Morgunblaðið - 07.06.2001, Page 18

AKUREYRI
18 FIMMTUDAGUR 7. JÚNÍ 2001 MORGUNBLAÐIÐ
LÁRUS H. List opnar mál-
verkasýningu í nýendurbætt-
um og glæsilegum sal Ketil-
hússins í Listagilinu á
Akureyri, laugardaginn 9. júní
kl. 16.30.
Lárus hefur haldið fjölmarg-
ar einka- og samsýningar en að
þessu sinni sýnir hann 22 ný ol-
íumálverk sem máluð voru á
síðasta ári. Sýningin er opin
alla daga frá kl. 14-18 og stend-
ur til 18. júní.
Engin boðskort hafa verið
send út en allir eru velkomnir á
opnun sýningarinnar eða síðar.
Málverka-
sýning
Lárusar List
SKÍÐALANDSLIÐIÐ í alpagreinum var við
æfingar í Hlíðarfjalli og á Akureyri um hvíta-
sunnuhelgina. Alls tóku 17 skíðamenn, úr
unglingaliði, FIS-liði og Evrópubikarliði
Skíðasambands Íslands, þátt í æfingunni.
Þetta var jafnramt stærsta æfing sem haldin
hefur verið hérlendis á þessum árstíma í 10
ár.
Að sögn Guðmundar Jakobssonar for-
manns alpagreinanefndar SKÍ hófst und-
irbúningur fyrir næsta keppnistímabil með
þessum æfingum um helgina. Ekki gátu þó
allir landsliðsmenn okkar tekið þátt í æfing-
unni, þar sem rúmlega 10 þeirra eru enn
staddir erlendis. Guðmundur sagði að að-
stæður til skíðaiðkunar í Hlíðarfjalli hefðu
verið með besta móti, eða eins og á góðum
vetrardegi. Skíðabrekkan í Strýtu var söltuð
og rennslið því eins og best verður á kosið.
Ólympíuár framundan
Undir það tók Dagný Linda Kristjáns-
dóttir, ein fremsta skíðakona landsins, sem
tók þátt í æfingunni. „Það er alveg ótrúlegt
að hér skuli enn vera skíðafæri. Ég hef aldrei
fyrr æft á þessum árstíma í Hlíðarfjalli en
þetta er alveg magnað enda aðstæður mjög
góðar.“
Dagný Linda hefur æft mikið erlendis og
hún sagðist gera ráð fyrir að halda til Ástr-
alíu í byrjun ágúst og æfa með ástralska
skíðalandsliðinu líkt og hún gerði sl. vetur.
Hún mun dvelja í Ástralíu í um tvo mánuði en
æfa svo með hópnum í Evrópu næsta vetur.
Það verður mikið um að vera hjá Skíða-
sambandinu og einstökum félögum á næstu
vikum og mánuðum, enda ólympíuár fram-
undan. Vetrarólympíuleikarnir fara fram í
Salt Lake City í febrúar á næsta ári og þegar
hafa nokkrir íslenskir skíðamenn náð ólymp-
íulágmarki að sögn Guðmundar. Þeir eru
Kristinn Björnsson, Jóhann F. Haraldsson,
Kristinn Magnússon, Björgvin Björgvinsson,
Dagný Linda Kristjánsdóttir og Emma Furu-
vik. Guðmundur sagði að enn fleiri skíða-
menn ættu möguleika á að ná lágmarkinu en
að þeir þyrftu að spýta í lófana og æfa af
krafti.
Morgunblaðið/Kristján
Skíðalandsliðið í alpagreinum sem var við æfingar í Hlíðarfjalli og víðar á Akureyri um helgina, ásamt þjálfurum sínum.
Skíðalandsliðið við æfingar á Akureyri í byrjun júní
Æft við bestu aðstæð-
ur í Hlíðarfjalli
ÚTGÁFAN Orð dagsins, hefur
gefið út Sjóferðabæn fyrir sjófar-
endur en hún er í stíl við Bílabæn-
ina sem Jón Oddgeir Guðmunds-
son hjá Orði dagsins hefur gefið út
í 28 ár og er til í mörgum bifreið-
um.
Jón Oddgeir sagði að mjög
margar sjómannskonur hafi spurst
fyrir um Sjóferðabæn og að það
hafi hvatt sig til að fara út í slíka
útgáfu. Sigurbjörn Einarsson bisk-
up samdi 10 bænir fyrir Jón Odd-
geir og valdi hann eina þeirra til að
setja á prent en Stíll á Akureyri sá
um hönninina. Hann sagðist jafn-
framt hafa hug á að koma öllum
bænum Sigurbjörns á prent.
Jón Oddgeir rekur Litla húsið á
Akureyri, sem er kirkjuhús með
kristilegan varning. Einnig hefur
hann verið með símsvarann Orð
dagsins í 30 ár. Bílabænin hefur
selst í tugum þúsunda eintaka í
gegnum tíðina en Jón Oddgeir
sagði að salan hafi trúlega aldrei
verið meiri en á síðsta ári, sem var
mikið slysaár í umferðinni. Hann
hefur sett upp auglýsingaskilti á
Moldhaugnahálsi norðan Akureyr-
ar, þar sem minnt er á Bílabænina.
Sjóferðabænin er til í tveimur
stærðum, A-4 broti sem hentar vel
fyrir ramma og svo í minna broti
sem límmiði. Jón Oddgeir sagðist
viss um að Sjóferðabænin fengi
góðar móttökur.
Sjóferðabæn sem útgáfan Orð
dagsins hefur gefið út, með bæn
eftir Sigurbjörn Einarsson.
Sjóferða-
bæn gefin
út fyrir sjó-
farendur
FYRIRTÆKIÐ Raftákn á Akur-
eyri er 25 ára um þessar mundir
en það var stofnað 1. júní 1976. Í
fyrstu voru starfsmenn aðeins
tveir og starfsemin miðaði að því
að veita þjónustu í hönnun og ráð-
gjöf á sviði almennra raflagna í
íbúðar- og þjónustuhúsnæði.
Hjá Raftákni starfa 12 manns í
dag, tæknifræðingar, iðnfræðingar,
tækniteiknarar og skrifstofumaður
og er fyrirtækið orðið eitt af stærri
fyrirtækjum á sínu sviði á landinu.
Þjónustusvæðið hefur raunar verið
allt landið en um helmingur velt-
unnar verður þó til á Akureyri.
Með fjölgun starfsfólks urðu við-
fangsefnin fjölbreyttari og sl. 10 ár
hefur um helmingur starfsmanna
starfað við hönnun og ráðgjöf varð-
andi stjórnkerfi fyrir verksmiðjur,
virkjanir, sundlaugar, skip, veitur
og fleira. Stjórnkerfi þau sem sett
hafa verið upp samanstanda af iðn-
tölvum og skjákerfum. Hinn hluti
starfsmannanna hefur starfað við
hönnun raflagna, lýsingar og loft-
ræstikerfi í ýmsar gerðir nýbygg-
inga svo sem skóla, íþróttahús og
verslunar- og skrifstofuhús af ýms-
um stærðum og gerðum.
Unnið við nær öll
jarðgöng landsins
Þá sá Raftákn um alla hönnun
raflagna í Hvalfjarðargöng, þ.e.
alla þætti er lúta að rafmagni. Fyr-
irtækið sá einnig um hönnun lýs-
ingar og rafkerfa fyrir Múlagöng,
Strákagöng og Vestfjarðagöng. Þá
var undirritaður hönnunarsamn-
ingur við Raftákn um Héðinsfjarð-
argöng og Austfjarðagöng í febrú-
ar sl. Starfsmenn Raftákns hafa
því komið að hönnun rafkerfa í öll-
um göngum sem boruð hafa verið á
Íslandi, nema göngum um Odd-
skarð.
Raftákn hefur fengið viðurkenn-
ingar á Degi ljóssins, sem haldinn
er á vegum Ljóstæknifélags Ís-
lands, þar sem efnt hefur verið til
samkeppni um nýleg lýsingakerfi
sem þykja til fyrirmyndar. Þá
veitti Atvinnumálanefnd Akureyr-
ar fyrirtækinu viðurkenningu 1998
fyrir sérstakt framlag til atvinnu-
lífs og nýsköpunar á Akureyri.
Á síðasta ári hófst samvinna
Raftákns og Verkfræðifyrirtækis-
ins Víkings í Reykjavík um raf-
hönnun í nýbyggingar og ber þar
helst að geta nýbyggingar Ís-
lenskrar erfðagreiningar í Vatns-
mýrinni. Nú hafa eigendur fyrir-
tækjanna ákveðið að skiptast á
hlutabréfum og frá næstu áramót-
um verður Verkfræðifyrirtækið
Víkingur rekið undir nafninu Raf-
tákn Reykjavík. Með þessari ráð-
stöfun verður fyrirtækið sterkara
og betur í stakk búið til að veita
enn betri þjónustu, auk þess að
ráða við stærri verkefni á Reykja-
víkursvæðinu.
Á afmælisdaginn 1. júní sl. skrif-
aði Raftákn svo undir verksamning
við Frystikerfi ehf. í Reykjavík og
mun Raftákn sjá um hönnun bún-
aðar, uppsetningu á rafkerfi og
ýmislegt fleira í Hagkaup í Smá-
ralind. Samningurinn hljóðar upp á
6,5 milljónir króna.
Fyrirtækið Raftákn á Akureyri 25 ára
Morgunblaðið/Kristján
Árni V. Friðriksson, framkvæmdastjóri Raftákns t.v., ræðir við aðaleigendur Verkfræðifyrirtækis Víkings í
Reykjavík, feðgana Jón Otta Sigurðsson og Sigurð Jón Jónsson, í afmælisveislu Raftákns.
Umsvifin aukist gífurlega
og starfsfólki fjölgað mikið
ÞINGMENN Norðurlandskjördæm-
is eystra áttu fund með Vegagerðinni
sl. þriðjudag, þar sem ákveðið var að
ráðast í umfangsmiklar endurbætur á
veginum upp Hlíðarfjall við Akureyri.
Halldór Blöndal forseti Alþingis og
fyrsti þingmaður Norðurlandskjör-
dæmis eystra sagði stefnt að því að
styrkja veginn í sumar en að hann
yrði endurbyggður á næsta ári og
lagður bundnu slitlagi. Halldór sagði
ennfremur að aldrei hefðu fleiri farið í
fjallið en nú í vetur og að vegurinn
þyldi ekki þessa miklu umferð. „Það
er því nauðsynlegt að bregðast skjótt
við.“
Halldór sagði ennfremur að þing-
menn hefðu beint því til Vegagerð-
arinnar að mynda samstarfshóp með
sveitarstjórnarmönnum og Náttúru-
vernd ríkisns til þess að ákveða veg-
stæði Dettifossvegar og þá sérstak-
lega hvort vegurinn verður lagður
vestan eða austan Jökulsár. „Það er
nauðsynlegt að vanda vegstæðið vel
vegna þess að haft er í huga að veg-
urinn nýtist bæði ferðamönnum og
allri almennri umferð.“
Hlíðar-
fjallsvegur
verður end-
urbyggður