Morgunblaðið - 31.05.2001, Blaðsíða 19

AKUREYRI
MORGUNBLAÐIÐ FIMMTUDAGUR 31. MAÍ 2001 19
UMHVERFISDAGUR var hjá
nemendum Lundarskóla á Ak-
ureyri í gær og er þetta í þriðja
sinn sem efnt er til slíks dags í
skólalok. Nemendur, sem eru um
500 talsins á aldrinum frá 6 til 16
ára gengu um hverfið sitt og
tíndu upp rusl. Hverfinu var skipt
upp í 10 svæði sem úthlutað var
til nemendanna. Þegar þeir höfðu
lokið við að tína upp ruslið fóru
þeir með það heim í skóla þar sem
það var vigtað. Alls vó ruslið sem
krakkarnir tíndu 750 kíló. Það er
heldur minna en tínt var upp í
hverfinu í fyrra, þannig að ef til
vill má draga þá ályktun að íbúar
séu farnir að ganga betur um. Að
loknu vel unnu dagsverki sem
unnið var í samvinnu við um-
hverfisdeild bæjarins var hinum
dugmiklu nemum umbunað með
grillveislu.
Umhverfisdagur hjá nemendum Lundarskóla
Morgunblaðið/Kristján
Stelpurnar í Lundarskóla fylgjast grannt með vigtun á öllu ruslinu.
Tíndu 750 kíló af
rusli í hverfinu
Morgunblaðið/Kristján
Yngstu nemendur Lundarskóla
sáu um hreinsun á skólalóðinni og
þessir ungu menn voru bara nokk-
uð ánægðir með dagsverkið.
SAMKVÆMT skoðanakönnun sem
Gallup gerði um störf bæjarstjórnar
Akureyrar eru 42% bæjarbúa ánægð
með störf hennar en rúmlega fjórð-
ungur bæjarbúa óánægður með störf
hennar.
Í könnuninni sem fram fór í gegn-
um síma í mars og apríl sl. var fólk
spurt hversu ánægt eða óánægt það
væri með störf bæjarstjórnar. Í end-
anlegu úrtaki voru 828 manns á Ak-
ureyri á aldrinum 16–75 ára, fjöldi
svarenda var 610 og svarhlutfall
73,7%.
Af þeim sem tóku afstöðu voru
7,8% mjög ánægð með störf bæjar-
stjórnar, 34,2% frekar ánægð, eða
samtals 42%. Bæði og eða í meðallagi
voru 32,3%, frekar óánægð voru
18,1% og mjög óánægð 7,6%, eða
samtals 25,7%. Þeir sem neituðu að
svara voru 141 og ekki náðist í 77
manns.
Tæplega 60% ánægð
með bæjarstjórann
Einnig var í könnun Gallup kann-
að viðhorf fólks til starfa bæjarstjór-
ans á Akureyri og var svarhlutall það
sama og fram kemur hér að ofan. Af
þeim sem tóku afstöðu voru 57% að-
spurðra ánægð með störf bæjar-
stjóra, 21,5% mjög ánægð og 35,6%
frekar ánægð. Bæði og eða í meðal-
lagi voru 21,7 %. Frekar óánægð
með störf bæjarstjóra voru 12,4% og
8,9% mjög óánægð eða samtals
21,3%.
Viðhorf til starfa bæjarstjórnar
Akureyrar kannað
42% bæjarbúa
ánægð með störf
bæjarstjórnar