Morgunblaðið - 31.05.2001, Blaðsíða 34

LISTIR
34 FIMMTUDAGUR 31. MAÍ 2001 MORGUNBLAÐIÐ
MÓSAÍK var á síðrómverska
skeiðinu eitt algengasta myndgerð-
arformið, og skákaði næstum vegg-
málverkinu út af kortinu. Rómverj-
ar höfðu lengi sýnt af sér ótrúlega
takta á þessu sviði eins og vegg-
myndin af Alexander mikla og Dar-
íusi Persakonungi í „Orrustunni við
Issos“ sannar, en sú mósaíkmynd
var væntanlega rómversk-hellenísk
útgáfa af grísku málverki frá fjórðu
öld fyrir Krist.
Í frumkristinni og frum-býs-
anskri list fimmtu og sjöttu aldar
náði mósaíkmyndgerð slíku flugi að
veggmálverkið hvarf um tíma.
Kirkjurnar í Ravenna á Norðaust-
ur-Ítalíu bera enn vott um þetta
mikla mósaíkflug sem flestir ætla
að hafi komið til vegna þess að
kristnum mönnum þótti mósaík
óefniskenndari miðill – og þar með
guðdómlegri – en freskó- og vegg-
málunartækni Hellena og Róm-
verja.
Það er á þessum býsanska grunni
sem Kjuregei Argunova byggir eig-
in mósaíkmyndgerð og kennslu sína
í notkun miðilsins. Kjuregei, sem
upphaflega kemur frá Jakútíu í Sí-
beríu en hefur búið á Íslandi í rúma
þrjá áratugi, lærði mósaíkgerð í
Barcelona á árunum 1993 til 1994.
Á sýningunni hjá Ófeigi eru sex
verk eftir Kjuregei og bera þau
vott um ágætistök hennar á mósa-
íkmiðlinum sem hún hefur ekki lagt
stund á nema í sjö ár. Verk hennar
bera með sér nálægðina við hinn
býsanska uppruna íkonagerðarinn-
ar, enda eru verk Kjuregei helgi-
myndir þótt staðsetning efnisins sé
heimfærð upp á íslenskt landslag
með Esjuna sem miðju heimsins.
Eitt besta verk hennar er þó
„Stóllinn og borðið“ úti í garði bak-
við listhúsið. Hvort tveggja er inn-
lagt mósaíkbrotum og býður gesti
velkomna til hvíldar og íhugunar að
baki sýningunni. „Grískt-íslenskt
borð“ Fannýjar Jónmundsdóttur er
sömuleiðis eftirtektarverð tilraun til
að nýta mósaíkmiðilinn í tengslum
við húsgagnagerð. Af öðrum nem-
endum Kjuregei er Elín Gísladóttir
hvað atkvæðamest, með hátt í tíu
verk, en mörg þeirra benda til
grísk-rómverskra áhrifa þótt víða
megi einnig sjá nútímalegan húmor
í myndum hennar.
En þá eru ótalin ógrynni annarra
verka, enda eru sýnendur um tugur
talsins og verkin ekki færri en
fjörutíu. Öll eru þau til vitnis um
ágæti þessara listkvenna og ágæta
hæfileika þeirra í mósaíkgerð.
Hvort sem um nytjahluti er að
ræða, helgimyndir eða annars kon-
ar verk má slá því föstu að mósaík
sé miðill sem henti ágætlega þeim
sem vilja endurnýja og endurnýta
gömul húsgögn svo sem borð eða
stóla. Það sanna Kjuregei og nem-
endur hennar með sýningunni í
Listhúsi Ófeigs.
MÓSAÍK
L i s t h ú s Ó f e i g s ,
S k ó l a v ö r ð u s t í g
Til 6. júní. Opið virka daga frá kl.
10–18, en laugardaga frá kl. 11–16.
MÓSAÍKMYNDIR &
MUNIR
KJUREGEI ARGUNOVA
& NEMENDUR
Halldór Björn Runólfsson
Helgimyndir
Stóll og borð í bakgarði Listhúss Ófeigs, eftir Kjuregei Argunovu.
Morgunblaðið/Halldór B. Runólfsson
ÚT er komnar
hjá hinu virta
þýska forlagi
Bastei-Lübbe
bækur Jóns Kal-
mans Stefánsson-
ar Skurðir í Rign-
ingu og Sumarið
bak við brekkuna
í þýðingu Lutz
Wenzig. Þjóð-
verjarnir velja þá
leið að gefa bækurnar út saman í
einni bók undir heitinu Der Sommer
hinter dem Hügel. Báðar bækurnar
hafa sama sögusvið, íslenska sveit í
byrjun áttunda áratugarins. Ungur
drengur kemur úr borginni og fylg-
ist með athafnasemi og ævintýrum
stórhuga bænda.
Skurðir í rigningu kom út árið
1996 og fékk lofsamlegar viðtökur og
var meðal annars tilnefnd til Menn-
ingarverðlauna DV sama ár. Bókin
Sumarið bak við brekkuna kom út
árið eftir og var hún á síðasta ári til-
nefnd til Bókmenntaverðlauna
Norðurlandaráðs.
Bækur Jóns
Kalmans
komnar út í
Þýskalandi
Jón Kalman
Stefánsson
BÍÓBLAÐIÐ er nýtt tímarit um
kvikmyndir og kemur fyrsta tölublað-
ið út í dag, fimmtudag.
Upplag blaðsins er 65.000 eintök og
verður því dreift mánaðarlega inn á
öll heimili á höfuðborgarsvæðinu,
neytendum að kostnaðarlausu. Blaðið
er unnið í samvinnu við Háskólabíó og
Sam-bíóin og er þar m.a. fjallað um
allar kvikmyndir sem frumsýndar eru
í bíóhúsum þessara fyrirtækja.
Bíóblaðið nýtur liðsinnis fjölda rit-
færra kvenna og karla á öllum aldri
og úr öllum starfsstéttum, segir Jó-
hanna Vigdís Guðmundsdóttir rit-
stjóri. „Helsta markmið ritstjórnar er
að skapa fjölbreytt blað, sem höfðað
getur til allra áhugamanna um kvik-
myndir. Mikil aðsókn Íslendinga í bíó
sannar að kvikmyndir eru stærsta
áhugamál þjóðarinnar, þótt hlutfalls-
lega sé tiltölulega lítið fjallað um fyr-
irbærið í miðlafári nútímans. Vin-
sældir kvikmyndarinnar spretta af
þeirri einföldu staðreynd að flestir
geta sótt sér skemmtun í heim henn-
ar. Bíóblaðinu er ætlað að velta upp
spurningum en þó fyrst og fremst að
skemmta lesendum, því ánægja er
lykillinn að leyndardómi kvik-
myndanna.“
Meðal greinahöfunda í Bíóblaðinu
eru bókmenntafræðingar, blaða-
menn, kvikmyndafræðingar, verslun-
armenn, hjúkrunarfræðingur, af-
greiðslufólk og bíóstarfsmenn.
Tímarit um
kvikmyndir
♦ ♦ ♦
♦ ♦ ♦