Morgunblaðið - 31.05.2001, Blaðsíða 16

HÖFUÐBORGARSVÆÐIÐ
16 FIMMTUDAGUR 31. MAÍ 2001 MORGUNBLAÐIÐ
HREPPSNEFND Bessa-
staðahrepps hefur ákveðið að
efna til skoðanakönnunar
meðal allra kosningabærra
íbúa hreppsins þar sem leitað
verður álits þeirra á því hvort
skipa eigi formlega samstarfs-
nefnd til þess að vinna að at-
hugun á sameiningu Bessa-
staðahrepps og Garðabæjar.
Ekki er leitað eftir áliti
hreppsbúa á því hvort þeir vilji
sameina sveitarfélögin heldur
hvort þeir vilji að unnið verði
að formlegri athugun málsins
og þá í kjölfarið fá að kjósa um
sameiningartillögu síðar.
Að sögn Gunnars Vals
Gíslasonar, sveitarstjóra í
Bessastaðahreppi, hefur um-
ræðan um sameiningu hrepps-
ins við önnur sveitarfélög á
höfuðborgarsvæðinu staðið yf-
ir frá því í apríl í fyrra. „Við
tókum þann pól í hæðina að
kanna hug sveitarstjórnar-
manna í öllum sveitarfélögun-
um á höfuðborgarsvæðinu og í
Vatnsleysustrandarhreppi til
að byrja með. Svo minnkuðum
við hópinn niður í suðursvæði
höfuðborgarsvæðisins til að
ræða málin nánar þar og eftir
þær viðræður þá sýnist okkur
þetta vera það sem eftir standi
gagnvart okkur,“ segir hann.
Það voru þó fleiri sveitar-
félög sem sýndu áhuga á sam-
einingu við hreppinn því hugur
bæjaryfirvalda í Hafnarfirði
hneigðist til sameiningar með
Bessastaðahreppi og Garðabæ
að því er segir í kynningar-
bæklingi um skoðanakönn-
unina sem nýlega var dreift í
öll hús í hreppnum. Yfirvöld í
Garðabæ höfðu hins vegar
áhuga á sameiningu með
Bessastaðahreppi einum og
því er það sú sameining sem er
uppi á borðinu að þessu sinni.
Könnunin ekki bindandi
Gunnar segir það stórt
skref að fara út í formlegar
viðræður um sameiningu við
annað sveitarfélag. Því hafi
hreppsnefnd viljað vita hvaða
hljómgrunn slíkar viðræður
hefðu meðal íbúa hreppsins
áður en farið yrði út í þær með
því að efna til könnunarinnar.
Í fyrrnefndum bæklingi er að
sögn Gunnars ætlað að segja
fólki hvað þessi skoðanakönn-
un þýðir.
„Við erum með þessum litla
bæklingi að reyna að útskýra
fyrir fólki hverju það er að
svara með því að svara já eða
nei. Ef það svarar spurning-
unni nei er það að segja að það
vilji ekkert af sameiningar-
málum vita. En ef það svarar
já er það í rauninni ekki að játa
því að sameinast Garðabæ
heldur er það að segja að það
vilji láta skoða þennan valkost
og síðan vilji það fá að kjósa
um hann.“
Hann segir hreppsnefnd
leggja áherslu á að niðurstöð-
ur könnunarinnar séu ekki
bindandi. „Menn eru að afla
sér álits íbúanna til að hafa það
fyrir sér þegar áframhaldandi
ákvarðanir verða teknar.
Áframhaldið ræðst af því hver
niðurstaða könnunarinnar
verður en það er ekkert sem
segir að ef 51% segi já þá verði
haldið áfram eða eitthvað slíkt.
Hreppsnefndin metur alveg
opið eftir könnunina hvert
framhaldið verður.“
Gunnar minnir á að árið
1993 þegar síðast var kosið um
sameiningu sveitarfélaga hér-
lendis var kosið í nóvember
1993 á landsvísu og síðan hafi
sveitarstjórnarkosningar ver-
ið í maí árið eftir. „Næstu
sveitarstjórnarkosningar eru í
maí árið 2002 þannig að þess
vegna væri hægt að stilla
þessu upp á sama hátt og var
gert árin 1993 og 1994.“
En hvað mælir þá helst með
sameiningu þessara sveitar-
félaga?
„Það eru skipulagsmál,“
segir Gunnar. „Það skiptir
máli skipulagslega hvort það
er verið að skipuleggja tvö að-
liggjandi sveitarfélög hvort í
sínu lagi eða hvort það er verið
að skipuleggja þau sem eitt
sveitarfélag. Þá á ég ekki bara
við teikningar og skipulags-
kort heldur á þetta við um öll
mál eins og skipulagningu á
stjórnun og félagsþjónustunni,
skólaþjónustunni og öllu
mögulegu. Og ef menn færu út
í það að búa til sameiningartil-
lögu verða fjármálin skoðuð og
þá skyldi fólk ætla að það
mætti nýta skattfé betur. Það
eru þessi tvö atriði sérstaklega
sem ég myndi nefna til sem
væri forvitnilegt að skoða.“
„Áleitnar spurningar“
Aðspurður um mótrökin
segir Gunnar að hugsanlega
finnist fólki þjónustan færast
fjær sér. „Eins er hugsanlegt
að því finnist það missa eitt-
hvað af sjálfstæði sínu. Þetta
eru allt spurningar sem eru
áleitnar en þær skýrast ekkert
nema málin verði rædd á milli
sveitarfélaga.“
Gallup mun annast könn-
unina sem fer þannig fram að í
vikunni 6.-12. júní verður
hringt í alla kosningabæra
íbúa hreppsins, sem eru tæp-
lega 1.000 talsins, og þeir
spurðir að því hvort þeir vilji
að hreppsnefnd láti vinna
formlega að athugun á sam-
einingunni. Í kvöld er kynn-
ingarfundur vegna skoðana-
könnunarinnar og verður
hann haldinn í hátíðarsal
íþróttamiðstöðvar Bessastaða-
hrepps kl. 20.30.
Skoðanakönnun meðal íbúa um sameiningu sveitarfélaga
Vilji til sameiningar-
viðræðna kannaður
Bessastaðahreppur
),$

-!

&
,  

. , /(
0


1
)$ /!
  ,

),  

2 
& )$ /1
!"
)1
0



2 
&
HAFLIÐI Gunnar Guð-
laugsson og Brynja Björk
Gunnarsdóttir stóðu úti á
bryggjunni sem gengur út í
Reynisvatn og voru gjör-
samlega niðursokkin í veiði-
skapinn þegar blaðamaður
gerðist svo djarfur að trufla
þau og spyrja um gang
mála. „Við erum nýbúin að
missa einn, en það er allt í
lagi; þetta var bara tittur,“
sögðu þau. Aðspurð hvort
þau kæmu oft upp að Reyn-
isvatni til að veiða kváðust
þau vera búin að koma oft
upp á síðkastið – þetta væri
fimmta skiptið í mánuðinum.
En þau sögðust hins vegar
aldrei hafa komið í fyrra.
En hvers vegna Reynis-
vatn?
„Einfaldlega vegna þess
að hér er svo góð veiðivon.
Við fengum níu silunga á
einum klukkutíma síðast
þegar við vorum hérna.“ Að
sögn þeirra voru þetta allt
regnbogasilungar. En lax
áttu þau enn eftir að krækja
í. Fiskana höfðu þau nánast
alla veitt af þessari bryggju.
Hafliði og Brynja egndu
með svörtum Toby-spónum.
Þau höfðu samt prófað
maðk einhverju sinni, en það
gekk víst treglega. „En það
var hins vegar strákur með
rækju hérna um daginn og
það gekk mjög vel hjá hon-
um,“ sögðu þau.
Þau eru þarna efra á ýms-
um tímum sólarhrings. „Af
því að við erum í skóla höf-
um við jafnvel getað komið
hingað upp úr hádegi, eða
um miðjan dag, en við höf-
um bara tvisvar verið hér að
kvöldlagi. Einhverju sinni
vorum við að í sex klukku-
stundir, frá þrjú til níu.“
Þau segjast rétt vera að
byrja í veiðimennskunni.
„En við erum komin með
veiðidelluna og illa smituð.
Þetta er svo hrikalega gam-
an,“ sögðu þau að lokum og
héldu svo áfram að renna
fyrir laxfiskana í vatninu og
létu kuldann ekkert á sig fá.
Með veiðidelluna
Morgunblaðið/Sigurður Ægisson
Hafliði og Brynja fara oft til veiða í Reynisvatni.
ÞJÓNUSTUMIÐSTÖÐ og
baðhús við ylströndina í
Nauthólsvík er óðum að taka
á sig skýrari mynd og er á
áætlun að það verði opnað
17. júní. Að sögn Ómars
Skarphéðinssonar forstöðu-
manns hjá Íþrótta- og tóm-
stundaráði Reykjavíkur er
þó hugsanlegt að opnun
frestist eitthvað takist ekki
að ljúka framkvæmdum fyr-
ir þann tíma.
Húsið á að þjóna gestum á
ylströndinni og á svæðinu í
kring.
Byggingin er um 530 fer-
metrar og verður í henni
bað- og búningsaðstaða, sal-
ernis- og hreinlætisaðstaða,
upplýsingamiðlun, eimbað
og heitur pottur á verönd
fyrir framan húsið.
Stefnt er að því að í fram-
tíðinni verði vaktturn við
enda hlaðna varnargarðsins
sem afmarkar ylströndina
en Ómar segir það þó ekki á
framkvæmdaráætlun að
þessu sinni. Kostnaður við
bygginguna með lóðinni og
lögnum sem tengjast yl-
ströndinni er 145 milljónir
króna en sú tala er fyrir ut-
an búnað fyrir húsið. Hönn-
un hennar var í höndum
Arkibúllunnar ehf. en verk-
taki er Völundarverk ehf.
Morgunblaðið/Árni Sæberg
Stefnt að opnun 17. júní
Nauthólsvík
REYNISVATN hefur
löngum verið paradís þeirra
sem áhuga hafa á laxfiska-
veiði og þar hefur verið opið
allan ársins hring allt frá opn-
un staðarins, 1993. Á veturna
leggja menn stund á dorg-
veiði, en þegar vora tekur og
ís bráðnar af
vatninu hefj-
ast nýjar
veiðiaðferðir,
ýmist af landi,
úr fjöruborði
eða úr bát.
Morgun-
blaðið leit
þangað upp-
eftir í vikunni,
og spurði
Hennýju Ósk
Gunnarsdótt-
ur, starfs-
mann þar, nánar út í hvað
Reynisvatn hefði upp á að
bjóða.
„Hér kennir ýmissa grasa,“
sagði hún. „Hér eru t.d. hest-
ar, sem unnt er að teyma und-
ir börn, og hér er kálfur, sem
vekur alltaf athygli þeirra
yngri, og svo erum við með
kanínur og á sumrin einnig
lömb, auk þess sem staðurinn
er þekktastur fyrir nú um
stundir; fiskveiðina.“
Að sögn Hennýjar er um-
ferðin þangað uppeftir helst
seinnipart dags og á kvöldin
og þó allra mest um helgar,
og þar er að stærstum hluta
um að ræða fjölskyldufólk.
„En einnig kemur mikið af
hópum sem eru þá búnir að
panta fyrirfram og eru hér
með grill eða veislur af öðrum
toga og nýta sér aðstöðuna til
ýmissa hluta, annaðhvort í
stóra tjaldinu eða hér innan
dyra.“
Hægt er að leigja veiði-
stangir og fá keypta spóna og
annað nauðsynlegt til veiðinn-
ar. Hvað beitu snertir er
maðkurinn í fyrsta sæti en af
spónum er Toby langvinsæl-
astur, ýmist silfurlitaður eða
þá svartur. Þá hefur rækjan
gengið vel það
sem af er vor-
inu og sumr-
inu.
En hvað
skyldi veiðin
kosta?
„Við seljum
veiðileyfið á
3.500 krónur,
og inn í því
felst að hirða
má 5 fiska yfir
einu pundi;
allir undir
þeirri stærð eru ókeypis, en
umframfiskur kostar annars
500 krónur. Þetta leyfi gildir
almanaksárið og öll fjölskyld-
an má veiða á sama kort,
þ.e.a.s. foreldrar og börn
þeirra innan 16 ára aldurs.“
Henný sagði að fiski væri
sleppt í Reynisvatn vikulega.
Undanfarið hafi eingöngu
regnbogasilungur verið sett-
ur þangað, en nú fari að koma
að bleikju og laxi. Síðastliðinn
fimmtudag hafi t.d. 2.000 fisk-
um verið sleppt í vatnið. Þeir
koma allir úr Laxalóni. Í sum-
ar er ráðgert að sleppa u.þ.b.
16.000 bleikjum, 10.000 regn-
bogasilungum og 1.000 löxum.
Ekki er búið að taka saman
aflatölur fyrir allt árið 2000,
einungis fyrstu 8 mánuðina,
en ljóst er að frá 1993 hafa
komið á land ríflega 100.000
fiskar úr Reynisvatni.
Fiskað
jafnt sumar
sem vetur
Henný Ósk Gunnarsdóttir
Reynisvatn