Morgunblaðið - 31.05.2001, Blaðsíða 12

SAMGÖNGURÁÐHERRA telur
ekki forsendur til að efna til frekari
rannsóknar á flugslysinu í Skerja-
firði meðan rannsókn alþjóðaflug-
málastofnunarinnar, ICAO, á starfs-
aðferðum rannsóknanefndar flug-
slysa, RNF, stendur yfir. Aðstand-
endur fórnarlamba flugslyssins fóru
fram á að ráðuneytið hlutaðist til um
að óháðir sérfræðingar við Cran-
field-stofnunina rannsökuðu slysið.
Jón Ólafur Skarphéðinsson, einn
aðstandendanna, segir að ýmislegt
hafi verið athugavert við rannsókn
RNF og það hafi komið berlega í ljós
þegar skýrsla nefndarinnar kom út í
mars sl.
„Krafa okkar um erlenda sérfræð-
inga hefur verið á borðum sam-
gönguráðherra í allan vetur. Hann
neitaði okkur um slíka rannsókn í
byrjun apríl og í framhaldi af því
kallaði hann til sérfræðinga frá al-
þjóðaflugmálastofnuninni, ICAO, en
þeir eiga eingöngu að skoða störf
rannsóknanefndar flugslysa. Við
teljum okkur ekki þurfa erlenda sér-
fræðinga til að segja okkur sannleik-
ann um störf hennar. Við förum fram
á rannsókn á flugslysinu og teljum
að rannsókn rannsóknarnefndarinn-
ar sé ófullnægjandi og illa gerð,“
segir Jón Ólafur.
Hann sendi samgönguráðherra
ítrekað beiðni um þetta sl. mánudag
og sömuleiðis var farið fram á að
ráðuneytið stæði straum af kostnaði
við þýðingu á gögnum sem aðstand-
endurnir hyggjast að senda ICAO. Í
gær hafnaði samgönguráðherra báð-
um óskum aðstandendanna.
„Þar fyrir utan sá ráðherrann ekki
ástæðu til þess að leiðrétta ummæli
sín í fréttum sl. föstudag þar sem
hann sagði mig fara með rangt mál.
Ég hafði beðið samgönguráðuneytið
að hlutast til um að ICAO fengi
skýrsludrögin sem send voru Flug-
málastjórn og Ísleifi Ottesen til um-
sagnar í lok desember í enskri þýð-
ingu svo ICAO gæti betur kynnt sér
starfsaðferðir rannsóknanefndar
flugslysa. Ráðuneytið hafnaði
þessari ósk en samgönguráðherra
hélt því fram í fréttum að ekki hefði
verið farið fram á þetta. Það minnsta
sem ráðherrann getur gert er að
biðjast afsökunar á þessu,“ segir Jón
Ólafur.
Hann bendir á að ráðuneytið sé að
láta þýða lokaskýrslu RNF en Jón
Ólafur segir að sérfræðingar ICAO
geti ekki sinnt hlutverki sínu, sem er
að rannsaka starfsaðferðir RNF,
nema þeir fái að sjá hvernig drögin,
sem send voru málsaðilum til um-
sagnar, breyttust frá desember til
mars.
Í svari samgönguráðherra til Jóns
Ólafs segir að ráðuneytið líti svo á að
það sé háð mati sérfræðinga ICAO
hvaða gögn teljist nauðsynleg við
rannsókn þeirra á starfsháttum og
vinnubrögðum RNF og rannsókn
RFN á flugslysinu í Skerjafirði.
Jón Ólafur segir að aðstandendur
fórnarlamba flugslyssins muni nú
sjálfir fá sérfræðinga á vegum Cran-
field-stofnunarinnar, sem er stofnun
um flugöryggismál við háskólann í
Cranfield, sem Jón Ólafur segir að
njóti mikils traust um allan heim, til
að rannsaka flugslysið. Rannsóknin
hefst fljótlega.
Vilja erlenda rann-
sókn á flugslysinu
FRÉTTIR
12 FIMMTUDAGUR 31. MAÍ 2001 MORGUNBLAÐIÐ
STARFSMENNTARÁÐ hefur
gengið frá styrkveitingum til hátt á
þriðja tug samtaka og félaga á
þessu ári fyrir alls 43 milljónir
króna. Ákveðið var í upphafi árs að
þrenns konar verkefni skyldu
styrkt árið 2001; í fyrsta lagi þau
er tengjast notkun Netsins í starfs-
menntun, eða fyrir 20 milljónir, í
öðru lagi verkefni sem stuðla að
auknum gæðum starfsmenntunar,
einnig upp á 20 milljónir, og í
þriðja lagi þau er stuðla að starfs-
menntun erlends vinnuafls sem
reiknað var með fimm milljónum í.
Hæstu styrkirnir námu
þremur milljónum
Auglýst var eftir umsóknum í
hvern flokk í Morgunblaðinu í
febrúar, mars og apríl og nú hefur
öllum styrkjum verið úthlutað. Alls
bárust umsóknir um styrki til 78
verkefna og hlutu þrjátíu og þrjú
þeirra styrk.
Hæstu styrkirnir, sem veittir
voru, námu þremur milljónum
króna og fóru til BSRB annars
vegar og Fræðsluráðs málmiðnað-
arins hins vegar. BSRB hlaut styrk
til þess að fræða félagsmenn um
upplýsingatæknina og Fræðsluráð
málmiðnaðarins til að skoða og
meta framtíðar þekkingarþörf í
greininni. Aðrir styrkir voru að
upphæð frá 300 þúsund krónum að
2,5 milljónum króna.
Rétt til að sækja um styrki
starfsmenntaráðs eiga samtök at-
vinnurekenda og launafólks, ein-
stök fyrirtæki, einkaaðilar eða op-
inberir sem standa fyrir starfs-
menntun í atvinnulífinu, starfs-
menntaráð einstakra atvinnugreina
og samstarfsverkefni á vegum
tveggja eða fleiri framangreindra
aðila.
Félagsmálaráðherra skipar ráðið
til tveggja ára í senn. Í því eiga
sæti sjö fulltrúar, tveir frá Alþýðu-
sambandi Íslands, einn frá BSRB,
þrír frá Samtökum atvinnulífsins
og einn fulltrúi félagsmálaráð-
herra.
Starfsmenntaráð
styrkir verkefni
fyrir 43 milljónir
Morgunblaðið/Sigurður Jökull
Páll Pétursson félagsmálaráðherra og Davíð Stefánsson, formaður
Starfsmenntasjóðs, kynntu styrki sjóðsins í ár.
KIRKJURÁÐ ákvað á
fundi sínum í gær að
ráða sr. Bernharð
Guðmundsson sem
rektor Skálholtsskóla.
Skólanefnd skólans
hafði tvisvar sinnum
mælt með Guðmundi
Einarssyni kennara í
stöðuna. Fyrr í þess-
um mánuði frestaði
kirkjuráð því að ráða í
stöðu rektors og ósk-
aði eftir rökstuddri til-
lögu frá skólanefnd-
inni þar sem kirkjuráð
taldi að Guðmundur
uppfyllti ekki það skil-
yrði fyrir ráðningunni
að vera með háskólapróf. Fimm af
sjö fulltrúum í skólanefnd mæltu
aftur með Guðmundi en tveir
fulltrúanna mæltu með Bernharði.
Biskup Íslands vék af fundi
kirkjuráðs þegar ráðningin var þar
til umfjöllunar í gær
og tók sr. Bolli Gúst-
avsson, vígslubiskup
í Hólaumdæmi, við
sæti forseta í stað
hans en Bernharður
er mágur biskups.
Kirkjuráð samþykkti
ráðningu Bernharðs
einróma og var álykt-
un gerð þar sem fram
kom að það væri mat
kirkjuráðs að sr.
Bernharður væri
hæfastur umsækj-
enda til að gegna
starfinu þar sem
hann hafi víðtæka
menntun á sviði guð-
fræði og lengsta reynslu umsækj-
enda í kirkjustarfi, stjórnun og
rekstri, jafnt innanlands sem utan.
Í fréttatilkynningu segir að kirkju-
ráð muni ekki tjá sig frekar um
málefnið opinberlega.
Kirkjuráð velur rektor Skálholtsskóla
Sr. Bernharður
Guðmundsson
Sr. Bernharður
Guðmundsson
ráðinn rektor
BÍLALEIGAN Atlas í Hafnarfirði
hefur tekið fyrsta umhverfisvæna
bílaleigubílinn á Íslandi í notkun.
Um er að ræða Volkswagen Car-
avelle sem er með tvíbrennihreyfli
og notar bæði bensín og metan.
Siv Friðleifsdóttir, umhverfis-
ráðherra afhenti forráðamönnum
Atlas lyklana að þessum nýja um-
hverfisvæna bílaleigubíl og lét þess
getið að hér væri um mikilsvert
framtak að ræða því vaxandi áhugi
á umhverfisvernd og „grænnri
ferðamennsku“ væri meðal ferða-
manna sem kæmu til landsins.
Metan er umhverfisvæn orka
sem unnin er úr hauggasinu sem
myndast á urðunarsvæði Sorpu í
Álfsnesi. Metan hf. sér um hreins-
un á hauggasinu og Olíufélagið hf.
á og rekur metanáfyllingarstöð
fyrir fjölorkubíla á Bíldshöfða.
Hekla flutti inn fyrstu bílana frá
Volkswagen með tvíbrennihreyfl-
um og voru þeir teknir í notkun á
miðju síðasta ári. Í dag eru á þriðja
tug Volkswagen-bifreiða með tví-
brennihreyfla í notkun á Íslandi.
Fyrsti um-
hverfisvæni
bílaleigu-
bíllinn
Siv Friðleifsdóttir umhverfis-
ráðherra afhenti Sigurði Þor-
valdssyni, framkvæmdastjóra
Atlas, lyklana að fyrsta vist-
væna bílaleigubílnum.
TÍÐNI langvinnra lungnateppu-
sjúkdóma hefur vaxið ört á undan-
förnum árum og er nú talið að 16–18
þúsund Íslendingar þjáist af lang-
vinnum lungnateppusjúkdómum.
Reykingar eru taldar aðalorsaka-
valdur langvinnrar lungnateppu en í
dag er reyklaus dagur á Íslandi og í
öðrum löndum, þar sem reykinga-
fólk er hvatt til að nota tækifærið og
hætta að reykja.
Vaxandi vandamál vegna
stórra árganga reykingafólks
Gunnar Guðmundsson, sérfræð-
ingur í lungnalækningum, bendir á
að rekja megi aukna tíðni þessara
sjúkdóma til hinna stóru árganga
reykingafólks, þ.e.a.s. fólks sem fætt
er á árunum 1950–1965. „Ef fólk á
þessum aldri hættir ekki að reykja
er viðbúið að hluti þessa hóps verði
kominn með langvinna lungnasjúk-
dóma eftir tíu til tuttugu ár. Þótt
tekist hafi að draga mikið úr tíðni
reykinga í prósentum talið er þarna
um mjög stóran hóp reykingafólks
að ræða vegna þess hversu stórir
þessir árgangar eru. Prósentutalan
segir því ekki alla söguna. Þrátt fyr-
ir að hlutfall þeirra sem reykja hafi
lækkað úr 40% fyrir um 15 árum í
26% í dag er engu að síður um mjög
stóran hóp að ræða, vegna þess hve
Íslendingum hefur fjölgað,“ segir
hann.
Gunnar bendir á að greina megi
lungnateppusjúkdóma á frumstigi ef
menn fara til heilsugæslulæknis og
láta prófa lungnastarfsemina.
Þriðja algengasta
dánarorsökin árið 2020?
Talið er að langvinnir lungna-
teppusjúkdómar verði þriðja al-
gengasta dánarorsök í heimi árið
2020. Langvinn lungnateppa er
sjötta algengasta dánarorsökin hér
á landi og fer vaxandi. Þá eru lang-
vinnir lungnateppusjúkdómar tólfta
algengasta orsök örorku hér á landi
og er talið að þeir verði fimmta al-
gengasta orsök örorku á þar næsta
áratug að öllu óbreyttu.
16–18.000 Íslend-
ingar þjást af lang-
vinnri lungnateppu
Reyklaus dagur á Íslandi í dag
HÉRAÐSDÓMUR Reykjavíkur hef-
ur dæmt karlmann til 60 daga skil-
orðsbundinnar fangelsunar fyrir kyn-
ferðisbrot gegn fyrrum stjúpdóttur
sinni. Maðurinn var ákærður fyrir að
sýna stúlkunni kynfæri sín og ítrekað
spurt hana hvort hún vildi sjá hann
framkvæma kynferðislegar athafnir.
Maðurinn játaði skýlaust brot sitt
fyrir dómi. Hann hafði ekki áður
gerst brotlegur við refsilög. Auk refs-
ingarinnar var hann dæmdur til að
greiða stúlkunni 200.000 krónur í
miskabætur ásamt dráttarvöxtum.
Haldi maðurinn skilorð í þrjú ár fellur
refsingin niður.
60 daga skil-
orðsbundið
fangelsi fyrir
kynferðisbrot
UM 60 sentimetra gat kom í þak
vegskálans um Óshlíð í fyrrinótt.
Talið er að steinn hafi fallið með
miklu afli á þak vegskálans við Ytri-
Hvanngjá og brotið stykki úr þakinu
sem féll á veginn. Vegfarandi sem ók
fram á steypustykkið tilkynnti atvik-
ið til lögreglu á fimmta tímanum í
fyrrinótt.
Grjót gataði
vegskála í Óshlíð
KOMIÐ hefur í ljós að viðgerð sú
sem fram fer á varðskipinu Ægi í Pól-
landi er ívið umfangsmeiri en upp-
haflega var áætlað og hefur heim-
komu skipsins af þeim sökum verið
frestað um tæpa viku.
Hafsteinn Hafsteinsson, forstjóri
Landhelgisgæslunnar, sagði í samtali
við Morgunblaðið að komið hefði í ljós
gera þyrfti við aðeins meira í skipinu
en upphaflega hefði verið áætlað.
Komið hefði ljós að gera þyrfti við
bönd í skrokk skipsins vegna endur-
nýjunar á tönkum þess. Ekki væri
víst að afhending skipsins tefðist af
þessum sökum en til vonar og vara
hefði heimkomu skipsins verið frest-
að um 5–6 daga vegna þessa.
Ráðgert er að skipið komi hingað
til lands í lok júnímánaðar.
Heimkomu
frestað um
tæpa viku
Viðgerð á Ægi í Póllandi
♦ ♦ ♦