Morgunblaðið - 22.09.2001, Side 13

HÖFUÐBORGARSVÆÐIÐ
MORGUNBLAÐIÐ LAUGARDAGUR 22. SEPTEMBER 2001 13
MÁL lóðareigenda í Suðurhlíð hef-
ur velkst í borgarkerfinu á annað
ár, en þeir vonast til að endanleg
ákvörðun verði tekin á fundi skipu-
lags- og byggingarnefndar borgar-
innar á miðvikudag. Þrír íbúar hafa
gert athugasemdir við framkvæmd-
irnar.
Jón Valur Smárason, annar eig-
enda lóðarinnar, segir að þessi töf
hafi verið eigendum lóðarinnar
þung, en lóðin var keypt haustið
1999. „Það er ekkert grín að vera í
framkvæmdum og liggja með dýra
lóð í tvö ár.“ Hann bætir því við að
nú sé búið að auglýsa deiliskipulag-
ið og aðalskipulagið, sem gerir ráð
fyrir 50 íbúða fjölbýlishúsi á lóðinni
en hún er 1,2 hektarar.
Lóðin, sem er við Fossvogs-
kirkjugarð, var áður í eigu Land-
græðslusjóðs. Arkitektastofan Úti
og inni hefur umsjón með hönnun
byggingarinnar sem Jón Valur seg-
ir að verði fjórar hæðir. „Það missir
enginn útsýni vegna þess að hæð-
armunurinn er það mikill hérna,“
segir Jón Valur og bætir við að
efsta hæðin verði inndregin.
Hlíðarfótur hafði
áhrif á áformin
Jón Valur segir að borgin hafi
beðið um að ekki verði byggt á
4.000 fermetra svæði innan lóðar-
markanna vegna fyrirhugaðra
framkvæmda við Hlíðarfót en svo
kallast göng sem áætlað er að komi
undir Öskjuhlíðina. „Þegar við
kaupum lóðina er búið að blása
Hlíðarfót af í fyrsta skipti í 20 ár og
R-listinn var búinn að samþykkja að
Hlíðarfótur yrði tekinn út af skipu-
laginu. Eftir að við kaupum lóðina
er Hlíðarfótur settur inn í skipulag-
ið aftur sem hafði gríðarleg áhrif á
áform okkar.“
Hann segir að upphaflega hafi átt
að rísa raðhúsabyggð á lóðinni, en
Vegagerðin og borgarverkfræðing-
ur hafi viljað fá meira athafnasvæði
ef hugsanlega kæmi til þess að Hlíð-
arfótur yrði byggður. „Þar af leið-
andi urðum við að færa bygginguna
okkar fjær hugsanlegum fram-
kvæmdum. Nú er svo komið að við
getum byggt þetta hús án þess að
það komi til með að trufla neitt, þótt
hafnar verði framkvæmdir gagn-
vart Hlíðarfæti,“ segir Jón Valur.
Hann segir að gangamunninn og
göngin, sem lögð yrðu í stokk, verði
nokkuð langt fyrir neðan lóðina ef
til kemur.
Íbúar óttast aukna umferð
og að missa útsýni
Þrír íbúar í Suðurhlíðum sendu
inn athugasemd við framkvæmdirn-
ar en frestur til að gera athugasemd
rann út hinn 7. september, eftir að
hann hafði verið framlengdur að ósk
íbúasamtakanna. Þeir íbúar sem
sendu inn athugasemdir hafa
áhyggjur af aukinni umferð í hverf-
inu þar sem götur eru mjög þröng-
ar, einnig að byggingin verði of há-
reist, hún muni skyggja á útsýni
íbúa í Suðurhlíðum og verða til þess
að eignir þeirra lækki í verði.
Beðið eftir ákvörðun um leyfi fyrir
byggingu fjölbýlishúss
Hefur velkst
í borgarkerf-
inu á annað ár
Suðurhlíðar Morgunblaðið/Ásdís
Eigendur lóðarinnar, sem hér sést til vinstri á myndinni, hafa tapað miklum fjármunum á því hvað verkið hefur
tafist í borgarkerfinu. Íbúar í Suðurhlíðum óttast að þeir missi útsýni yfir Fossvoginn.
Hrei
nsum
viðar-, rimla-,
strimla-, plíseruð-
og sólargluggatjöld.
Hlíðarhjalla 26, s. 897 3634.