Morgunblaðið - 08.05.2001, Blaðsíða 24

Morgunblaðið/GPV
Rúnar Björgvinsson og Karen Elísdóttir, fyrstu húsbyggjendurnir í
nýju Vallahverfi, ásamt dætrunum Dagnýju, Ingu Fanneyju og Hildi.
ÍBÚARNIR á Árnastíg 14 í
Grindavík eru ekki með neina ná-
granna eins og er. Þau eru fyrstu
einstaklingarnir sem hefja bygg-
ingu íbúðarhúss í nýju hverfi,
Vallahverfi.
Húsið sem þau Karen Elísdóttir
og Rúnar Björgvinsson eru að láta
byggja er 225 fermetra timburhús
og er þá bílskúrinn meðtalinn.
Húsið er með viðhaldsfríum
gluggum og með múrsteinsklæðn-
ingu.
Í sveitasælunni
„Við gerum okkur vonir um að
flytja inn um mánaðamótin júní-
júlí, með smábjartsýni. Við sjáum
vel í allar áttir, mjög vel út á sjó
og bakgarðurinn er mest nátt-
úrulegt hraun. Hér á bak við
verður pallur og svo hraunið frá
nátturunnar hendi. Við erum hér í
sveitasælunni“, sagði Rúnar.
Karen er líka ánægð með nýja
húsið og umhverfið. „Þetta er
æðislegt, í framtíðinni verður
pottur hérna í þessari laut í
hrauninu og það má segja að hann
sé kominn frá náttúrunnar hendi.
Við höfum hannað þetta allt
saman sjálf en fáum fagmenn til
að útfæra hugmyndirnar. Engin
hús eru hér fyrir sunnan okkur en
við erum efst hér í botnlanganum.
Það má í gríni segja að við
skreppum til Grindavíkur,“ sagði
Karen.
Fyrst til að hefja byggingu
húss í Vallahverfi
Við sjáum vel
í allar áttir
Grindavík
SUÐURNES
24 ÞRIÐJUDAGUR 8. MAÍ 2001 MORGUNBLAÐIÐ
ÁKVEÐIÐ hefur verið að hefjast
aftur handa við uppbyggingu elstu
húsa Keflavíkur, Duus-húsanna sem
svo eru nefnd. Alþingi hefur veitt 10
milljóna kr. styrk til verksins sem
byrjað verður á í sumar. Gamla búð
og Bryggjuhúsið eru elstu hús
Reykjanesbæjar.
Hans Peter Duus kaupmaður lét
byggja nýja verslun árið 1871. Er
húsið nefnt Gamla búð og er elsta
hús Keflavíkur. Eftir að verslunar-
rekstri var hætt var Gamla búð not-
uð sem íbúðarhús og verbúð eftir að
það komst í eigu Miðness hf. Á sjö-
unda áratugnum kviknaði í húsinu
og hefur það staðið autt síðan.
Bærinn eignaðist Gömlu búð fyrir
nokkrum árum og hefur staðið til að
koma þar fyrir upplýsingamiðstöð
ferðamanna. Einnig hefur komið
upp sú hugmynd að hafa þar menn-
ingarmiðstöð fyrir ungt fólk en
skiptar skoðanir verið um það hvort
húsið hentaði til slíks.
Hans Peter Duus lét byggja
pakkhús 1877, stórt hús upp á tvær
hæðir og ris. Var það byggt úr
tveimur eldri húsum sem stóðu á
sama stað. Var pakkhúsið nefnt
Bryggjuhúsið enda var Duus-
bryggjan fram eftir því miðju.
Bryggjuhúsið var stærsta bygging
landsins á sínum tíma, fyrir utan Al-
þingishúsið. Í því var einn af fáum
brunnum þorpsins. Eftir að versl-
unin seldi eigur sínar
árið 1919 hefur húsið
aðallega verið notað í
tengslum við rekstur
fiskverkunar.
Bíóhúsið er áfast
Bryggjuhúsinu og er
það elsta kvikmynda-
hús á landinu, eftir að
Fjalakötturinn við Að-
alstræti í Reykjavík
var rifinn. Fjórða hús-
ið á Duus-torfunni er
nýrra steinhús, fisk-
verkunarhús, sem
Reykjanesbær á einn-
ig. Þar verður safni
bátalíkana Gríms
Karlssonar komið fyr-
ir.
Gerð framkvæmdaáætlun
Samkvæmt upplýsingum Valgerð-
ar Guðmundsdóttur, menningarfull-
trúa Reykjanesbæjar, hefur bæjar-
sjóður varið verulegum fjárhæðum
til að verja þessi hús frekari
skemmdum. Einnig hefur verið unn-
ið að undirbúningi endurbyggingar
þeirra en illa gengið að fá til þess
fjármagn. Á árinu 1998 voru kynnt-
ar tillögur að endur-
byggingu húsanna og
gerð framkvæmda-
áætlun þar sem gert
var ráð fyrir því að
endurbygging húsanna
tæki átta ár. Áætlað
var að verkefnið kost-
aði um 200 milljónir kr.
Vegna fjárskorts hefur
dregist að koma áætl-
unni til framkvæmda
en Valgerður segir að
með 10 milljóna króna
styrk frá Alþingi verði
nú aftur hafist handa
við endurbyggingu
húsanna. Áætlað er að
flytja starfsemi
Byggðasafnsins í Duus-húsin. Ekki
liggur fyrir hvernig húsin verða nýtt
að öðru leyti, nema hvað starfsemin
verður menningartengd.
Auk Duus-húsanna er svokallað
Fischershús á torfunni, merkilegt
hús sem á að gera upp, og myndlist-
armenn í Reykjanesbæ hafa aðstöðu
í pakkhúsi þar við hliðina. Duus-
húsatorfan verður því mikil menn-
ingarmiðstöð í Reykjanesbæ þegar
fram líða stundir.
Hafist handa við
endurbyggingu
Duus-húsanna
Bryggjuhúsið er stórt og myndarlegt. Áfast því er Bíóhúsið og loks fisk-
vinnsluhús sem eiga að geyma bátasafn Gríms Karlssonar.
Morgunblaðið/Jim Smart
Gamla búð er elsta hús Keflavíkur.
Reykjanesbær
Valgerður
Guðmundsdóttir
Byggja 4
stofur við
grunnskól-
ann
SANDGERÐISBÆR hefur
auglýst eftir tilboðum í við-
byggingu Grunnskóla Sand-
gerðis. Um er að ræða fjórar
skólastofur og stækkun á and-
dyrum og annarri aðstöðu.
Sigurður Valur Ásbjarnar-
son, bæjarstjóri í Sandgerði,
segir að eftir að ráðist var í
framkvæmdir til að einsetja
skólann hafi komið upp atriði
sem ekki voru séð fyrir. Meðal
annars hafi tvær stofur verið
teknar undir kennslu fatlaðra
og ein til tölvukennslu. Nauð-
synlegt hafi verið að bæta við
fjórum kennslustofum. Er það
gert með því að byggja
kennslustofuálmu við eldri
hluta skólans.
Anddyri stækkað
Jafnframt þarf að ráðast í
stækkun á anddyri íþróttamið-
stöðvar og byggingu varðturns
við sundlaugarsvæðið og
stækkun á einu af anddyrum
skólans auk þess sem byggð
verður tengiálma milli skóla-
álmanna og stjórnunaraðstaða
endurbætt.
Verktaki á að skila hluta af
verkinu tilbúnu í haust en ljúka
því að öllu leyti fyrir 1. maí á
næsta ári.
Jafnframt þessum bygging-
arframkvæmdum verður skóla-
lóðin og aðkoma að skólanum
lagfærð. Er þegar byrjað á
hellulögnum.
Sandgerði
LÖGÐ hafa verið fram drög að
stefnu Reykjanesbæjar í málefnum
innflytjenda. Þar er meðal annars
lagt til að stofnað verði embætti
þjóðafulltrúa sem sérstaklega sinni
málefnum innflytjenda. Sú hugmynd
er jafnframt viðruð að þjóðafulltrú-
inn gæti unnið fyrir öll sveitarfélögin
á Suðurnesjum.
Bæjarráð Reykjanesbæjar skip-
aði fyrr í vetur fjögurra manna nefnd
starfsmanna bæjarins til að gera
drög að stefnumótun í málefnum
innflytjenda. Nefndin skilaði tillög-
um sínum á síðasta bæjarráðsfundi
og var ákveðið að senda þær til um-
sagnar í ýmsum nefndum bæjarins.
Dregið verði úr fordómum
„Haft skal að leiðarljósi að inn-
flytjendur í Reykjanesbæ verði virk-
ir og sjálfbjarga þátttakendur í sam-
félaginu og að íbúar í Reykjanesbæ
fái notið fjölbreytni í mannlífi og
menningu þar sem þekking, víðsýni,
jafnrétti og gagnkvæm virðing ein-
kennir samskipti fólks af ólíkum
uppruna,“ segir í stefnudrögunum.
Markmiðum stefnunnar er lýst í
nokkrum puntkum. Meðal annars er
talað um að draga úr fordómum
gagnvart innflytjendum í Reykja-
nesbæ. Tryggt verði að innflytjend-
ur geti nýtt sér þjónustu bæjarins til
fulls. Að börn af erlendum uppruna
geti nýtt sér skólakerfið til jafns við
önnur börn og að öllum innflytjend-
um verði gefinn kostur á íslensku-
námi við hæfi og þeir hvattir til að
læra íslensku. Á þetta síðastnefnda
leggur María Gunnarsdóttir, for-
maður nefndarinnar, áherslu þegar
hún er spurð um mikilvægustu atriði
stefnunnar. Einnig segir hún mikil-
vægt að börnin komi strax inn í leik-
skólana og að stefna í málefnum ný-
búa verði lögð á öllum sviðum
stjórnkerfis Reykjanesbæjar.
Gæti unnið fyrir fleiri
Þá er í stefnudrögunum lagt til að
stofnað verði embætti þjóðafulltrúa
sem sinni málefnum innflytjenda.
Hann mun hafa þróunarstarf með
höndum, miðlun og öflun upplýsinga,
túlkaþjónustu, sérhæfða ráðgjöf,
fræðslu- og menningarstarf. Hann
mun hafa það hlutverk að aðstoða
fólk við að aðlagast íslensku sam-
félagi og taka ábyrgð á lífi sínu á Ís-
landi.
Í skýrslu um störf nefndarinnar er
birt ályktun sem nefndin hefur gert
að lokinni stefnumótun. Telur hún
vel koma til greina að þjóðafulltrúi
vinni fyrir öll sveitarfélög á Suður-
nesjum þar sem um eitt atvinnu-
svæði sé að ræða og þjónusta ýmissa
stofnana teygi anga sína út fyrir
Reykjanesbæ. Með því væri hægt að
samræma og samþætta þjónustu
þeirra sem að málefnum innflytj-
enda koma og auðvelda aðlögun allra
aðila.
Stofnað verði emb-
ætti þjóðafulltrúa
Ljósmynd/Víkurfréttir
Tungumálahátíðin sem haldin var í Samkomuhúsinu í Garði um helgina
í tilefni af viku tungumálanáms á evrópsku tungumálaári var vel sótt.
Fram komu fulltrúar ýmissa hópa nýbúa sem sungu og fluttu tónlist,
auk þess sem boðið var upp á framandi mat. Í upphafi dagskrárinnar
var gestum heilsað á þrettán tungumálum.
Reykjanesbær
Nefnd um málefni innflytjenda í Reykjanesbæ
skilar tillögum að stefnu