Morgunblaðið - 11.05.2001, Qupperneq 9

FRÉTTIR
MORGUNBLAÐIÐ FÖSTUDAGUR 11. MAÍ 2001 9
15% afsláttur
af öllum frúarkjólum
út þessa viku
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Lagersala á Bíldshöfða 14
Opið alla föstudaga milli kl. 16 og 19,
laugardaga milli kl. 12 og 16.
www.sokkar.is oroblu@.sokkar.is
Nýjar vörur
Frábært
tilboð á Tom Jones með pöntunum
úr Kays listanum: 1 diskur kr. 390
eða 3 diskar kr. 990
öll bestu lögin hans
Pantið strax- takmarkað
magn á þessu verði!
Austurhrauni 3, Gbæ, Hf., s. 555 2866
Póstsendum.
Selena
undirfataverslun,
1. hæð, Kringlunni - Sími 553 7355.
Litir: Hvítt, svart,
kremað, fjólublátt.
Skálastærðir:
B-C-DDD-E-F-FF.
Sumarfötin sem
krakkarnir viljal
LAUGAVEGI 95 - KRINGLUNNI
BRUNAMÁLASTOFNUN hyggst
kanna tvo fjallaskála á Lónsöræfum
í sumar ásamt 15 öðrum skálum á
hálendinu með tilliti til þess hvort
þeir standast kröfur um brunavarn-
ir. Skýrsla um ástand fjallaskálanna
á svo að vera tilbúin síðar í haust.
Brunamálastofnun gerði sam-
bærilega könnun árið 1996 og skoð-
aði þá 24 fjallaskála á hálendinu þar
sem boðið er upp á gistingu gegn
gjaldi. Niðurstaða þeirrar könnunar
var að tíu skálar fengu einkunnina
slæmt og tveir voru með óviðunandi
brunavarnir. Tveir skálar höfðu góð-
ar brunavarnir og 10 sæmilegar.
Eftirlit með skálum er mismunandi
og talið að það sé mjög lítið í ein-
hverjum tilvikum.
Þetta er meðal þess sem kemur
fram í nýlegu svari Brunamálastofn-
unar við bréfi Áskels Þórissonar,
blaðamanns og áhugamanns um
ferðalög, sem hann sendi stofnun-
inni fyrr á árinu. Þar beindi Áskell
nokkrum spurningum til Bruna-
málastofnunar í tilefni ferðar sinnar
sl. sumar um Lónsöræfi á vegum
Ferðafélags Íslands þar sem gist var
í nokkrum skálum.
Áskell telur að sumir fjallaskálar
geti beinlínis verið hættulegir fólki á
neyðarstund. „Ég held því fram að
kvikni í á neðri hæð sé ástæða til að
ætla að þeir sem uppi sofa vakni
ekki til þessa lífs. Ástæðan? Meðal
annars sú að dæmi eru um svo
þrönga glugga að íturvaxinn nútíma-
maður getur engan veginn komið
sér út,“ segir Áskell m.a. í bréfinu til
Brunamálastofnunar.
Hann spurði hvort sömu kröfur
væru gerðar til brunavarna í kofum
á hálendinu og í sambærilegum
gististöðum í þéttbýli og sveitum
landsins. Í svari Brunamálastofnun-
ar kemur fram að svo er, hvort sem
gististaðurinn er á hálendi eða í
byggð. Farið er eftir sömu grein
byggingareglugerðar.
„Alltaf eiga að vera tvær gagn-
stæðar og óháðar leiðir til rýmingar.
Slökkvitæki eiga að vera til staðar.
Viðvörun skal vera fyrir hendi, í
minni gistingum reykskynjarar en í
stærri gistingum sjálfvirk brunavið-
vörunarkerfi. Rýmingarleiðir eiga
að vera merktar. Klæðningar og
brunamótstaða veggja fer eftir
stærð gistingar,“ segir í svari
Brunamálastofnunar.
Lítið eftirlit með sumum
fjallaskálum
Áskell spurði hvort byggingar-
nefnd í einstökum héruðum þyrfti að
veita samþykki sitt fyrir kofum sem
reistir eru utan alfaraleiðar og segir
Brunamálastofnun að byggingaryf-
irvöld þurfi að fara yfir teikningar
og samþykkja öll mannvirki innan
síns svæðis. Sýslumenn þurfi síðan
að veita rekstrarleyfi að fengnu áliti
frá viðkomandi eldvarnaeftirliti og
heilbrigðiseftirliti.
Þá spurði Áskell Brunamálstofn-
un hvernig eftirliti með ástandi
brunavarna í fjallakofum væri hátt-
að, t.d. hvort þeir væru skoðaðir ár-
lega. Í svarinu kemur fram að eft-
irlitið er mismunandi eftir svæðum.
Sumir slökkviliðsstjórar eða eld-
varnaeftirlitsmenn fara árlega en
aðrir sjaldnar. Síðan segir í svarinu:
„Líkur eru leiddar að því að eftirlit
sé mjög lítið með einhverjum fjalla-
skálum.“
Brunamálastofnun bendir á að
samkvæmt reglugerð um eldvarna-
eftirlit sveitarfélaga með atvinnu-
húsnæði eigi að skoða gistihúsnæði
fyrir færri en tíu manns a.m.k. einu
sinni á þriggja ára fresti. Gistingu
fyrir 10 til 50 manns eigi að skoða
a.m.k. einu sinni annað hvert ár og
aðrar gistingar eigi að skoða árlega
hið minnsta.
Ferðaþjónustan fagnar
fyrirhugaðri úttekt
Erna Hauksdóttir, framkvæmda-
stjóri Samtaka ferðaþjónustunnar,
sagðist í samtali við Morgunblaðið
fagna því ef Brunamálastofnun ætl-
aði að kanna brunavarnir í fjalla-
skálum. Öryggismál væru mikilvæg-
ur þáttur í ferðaþjónustunni og
brunavarnir og eldvarnaeftirlit ekki
síst.
Hún benti á að enginn gæti selt
gistingu neins staðar öðruvísi en að
hafa leyfi að fenginni úttekt eld-
varna- og heilbrigðiseftirlits. Það
sama ætti að sjálfsögðu að gilda um
skála á hálendinu sem bjóða upp á
gistingu.
„Ef þessi mál eru í ólestri á há-
lendinu er vissulega ástæða til að
hafa áhyggjur af því. Við höfum lagt
mikla áherslu á að allir gististaðir
séu með leyfi, en brestur hefur verið
á eftirlitinu með því. Við höfum beint
því til sýslumanna og lögreglustjóra-
embætta ef við höfum orðið vör við
leyfislausa staði og oftast er það
vegna öryggismála. Þetta gildir
jafnt um gististaði á hálendinu og í
Reykjavík,“ sagði Erna.
Garðar K. Vilhjálmsson, fram-
kvæmdastjóri Íslenskra ævintýra-
ferða, tók undir með Ernu og fagn-
aði fyrirhugaðri úttekt
Brunamálastofnunar. Hann sagðist í
sínu starfi ekki hafa orðið var við
mikið eftirlit með brunavörnum í
skálum á hálendinu. Ef til stæði að
auka það væri það fagnaðarefni.
„Það er mikilvægt fyrir gæði
ferðaþjónustunnar að svona hlutir
séu í lagi. Eflaust eru til einhverjar
reglur en þeim er ekki haldið mikið á
lofti. Ekki minnist maður þess að
kviknað hafi í svona skála en það er
frekar spurning um hvenær það ger-
ist en hvort. Þá er skemmtilegra að
hafa málin í því horfi að fylgst sé vel
með,“ sagði Garðar.
Brunamálastofnun skoðar í sumar hvort nokkrir
gistiskálar á hálendinu standist kröfur um brunavarnir
Vörnum og eftirliti
víða talið ábótavant
Morgunblaðið/Árni Sæberg
Hálendisferðir hafa færst í vöxt á síðustu árum með aukinni jeppaeign
landsmanna og fjallaskálar eru oft þéttsetnir. Tekið skal fram að þessi
skáli, sem er á Hveravöllum, tengist ekki fréttinni með beinum hætti.
Til að auglýsa á þessari síðu hafðu
samband við okkur í
síma 569 1111 eða sendu okkur
tölvupóst á augl@mbl.is