Morgunblaðið - 16.05.2001, Síða 16

HÖFUÐBORGARSVÆÐIÐ
16 MIÐVIKUDAGUR 16. MAÍ 2001 MORGUNBLAÐIÐ
ALMENN ánægja virtist
ríkja meðal foreldra og að-
standenda barna í Áslands-
skóla á kynningarfundi sem
Hafnarfjarðarbær og Ís-
lensku menntasamtökin
efndu til í Hafnarborg á
mánudag. Fjölmargir nýttu
sér tækifærið og hlýddu á
framsögu sérfræðinga og
ráðgjafa þar sem gerð var
grein fyrir námstilhögun og
hugmyndafræði skólans sem
byggir meðal annars á því að
hámarka getu barnsins með
aðferðum sem taka mið af
öllum þroskaþáttum þess.
Magnús Gunnarsson bæj-
arstjóri flutti ávarp en að því
búnu kynnti Árni Sigfússon
fundarstjóri Íslensku
menntasamtökin og liðs-
menn þeirra. Að loknu
ávarpi dr. Sunitu Gandhi,
framkvæmdastjóra samtak-
anna, fluttu fjórir ráðagjafar
þeirra, Herdís Egilsdóttir,
fyrrverandi kennari, Áslaug
Brynjólfsdóttir, fyrrverandi
fræðslustjóri í Reykjavík og
staðgengill skólastjóra, Jón-
ína Bjartmarz alþingiskona
og Karl Hilmarsson, skóla-
stjóri Hrafnagilsskóla, stutt
ávörp auk Kristrúnar Lind-
ar Birgisdóttur, skólastjóra
Áslandsskóla.
Að því búnu gafst fund-
argestum kostur á að bera
upp spurningar.
Áhersla á samráð
kennara og foreldra
Róbert Mckee, sem á sæti
í foreldraráði Hafnarfjarðar-
bæjar, ítrekaði mikilvægi
þess að foreldrar og kenn-
arar hefðu samráð um að
móta kennslustefnuna og
spurði hvort gert hefði verið
ráð fyrir að foreldrar kæmu
að samningu kennsluskrár.
Áslaug Brynjólfsdóttir
varð fyrir svörum og lagði
hún áherslu á að starf for-
eldra yrði skilgreint sérstak-
lega í námskrá.
Þá var spurt hvort töl-
fræðilegar upplýsingar
lægju fyrir um árangur nem-
enda í skólum þar sem sams
konar kennslustefna væri
við lýði.
Í svari Karls Hilmarsson-
ar kom fram að ekki lægju
fyrir slíkar tölur varðandi
Hrafnagilsskóla. Sunita
Gandhi lagði hins vegar
áherslu á í svari sínu að ár-
angur nemenda á alþjóða-
vísu væri almennt mjög góð-
ur og í bestu tilvikum stæðu
nemendur sig betur í öllum
fögum en aðrir nemendur.
Spurt var einnig hvort
ekki væri hætta á að tog-
streita skapaðist milli skóla-
stjóra og framkvæmda-
stjórnar þar sem skólastjóri
hefði ekki óskorðað vald til
að móta skólastefnu.
Í svari Árna Sigfússonar
kom fram að þessu svipaði
til reksturs fyrirtækja þar
sem ólík svið væru skýrt af-
mörkuð og skólastjóri hefði
þar af leiðandi fullt vald yfir
málefnum barna. Hann við-
urkenndi engu að síður að
togstreita gæti gert vart við
sig þar sem og annars stað-
ar.
Meðal annarra fyrir-
spurna sem fram komu voru
hvort bekkjakerfi yrði með
hefðbundnum hætti og af
hverju ákveðið hefði verið að
bjóða rekstur Áslandsskóla
út í stað þess að Hafnar-
fjarðarbær sæi alfarið um
reksturinn.
Herdís Egilsdóttir sagði
bekkjakerfi ekki verða með
hefðbundnum hætti í skól-
anum þar sem enginn einn
kennari yrði gerður ábyrgur
fyrir einum bekk. Í stað þess
yrði meiri hreyfing á bekkj-
um og væri það gert til að
koma til móts við þarfir
hvers og eins nemanda.
Magnús Gunnarsson bæj-
arstjóri lauk umræðunum og
sagði m.a. að stofnun Ás-
landsskóla væri stór stund í
íslenskri skólasögu og að
menn væru í raun ekki að
ræða það nú af hverju út-
boðsleiðin hefði verið farin,
um hana ríkti sátt. Hann
ítrekaði jafnframt að fund-
urinn væri fyrsti af mörgum
þar sem foreldrum og að-
standendum barna í Ás-
landsskóla gæfist kostur á
að bera fram fyrirspurnir
varðandi kennslufyrirkomu-
lagið.
Kynningarfundur fyrir foreldra barna í Áslandsskóla
Bekkjakerfi ekki með
hefðbundnum hætti
Morgunblaðið/Jón Svavarsson
Fjölmenni var í Hafnarborg á líflegum kynningarfundi fyrir foreldra og aðstandendur
barna í Áslandsskóla sem haldinn var í fyrradag.
Ásland
Morgunblaðið/Jón Svavarsson
Dr. Sunita Gandhi flutti ávarp á kynningarfundinum.
FIMMTÁN athugasemda-
bréf bárust skipulags- og
bygginganefnd Hafnarfjarðar
vegna deiliskipulagstillögu
Hörðuvalla. Meirihlutinn í
nefndinni hyggst taka tillit til
athugasemdar er varðar ný-
byggingu við hjúkrunarheim-
ilið Sólvang en segir aðrar at-
hugasemdir ekki gefa tilefni
til breytinga á deiliskipulags-
tillögunni.
Ákveðið var á fundi nefnd-
arinnar í gær að fresta af-
greiðslu málsins þar til í dag
en í fréttatilkynningu frá
fulltrúum minnihlutans í
nefndinni segir að í drögum
að umsögn ætli meirihluti
Sjálfstæðis- og Framsóknar-
flokks að vísa nær öllum at-
hugasemdum frá og afgreiða
deiliskipulagstillöguna
óbreytta til bæjarstjórnar á
fundinum í dag.
Fátt ef nokkuð nýtt
í athugasemdunum
Sigurður Einarsson, for-
maður skipulagsnefndar, seg-
ir í rauninni fátt ef nokkuð
nýtt í þeim athugasemdum
sem bárust nefndinni. „Þetta
eru hlutir sem við erum búnir
að vera að fjalla um, bæði í
skipulagsnefndinni og í bæj-
arstjórn þannig að það er í
sjálfu sér ekkert óvænt sem
hefur komið inn sem menn
eiga von á að muni kúvenda
þessu máli,“ segir hann.
Hann segir rangt að verið
sé að vísa athugasemdunum
frá í umsagnardrögunum.
„Það er verið að svara þeim
efnislega á þeim forsendum
að þessar athugasemdir eru í
fæstum tilfellum tilefni til
breytinga.“ Hann segir að
tekið verði tillit til einnar at-
hugasemdar en hún er vegna
fyrirkomulags nýbyggingar
við Sólvang.
Að sögn Sigurðar er stefnt
að því að á fundinum í dag
verði deiliskipulagstillagan
afgreidd úr skipulags- og um-
ferðarnefndinni til bæjar-
stjórnar til endanlegrar af-
greiðslu.
Ekki tilefni til
breytinga
Hafnarfjörður
Athugasemdir vegna deili-
skipulags við Hörðuvelli
ÁFENGIS- og tóbaksverslun
ríkisins opnaði fyrstu áfeng-
isútsöluna í Garðabæ á dög-
unum að viðstöddu fjöl-
menni. Það var Höskuldur
Jónsson, forstjóri ÁTVR,
sem afhenti Vilhelmínu
Níelsdóttur verslunarstjóra
lyklana að versluninni, sem
er staðsett á Garðatorgi.
Verslunin er með svipuðu
sniði og áfengisútsalan sem
nýlega var opnuð í Spönginni
í Grafarvogi og er útlit þess-
ara verslana ólíkt því sem áð-
ur hefur tíðkast hjá ÁTVR.
Verslunin verður með um
400 sölutegundir og er gert
ráð fyrir tveimur starfs-
mönnum þar að staðaldri.
Morgunblaðið/Jón Svavarsson
Vilhelmína Níelsdóttir verslunarstjóri tekur við lyklum að
búðinni úr hendi Höskulds Jónssonar, forstjóra ÁTVR.
ÁTVR opnað á Garðatorgi
Garðabær
HUGMYNDIR að landfyll-
ingu á sunnan megin á Sel-
tjarnarnesi voru kynntar í
nýútkomnu tölublaði Nes-
frétta. Bæjarstjóri segir til-
lögurnar forvitnilegar en
undirstrikar að engin um-
ræða hafi verið um þær innan
stjórnkerfis bæjarins.
Það er Jóhann Helgason
jarðfræðingur sem er höf-
undur tillaganna en þær gera
ráð fyrir mikilli stækkun
Suðurness til suðausturs auk
þess sem sýnd er fylling frá
Suðurströnd sem stækka
myndi Sandvíkina verulega. Í
grein Jóhanns kemur fram
að á milli þessara landfyll-
inga yrði brú og að höfnin
færðist. Bakkavíkin myndi að
mestu haldast óbreytt en í
heild myndi strandlengjan
vestast á nesinu nær tvöfald-
ast.
„Þetta þýðir aukið lífríki
og þar með taliðn bætt skil-
yrði fyrir fuglalífið,“ segir í
greininni. Þá leggur Jóhann
til að tveir stórir hólmar yrðu
settir í Seltjörnina til að
tryggja fuglum friðland og
skilja það frá umferð.
Jóhann bendir á að bygg-
ingarland sé senn á þrotum á
Seltjarnarnesi en að með
landfyllingunni myndu skap-
ast nýir möguleikar í byggða-
þróun á nesinu. Þarna mætti
sjá fyrir sér nokkur þúsund
manna byggð og telur hann
nokkuð ljóst að framkvæmd-
in yrði fjárhagslega arðbær.
Forvitnilegar hugmyndir
Sigurgeir Sigurðsson, bæj-
arstjóri á Seltjarnarnesi seg-
ir hugmyndirnar að mörgu
leyti spennandi en að þær
hafi enga umræðu fengið inn-
an bæjarkerfisins en býst við
þær verði fyrr eða síðar tekn-
ar til umræðu. „Þetta er bæj-
arbúi sem skrifar þetta á sína
eigin ábyrgð,“ segir hann.
Hann segir byggingarland
á nesinu vera af mjög skorn-
um skammti. „Við höldum
verulegu svæði eftir vestast á
nesinu fyrir útivistarsvæði
þannig að byggingarland er
hér búið. Þó erum við núna
að ganga frá viðskiptum með
landið sem gömlu Ísbjarnar-
eignirnar standa á en þær
verða rifnar og byggt á land-
inu aftur.“
Sigurgeir segir að hug-
myndir um landfyllingar hafi
ekkert verið til umræðu í
bæjarstjórn. „En hugmyndin
er forvitnileg og á það alveg
skilið að vera rannsökuð bet-
ur. Hins vegar er í sjálfu sér
ekki mikill akkur í því fyrir
okkur að fjölga mikið meira
en orðið er. Þetta er mjög
þægileg stjórnunareining
þannig að við ráðum mjög vel
við alla þjónustu,“ segir
hann.
Þess má geta að nýlega
voru kynntar hugmyndir
Reykjavíkurborgar um land-
fyllingu á norðurströndinni
meðfram Eiðsgrandanum
eins og Morgunblaðið hefur
greint frá og yrði vestasti
hluti slíks mannvirkis út af
nesinu.
Jarðfræðingur kynnir hugmyndir sínar um landfyllingu út frá Suðurnesi og Suðurströnd
Möguleikar á nokkur
þúsund manna byggð



 

!"


    




 

  
 

  

 
  Seltjarnarnes