Morgunblaðið - 16.05.2001, Síða 19

MARITA á Íslandi er nafn á hópi
fólks sem vinnur að forvarnarmálum
í samstarfi við forvarnadeild lögregl-
unnar og félagsþjónustuna í Reykja-
vík. Nú í byrjun maí kom Marita-
hópurinn til Grindavíkur ásamt lög-
reglunni í Keflavík til þess að fræða
nemendur í 10. bekk og foreldra
þeirra um forvarnir í fíkniefnum.
Þrátt fyrir að ekki sé það venjan að
ræða við nemendur í 9. bekk og for-
eldra þeirra var það gert að þessu
sinni.
Brjóta niður glansmyndina
„Það eru eiginlega tvö markmið
með þessari fræðslu til krakkanna.
Annars vegar að bjóta niður þessa
glansmynd sem oft er af fíkniefnum
og hins vegar að fá þau til að taka af-
dráttarlausa afstöðu gegn fíkniefn-
um,“ sagði Jón Indriði Þórhallsson
úr hópi Marita á Íslandi.
Jón Indriði hélt síðan áfram að
ræða þessi mál um kvöldið við for-
eldra og kom fram í máli hans að
tímarnir væru breyttir. Foreldrar
þessa aldurshóps gætu gengið nán-
ast að því sem vísu að ef ekki væri nú
þegar búið að bjóða þeim fíkniefni þá
gerðist það mjög fljótlega. Sannar-
lega dökk mynd sem blasir við æsku
þessa lands.
Foreldra- og kennarafélag Grunn-
skóla Grindavíkur stóð fyrir þessum
fræðslufundi og var mæting hin
þokkalegasta og ljóst að þörf er á að
ræða þessi mál.
„Við erum fyrst og fremst að skapa
umræðugrundvöll fyrir foreldra og
unglinga heima. Það að foreldrar séu
vakandi og í góðu sambandi við börn-
in er forvörn númer eitt. Ég er búinn
að vera í þessu í þrjú ár en er núna
með hann Magnús Stefánsson í læri
því hann á að taka við. Þessir fundir
hafa verið vel heppnaðir og almenn
ánægja með þá,“ sagði Jón Indriði.
Hættu áður
en þú byrjar
Morgunblaðið/Garðar Páll Vignisson
Jón Indriði Þórhallsson og Magnús Stefánsson tóku þátt í forvörnum
gegn fíkniefnum í Grindavík.
Grindavík
SUÐURNES
MORGUNBLAÐIÐ MIÐVIKUDAGUR 16. MAÍ 2001 19
HÁSKÓLINN á Akureyri, Miðstöð
símenntunar á Suðurnesjum og
Reykjanesbær gerðu í gær með sér
samkomulag um kennslu í leikskóla-
fræðum á Suðurnesjum. Námið hefst
í haust.
Um er að ræða fjarnám í Reykja-
nesbæ um þriggja símalína fjarfunda-
búnaði og um vefsíður á tölvuneti frá
Háskólanum á Akureyri sem skipu-
leggur og leggur til námsefni, annast
alla kennslu í leikskólafræðum í fjög-
ur ár og ber faglega ábyrgð á náminu.
Námið tekur þrjú ár. Miðstöð sí-
menntunar leggur til námsumhverfi
og aðstöðu sem felur m.a. í sér aðgang
að fjarkennslubúnaði í kennslusal og
tölvuver þar sem unnt er að stunda
hópvinnu og vinna verkefni. Skóla-
skrifstofa Reykjanesbæjar sér um
verklega þjálfun nemenda, sam-
kvæmt nánara samkomulagi.
Háskólanám í leikskólafræðum eru
þriðju fræðin sem Miðstöð símennt-
unar á Suðurnesjum býður til náms í
fjarkennslu frá Háskólanum á Akur-
eyri, en nám í hjúkrunar- og rekstr-
arfræði hófst þar haustið 2000. Í
fréttatilkynningu frá miðstöðinni
kemur fram að gert er ráð fyrir að um
fjörutíu nemendur verði þar við há-
skólanám í fjarkennslu næsta vetur.
Kennsla í leik-
skólafræðum
hefst í haust
Reykjanesbær
VERKTAKI er að hefja stækkun
leikskólans í Sandgerði. Húsnæði
skólans verður tvöfaldað.
Sandgerðisbær samdi við
Hagtré hf. um að annast stækkun
skólans. Fyrirtækið er að hefja
framkvæmdir og á að ljúka verk-
inu um mánaðamótin febrúar og
mars á næsta ári. Byggt verður
nýtt leikskólahús við hlið þess
eldra auk nauðsynlegrar tengi-
byggingar.
Sigurður Valur Ásbjarnarson,
bæjarstjóri í Sandgerði, segir að
eftir stækkun leikskólans verði
hægt að taka inn yngri börn, það
er að segja frá hálfs árs aldri í
stað tveggja ára nú, og bjóða upp
á heilsdagsþjónustu.
Húsnæði leikskólans tvöfaldað
Sandgerði
Teikningin sýnir suðurhlið leikskólans í Sandgerði eins og hann mun líta út eftir stækkun.
MARKAÐS- og atvinnuráð Reykja-
nesbæjar hefur lagt til að stofnaður
verði vinnuhópur embættismanna til
að vinna að markaðssetningu
Reykjaneshallarinnar.
Unnið hefur verið að undirbúningi
markaðssetningar Reykjaneshallar.
Hafa meðal annars verið könnunar-
viðræður um sýningarhald þar.
Gert er ráð fyrir að Ólafur Kjart-
ansson, framkvæmdastjóri MOA,
verði í vinnuhópnum ásamt Johani
D. Jóhannssyni ferðamálafulltrúa,
Stefáni Bjarkasyni íþrótta- og tóm-
stundafulltrúa, Ragnari Erni Pét-
urssyni skólastjóra Vinnuskólans og
Guðmundi Sighvatssyni fram-
kvæmdastjóra Reykjaneshallar.
Reykjanes-
höll mark-
aðssett
Reykjanesbær
ÞAÐ var fjöldi fólks og góð
stemmning á fjölskylduhátíð sem
haldin var í Reykjaneshöllinni í
gær. Börn af leikskólum bæjarins
sungu fyrir gesti en þau höfðu
boðið foreldrum sínum, öfum og
ömmum á hátíðina. Þá var fjölda-
söngur á dagskrá sem eldri borg-
arar leiddu. Við innganginn fengu
gestir epli sem nokkrir eldri borg-
arar skáru niður fyrir þá og áður
en söngatriðin hófust gerðu gestir
hátíðarinnar léttar leikfimiæf-
ingar til að halda á sér hita og fá
um leið holla hreyfingu. Íþrótta-
og tómstundaráð Reykjanesbæjar,
leikskólarnir, eldri borgarar og
forvarnarverkefnið Reykjanesbær
á réttu róli stóðu fyrir hátíðinni,
sem haldin var í tilefni alþjóðlegs
dags fjölskyldunnar.
Fannst gaman að sjá
eldri borgara syngja
Þórður Kristjánsson og dótt-
urdóttir hans, Hjördís Lilja Pálm-
arsdóttir, voru bæði ánægð með
daginn en Þórði fannst að hátíðin
hefði mátt vera lengri. „Þetta er
mjög skemmtilegt og mætti gjarn-
an gera meira af þessu tagi. Fólk
kann greinilega að meta þetta,
mikill fjöldi hefur mætt í dag
þrátt fyrir kulda og rok.“ Hann
sagði jákvætt að stuðla að því að
fá kynslóðirnar meira saman og
gaman væri að sjá hér fólk á öll-
um aldri. Hjördís Lilja, sem býr í
Garðabænum, var komin að heim-
sækja afa og ömmu á Suður-
nesjum til að fá að fara á hátíðina.
Þegar hún var spurð hvað henni
þætti hafa verið skemmtilegast á
hátíðinni sagði hún það vera að
heyra eldra fólkið syngja. Hún
sagðist vera þó nokkur söng-
manneskja sjálf en þrátt fyrir það
ekki hafa sungið mikið með þegar
leikskólabörnin sungu á hátíðinni,
hún syngi bara þeim mun meira á
leikskólanum sínum Kirkjubóli.
Guðrún María Þorleifsdóttir og
Inga María Ingvarsdóttir voru
sammála um að gaman væri að sjá
kynslóðirnar hittast en að þær
hefðu gjarnan viljað sjá fólk taka
meiri þátt í leikfiminni og söngn-
um. „Þessi hátíð er mjög gott
framtak og gaman að sjá bygg-
inguna nýtta á þennan hátt,“
sagði Guðrún. Hún sagðist hafa
tekið þátt í söngatriði eldri borg-
aranna en dótturdóttir hennar,
María Ósk Björnsóttir, tók einmitt
þátt í söngatriði leikskólabarn-
anna.
Fjöldi manns mætti á fjölskylduhátíð í Reykjaneshöllinni á degi fjölskyldunnar
Gestir
fengu epli
og fóru í
leikfimi
Morgunblaðið/Jón Svavarsson
Eldri borgarar leiddu fjöldasöng á hátíðinni og þeir ungu hlýddu á.
Hjördís Lilja Pálmarsdóttir kunni vel að meta söng eldri borgara
bæjarins. Hér er hún með afa sínum, Þórði Kristjánssyni.
Guðrún María Þorleifsdóttir, dótturdóttir hennar, Gunnhildur Gígja Yngvadóttir,
Inga María Ingvarsdóttir, María Ósk Björnsdóttir og Ingunn Ósk Ingvarsdóttir.
Hildigunnur Gísladóttir og Gísli Marinósson skemmtu sér vel á
fjölskylduhátíðinni í gær ásamt fleiri íbúum Reykjanesbæjar.
Reykjanesbær