Morgunblaðið - 31.05.2001, Blaðsíða 45

UMRÆÐAN
MORGUNBLAÐIÐ FIMMTUDAGUR 31. MAÍ 2001 45
Upplýsingar um inntökuskilyrði á einstökum brautum eru á heimasíðu.
Borgarholtsskóli v/Mosaveg, 112 Reykjavík. Sími 535 1700. Bréfasími 535 1701.
Heimasíða: www.bhs.is
Borgarholtsskóli
framhaldsskóli í Grafarvogi
Innritun nýnema vorið 2001
fer fram í skólanum 5.-8. júní kl. 11-18
Í boði eru eftirtaldar námsbrautir:
Bóknám til stúdentsprófs
Félagsfræðabraut: Áhersla á félags- og hugvísindi. Góður grunnur að
háskólanámi í félags-, uppeldis- og umönnunargreinum.
Náttúrufræðibraut: Áhersla á stærð-, eðlis-, efna- og líffræði. Góður grunnur
að háskólanámi í verkfræði, læknisfræði o.fl. greinum.
Tungumálabraut: Fjögur erlend tungumál í kjarna. Góður grunnur að
háskólanámi í erlendum tungumálum og málvísindum.
Starfsnám
Félagsliðabraut: Fagnám fyrir störf í félagsþjónustu- og
uppeldisstofnunum með áherslu á sálfræði, uppeldi,
umönnun og fatlanir.
Upplýsinga- Fagnám fyrir störf á fjölmiðlum og við upplýsingamiðlun
og fjölmiðlabraut: í stofnunum og fyrirtækjum með áherslu á fjölmiðlatækni
og vefsmíði.
Verslunarbraut: Fagnám fyrir störf í verslun- og viðskiptum með áherslu
á rekstur, fjármál, tölvur og viðskipti.
Iðnám
Bíliðnir: Réttindi til starfa í bíliðngreinum að loknu sveinsprófi og
til náms í meistaraskóla.
Málmiðnir Réttindi til starfa í málmiðnum og pípulögnum að loknu
og pípulagnir: sveinsprófi og til náms í meistaraskóla.
Listnám
Margmiðlunarhönnun: Listir og menning, myndvinnsla og margmiðlunarverk-
stæði. Góður grunnur að námi í listaháskólum.
Almenn námsbraut
Almenn námsb. I og II: Nám fyrir þá sem ekki uppfylla inntökuskilyrði á ofan-
greindar námsbrautir eða eru óákveðnir.
UM ALLLANGT
skeið hefur það þótt
klókt áróðursbragð í
markaðssetningu að
hampa ímynd lands og
þjóðar og um leið hef-
ur þessi ímynd verið
menningarlegt kapps-
mál margra Íslend-
inga. Hún tengist
hreinleika, heilnæmi,
fegurð og ósnortinni
náttúru og er blanda
af veruleika og ósk-
hyggju – andlit út á
við og draumaland
okkar inn á við.
Ímyndin út á við er all-
sterk vegna þess að
vistkerfi landsins, þegar frá er talin
gróður- og jarðvegseyðing, er í
sæmilegu ásigkomulagi. Íslensk
náttúra er ennþá lítt menguð og
það sem meira er um vert, hún
varðveitir ótal gersemar í stærstu
óbyggðum Evrópu. Þar má nefna
Þjórsárver svo og Eyjabakka, sem
ásamt elfum og gljúfrum, eld- og ís-
fjöllum öræfanna eru kjörin í nytja-
banka framtíðar sem óvenjulegasti
þjóðgarður á jarðarhveli.
Jafnvel þótt ímynd landsins sé
meiri í orði en á borði hjá stjórn-
völdum þá breytir það því ekki, að
ríkidæmi íslenskrar náttúru er ein-
stakt í hnignandi lífheimi. Allt sem
lýtur að verndun þessara náttúru-
gæða er inneign í arðvænlegasta
banka framtíðar. Allt sem stuðlar
að eyðileggingu þeirra er gáleysi.
Alvarleg teikn eru á lofti. Efna-
hagsskútan stefnir á grynningar.
Því hafa verkstjórar og efna-
hagsspámenn komist að þeirri nið-
urstöðu, að bjargráðið eina sé að
fórna dýrmætustu auðlindum þjóð-
arinnar; vistkerfum og náttúruger-
semum ásamt ímynd draumalands-
ins fyrir orkuframleiðslu og
stóriðju.
Íslenskir stjórnmálamenn dansa
nú á flughálum ís. Halldór Ásgríms-
son, utanríkisráðherra, fullyrðir að
dapurt verði í íslensku atvinnulífi
komi ekki til stóriðju á Grundar-
tanga og í Reyðarfirði. Álver og
stórtækar náttúrufórnir eru einu
úrræði þessa mikla foringja fram-
sóknarmanna, sem um
nærri 20 ára skeið hef-
ur verið einn valda-
mesti maður landsins.
Með öðrum orðum er
formúla Halldórs sú að
fórna NÁTTÚRU-
AUÐLIND í hvert
sinn sem illa tekst til
við stjórn efnahags-
mála. Hér skortir ekki
úrræðaleysið! „Hvað
er þá orðið okkart
starf í sex hundruð
sumur?“ Álbræðslur
knýja dyra. Norðurál
og Norsk Hydro bíða
eftir því að Íslending-
ar láti auðlindir sínar í
té í formi niðurgreiddra kílóvattast-
unda og án skaðabóta fyrir hrikaleg
landspjöll. Fórnirnar eru ekki að-
eins okkar megin. Námuvinnsla
hráefnisins til álvinnslu hefur einn-
ig valdið hatrömmum deilum við
frumbyggja Ástralíu og Norsk
Hydro situr í daunillri súpu í Orissa
á Indlandi. (Sjá: www.Or-
issa+bauxite). Slóð álframleiðslu er
stráð náttúrufórnum, jafnvel mann-
fórnum eins og í Orissa. Að auki er
álframleiðslan afar mengandi.
Hvernig getur það þá gerst í um-
boði ríkisstjórnar, sem nýlega hefur
hlotið lof í lófa fyrir umhverfisvit-
und sína gagnvart Móður Jörð frá
félaga Gorbatsjof (eða voru verð-
launin kannski þakkir fyrir Keikó?),
að stefnt sé að mestu óhæfuverkum
á náttúru Íslands sem um getur?
Því get ég ekki svarað en tvennt
ber hæst: Stífla við Norðlingaöldu í
jaðri Þjórsárvera og Kárahnjúka-
virkjun. Hervirkin myndu eyði-
leggja svipmót hálendisins og
ímynd Íslands í einum rykk. Ein og
sér dugar Kárahnjúkavirkjun til að
valda mestu náttúrspjöllum í Vest-
ur-Evrópu fyrr og síðar. Leita þarf
til gömlu Sovétríkjanna og Kína til
að finna áþekk dæmi. Vistfræðileg
áhrif framkvæmdarinnar munu ná
yfir 3000 ferkílómetra. Áhrifasvæð-
ið nær frá jökli og út í sjó og lengd
þess er álíka og endilangt Snæfells-
nes inn í Hvammsfjarðarbotn og
austur undir Tröllakirkju. Annar
samanburður er til dæmis frá
Reykjanestá að Reykjavík þaðan í
austur að Þjórsárdal og Hlíðarenda
í Fljótshlíð eða mest allt undirlendi
Suðurlands. Fyrirhugað er að rugla
lífæðar landsins, vatnafarið. Kára-
hnjúkavirkjun er atlaga að íslensku
þjóðinni. Engin rök duga sem af-
sökun til að eyðileggja náttúruauð-
lind þjóðar fremur en að menn rústi
velferð fólks með fantaskap. Engar
efnahagsforsendur réttlæta sið-
blinduna, sem felst í því að spilla
framtíð þjóðar. Og enginn Davíð,
enginn Halldór, enginn Friðrik hef-
ur minnsta rétt til að hvetja til
slíkrar atlögu.
Áform Landsvirkjunar um nýtt
miðlunarlón í Þjórsárverum er líka
til marks um hömlulausa innrás
Landsvirkjunar inn á hálendið.
Kvíslaveita Landsvirkjunar hefur
nú þegar rænt miklu vatni frá
Þjórsárverum og uppblástur hafinn
í friðlýstu landi. Verin eru einnig á
Ramsarskrá yfir votlendi - álitin
náttúrugersemi jarðarbúa. Í húfi
eru ekki aðeins Þjórsárver. Neðar í
Þjórsá eru nokkrir fegurstu fossar
landsins sem myndu þurrkast upp.
Þeirra á meðal er Dynkur. Allt
þetta vita vaskir Gnúpverjar sem
með skýrum hætti hafna aftur
áformum yfirvalda; fyrst árið 1972
og nú aftur í maí 2001. Forstjóri
Landsvirkjunar, Friðrik Sophus-
son, lagði áherslu á það í frétta-
þættinum Speglinum á dögunum að
ávallt hefði verið gert ráð fyrir lóni
í Þjórsárverum. Þetta er ekki rétt.
Aldrei hefur verið gert ráð fyrir
uppistöðulóni sem skaða myndi
verndargildi Þjórsárvera. Í sama
viðtali lýsti hann því yfir að lón við
Norðlingaöldu myndi VERJA
Þjórsárver! Er Friðrik á grímu-
dansleik eða veit hann ekkert um
skaðsemi uppistöðulóna? Hefur
hann ekki kynnt sér niðurstöður
vísindamanna um áhrif miðlunar-
framkvæmda á verin? Friðrik hefur
einnig fullyrt að Norðlingaöldulón
væri forsenda að stækkun Norður-
áls. Allir vita að það er ósatt. Allir
sem til þekkja vita líka að Lands-
virkjun er ekki hægt að treysta –
samanber samkomulagið um Þjórs-
árver og friðun þeirra, samanber
stífluna í Laxá í Laxárdal og friðun
Laxár, samanber friðun Kringilsár-
rana, samanber fullyrðingar for-
stjórans; engir samningar halda,
ekkert er heilagt.
Við Íslendingar viljum betri
framtíð og miklu betra samneyti við
landið okkar en að það sé misnotað
í valdatafli ráðamanna. Þjóðin á líka
heimtingu á upplýstum stjórnmála-
og embættismönnum sem bera
sæmilegt skynbragð á lýðræðislega
stjórnarhætti. Auðlindir Íslands
mega aldrei framar vera skiptimynt
þeirra við auðhringa og stóriðjur og
þó svo að ímynd landsins sé að
nokkru leyti draumur, þá má hann
ekki umhverfast í martröð.
Ég skora á alla, unga sem aldna,
að taka höndum saman og koma í
veg fyrir sóun náttúruauðlinda og
glæfraspil með almannafé. Munið
að stjórnmálamenn eiga hvorki
landið né lífeyrissjóðina. Baráttu-
hópar og náttúruverndarsamtök
sem vernda vilja landið munu miðla
upplýsingum á heimasíðum sínum.
Sendið inn athugasemdir til Skipu-
lagsstofnunar fyrir 15. júní. Stönd-
um saman og vinnum þessa örlaga-
ríku lotu.
Að umturna ímynd
Guðmundur Páll
Ólafsson
Náttúruvernd
Ein og sér dugar Kára-
hnjúkavirkjun, segir
Guðmundur Páll Ólafs-
son, til að valda mestu
náttúruspjöllum í Vest-
ur-Evrópu fyrr og síðar.
Höfundur er náttúrufræðingur og
rithöfundur.
Félag eldri borgara í Kópavogi
Þriðjudaginn 22. maí mættu 25
pör og var að venju spilaður Michell
tvímenningur. Lokastaða efstu para
í N/S varð þessi:
Ásthildur Sigurgíslad. - Lárus Arnórss. 378
Eysteinn Einarss. - Kristján Ólafsson 361
Magnús Oddsson - Guðjón Kristjánss. 344
Hæsta skor í A/V:
Anna Lúðvíksd. - Kolbrún Ólafsd. 367
Einar Guðnason - Ragnar Björnss. 364
Hannes Ingibergss. - Magnús Halldórss. 363
Á föstudaginn var mættu 23 pör
og þá urðu úrslit þessi:
Þórarinn Árnason - Ólafur Ingvarss. 240
Hannes Ingibergss. - Magnús Halldórss. 239
Sigrún Pétursd. - Alfreð Kristjánss. 235
Hæsta skor í A/V:
Páll Hannesson - Kári Sigurjónss. 255
Bragi Björnsson - Auðunn Guðmundss. 251
Albert Þorsteinss. - Sæmundur Björnss. 245
Meðalskor á þriðjudag var 312 en
216 á föstudag.
BRIDS
U m s j ó n A r n ó r G .
R a g n a r s s o n
Frá landsliðsnefnd kvenna
Breytingar hafa verið gerðar á
spilakvöldum landsliðsnefndar
kvenna. Spilakvöldi sem vera átti
fimmtudagskvöldið 31.5. verður
frestað til miðvikudags 27. júní.
Sökum húsnæðisbreytinga hjá
Bridssambandinu þarf að flytja
a.m.k. næstu spilakvöld landsliðs-
nefndar kvenna á miðvikudaga. Því
verður næsta spilakvöld 27.6. og
flytjast spilakvöldin á miðvikudaga
og verða í Skeifunni 11 síðasta mið-
vikudagskvöld mánuðina júní til
ágúst.
Á spilakvöldum sumarsins eru
þekktir spilarar fengnir til að halda
stutt erindi. Fyrirlesari næsta spila-
kvöld, á miðvikudeginum 27.6., verð-
ur Ragnar Hermannsson en hann er
eins og kunnugt er, einn þeirra sem
hampað hafa heimsmeistaratitli í
brids.
Gullsmárabrids
Eldri borgarar spiluðu tvímenn-
ing í Gullsmára 13 mánudaginn 28.
maí. Miðlungur 126. Efst vóru:
NS
Helga Helgad. – Þórhildur Magnúsd. 145
Leó Guðbrandss. – Aðalst. Guðbrandss. 138
Karl Gunnarss. – Ernst Backman 137
AV
Halldór Kristinss. – Sig. Kristjánss. 137
Kristján Guðmundss. – Sig. Jóhannss. 133
Kristj. Halldórsd. – Eggert Kristinss. 131
Síðasti spiladagur fimmtudaginn
31. maí. Mæting kl. 12.45. Sumar-
kaffi!
strets-
gallabuxur
v/Nesveg Seltjarnarnesi, sími 561 1680
iðunn
tískuverslun