Morgunblaðið - 08.07.2001, Side 15

LISTIR
MORGUNBLAÐIÐ SUNNUDAGUR 8. JÚLÍ 2001 15
ENSKI orgelleikarinn Iain Farr-
ington leikur á Sumartónleikum við
orgelið í Hallgrímskirkju kl. 20:00 í
kvöld, sunnudagskvöld.
Iain Farrington er eftirsóttur
organisti og píanóleikari og vinnur
með mörgum þekktum kórum,
stjórnendum og söngvurum. 1996-
99 var hann organisti við kapellu St.
John’s College í Cambridge en þar
stundaði hann tónlistarnám. Hann
spilaði með hinum heimsþekkta
kapellukór í daglegum athöfnum, á
ferðalögum og í upptökum. 1995-6
var hann organisti við kapellu heil-
ags Georgs í Windsorkastala þar
sem hann lék við ýmsar konungleg-
ar athafnir.
Stórkostlegt hljóðfæri
Iain Farrington kom til Íslands á
fimmtudagskvöldið og fór strax að
æfa sig á Klais orgelið í Hallgríms-
kirkju í bítið á föstudaginn. „Þetta
er stórkostlegt hljóðfæri; – alveg
dásamlegt!“, eru fyrstu viðbrögð
organistans að æfingu lokinni. Það
vekur forvitni blaðamanns að á efn-
isskrá tónleika hans á laugardag eru
meðal annars verk eftir George
Gershwin. „Þessi Gershwin-lög, So-
meone to watch over me og I’ll take
a stairway to paradise, eru í raun-
inni spuni eftir Wayne Marshall. Ég
hlustaði á upptöku af spunanum og
skrifaði hann niður nótu fyrir nótu
og þannig er þetta til komið.“
Myndasýning fyrir orgel
Það vekur ekki síður eftirvænt-
ingu að heyra á sunnudagstónleik-
unum hið mikla verk Modests Mús-
sorgskíjs, Myndir á sýningu í
orgelgerð Farringtons. Verkið er
þekkt bæði í útgáfu fyrir píanó og
fyrir hljómsveit, en orgelið er nýr
vettvangur fyrir myndlistarsýningu
Mússorgskíjs. „Útsetning mín
tvinnar saman píanóútgáfu verksins
og þau litbrigði sem hljómsveitarút-
setningin býr yfir. Ég held að þetta
gangi vel upp, sérstaklega á svona
frábært orgel. Það er hægt að skapa
á því ógrynnin öll af hljóðum og
möguleikarnir virðast óendanlegir.“
Önnur verk á Sunnudagskvöldinu
við orgelið eru öll samin fyrir hljóð-
færið: Allegró úr orgelsinfóníu eftir
Widor, Passacaglia úr óperunni
Lafði Macbeth frá Mtsensk eftir
Sjostakovitsj og 24 Lied eftir Louis
Vierne. Auk verka Gershwins á há-
degistónleikunum á laugardag leik-
ur Iain Farrington Fanfare for the
common man og Noktúrnu úr Ro-
deo eftir Aaron Copland, þátt úr
Púlsinella eftir Stravinskíj og Fin-
ale úr Homage to Stravinsky eftir
Naji Hakim.
Nýverið lauk Iain Farrington
námi sem meðleikari á píanó frá
Konunglega tónlistarháskólanum í
Lundúnum.
Hann vinnur reglulega með Sir
Simon Rattle, Lesley Garrett, Sin-
fóníuhljómsveit Lundúna, Lundúna-
fílharmóníunni og Sinfóníuhljóm-
sveit Birminghamborgar.
Morgunblaðið/Billi
Iain Farrington leikur í Hallgrímskirkju um helgina.
Gershwin og Myndir
á sýningu á orgel
Verð frá
kr. 140 þúsund,
4-8 manna.
HEITIR POTTAR
Á GÓÐU VERÐI!
Skeifan 7, sími 525 0800
Munið söfnunarreikninginn
vegna hæstaréttardóms
nr. 286/1999 og kæru til
Mannréttindadómstóls Evrópu
4 4 4 4 4
í SPRON á Skólavörðustíg.