið hafið ekki viljað fá handbolta-
kappana til þess að syngja?
„Okkur fannst það ekki passa inn
á diskinn, við veltum því fyrir okkur
í upphafi. Þar sem við ákváðum að
reyna að vera með heildstæðan disk
höfnuðum við öllum slíkum hug-
myndum. Það er til mjög gott lag
með KA og það er ekki neinu við
það að bæta. Það lag er alltaf í botni
á hverjum leik þannig að það hefði
ekki verið hægt að gera neitt annað
en að gefa það lag út aftur.“
Þörf fyrir þögn í tónlist
„Við vildum ekki skella saman á
disk einhverju sem er aðeins til þess
að selja, heldur vildum við að fólk
fengi eitthvað fyrir peninginn.
Kannski má segja að lög sem byggj-
ast á fallegum melódíum, góðum
flutningi og fallegum textum eigi er-
indi í dag inn í þessa rosalegu
fjöldaframleiðslu sem er á tónlist.
Það er komin þörf fyrir smáþögn í
tónlist. Við erum líka að reyna að
brúa bilið milli dægurtónlistar og
klassískrar tónlistar.“
Hvað segirðu, finnst þér tónlist í
dag vera orðin of hávaðasöm?
„Já, og allt of mikið svona hljóð-
gervla-tölvu-auto-tjúnað-dót. Þú
veist ekkert lengur hvort fólkið get-
ur eitthvað í rauninni. Mér finnst
þetta orðin svo mikil karaoke-
fjöldaframleiðsla. Það er erfitt að
lýsa því en mér finnst þetta í raun-
inni bara vera umbúðir og ekkert
innihald. Þetta er líka svolítið þann-
ig að menn eru hættir að spila á
hljóðfæri, þeir eru bara í tölvunum.
Nú getur þú látið tölvuna spila gít-
arinn, bassann og allt það en þarna
erum við að taka þetta allt upp lif-
andi. Meira að segja sumir af fræg-
ustu tónlistarmönnum í heimi
syngja í gegnum svokallað „auto-
tune“, ef þeir syngja á annað borð.
Þetta dogma kom upp í kvikmynda-
heiminum hjá Dönunum vegna þess
að þeir vildu fá að vita hvort fólk
gæti eitthvað. Eric Clapton hélt
sína „unplugged“-tónleika vegna
þess að þeir voru orðnir svo pirraðir
yfir öllum hjálpartækjunum í hljóð-
verinu. Þeir vildu bara fara aftur í
undirstöðuatriðin. Spila beint, taka
það upp og gefa svo út. Við notumst
þó aðeins við tæknina en það er ekk-
ert verið að fikta í þessu mikið eftir
á. Þetta er ekki hávaði, það er mikið
lagt í þetta,“ segir Jón að lokum.
Diskurinn er seldur í verslunum
Bókvals á Akureyri og í Pennanum í
Reykjavík.
Flytjendur og aðstandendur geislaplötunnar Skref fyrir skref.
Nýlega kom út
geislaplatan Skref fyrir
skref til stuðnings hand-
knattleiksdeild KA.
Birgir Örn Steinarsson
hitti Jón Björnsson og
spjallaði við hann um
útgáfuna.
„Þetta er ekki hávaði,
það er mikið lagt í þetta“
Geislaplata til stuðnings handknattleiksdeild KA
biggi@mbl.is
FÓLK Í FRÉTTUM
MORGUNBLAÐIÐ ÞRIÐJUDAGUR 8. MAÍ 2001 69
VÁKORT
Eftirlýst kort nr.
4543-3700-0029-4648
4543-3700-0036-1934
4543-3700-0034-8865
4507-4100-0006-6325
4548-9000-0056-2480
4543-3700-0027-8278
4507-4500-0028-0625
4507-2800-0004-9377
4507-4500-0030-3021


 
      
 
  
   

  




         
  ! "#

"$% &'
  ()( )$$$
Annað hlutverk
(Second Skin)
S p e n n u m y n d
Leikstjóri: Darrell James Roodt.
Handrit: John Lau. Aðalhlutverk:
Natasha Henstridge, Angus Mac-
Fadyen, Peter Fonda. Bandaríkin,
2000. Bergvík. 100 mín., Bönnuð
innan 16 ára.
KONA sem virðist á flótta und-
an glæpamönnum fær vinnu hjá
Sam Kane, hæglátum eiganda
fornbókaverslunar
í smábæ. Málin
eru þó flóknari en
þau virðast í
fyrstu. Sjálfur á
Kane sér skugga-
lega fortíð sem
hann leynir og
ekki er víst að
leiðir þeirra hafi
legið saman af til-
viljun. Annað hlutverk er spennu-
mynd sem reynir, með nokkrum
árangri, að halda áhorfendum í
óvissu um raunveruleg hlutverk og
markmið aðalsöguhetjanna fram
að óvæntum endalokunum. Ýmis-
legt gefur þó til kynna að myndin
sé gerð meira af áhuga en efnum,
ýmsir þættir handritsins, sérstak-
lega persónugerð illmennisins sem
Peter Fonda leikur, hafa yfir sér
viðvaningsbrag, leikarar eru í
mörgum tilfellum ekki ýkja sterkir
og útlit myndarinnar er í hæsta
máta sjónvarpslegt. En fyrir unn-
endur spennumynda þar sem
framrásin liggur ekki í augum
uppi er hér á ferðinni ágæt
skemmtun.
MYNDBÖND
Bófar undir
nýju nafni
Heiða Jóhannsdótt ir