Morgunblaðið - 02.11.2001, Síða 63

FRÉTTIR
MORGUNBLAÐIÐ FÖSTUDAGUR 2. NÓVEMBER 2001 63
Brautarholti 4
BREAK
Kennarar Ásgeir
og Gummi.
FREESTYLE
Kennari Erla
Haraldsdóttir.
SALSA
Kennarar Erla
Haraldsdóttir og
Edgar Enrique.
6 vikna dansnámskeið hefst
sunnudaginn 4. nóvember
Bjóðum upp á einkatíma
í öllum
samkvæmisdönsum.
Kennarar Heiðar og
Svanhildur.
Innritun í síma 551 3129 kl. 20.00—22.00
Til sölu glæsilegur 62 fm sumarbústaður, byggður 2000, í
landi Vatnsendahlíðar í Skorradal. Í húsinu eru 3 svefnher-
bergi, baðherbergi og samliggjandi eldhús og stofa. 5 fm
gestahús fylgir. U.þ.b. 90 fm verönd umhverfis húsið, að hluta
yfirbyggð. Skógi vaxin lóð. Áhugasömum velkomið að kíkja við
sunnudaginn 4. nóvember nk. frá kl. 13-17.
Fasteignamiðlun Vesturlands — sími 431 4144
Skorradalur
Kringlunni, sími 553 2888
GREGOR
Ný sending af GREGOR
stígvélum og skóm
IVAN Sokolov náði einn foryst-
unni á minningarmótinu um Jóhann
Þóri Jónsson þegar hann sigraði
Jonny Hector nokkuð örugglega í
áttundu umferð móts-
ins. Hann er nú með 6½
vinning og hálfs vinn-
ings forystu á næstu
menn. Íslenskir skák-
áhugamenn biðu með
eftirvæntingu eftir við-
ureign þeirra Hannes-
ar Hlífars og Timmans,
enda var Hannes í efsta
sæti mótsins fyrir um-
ferðina ásamt Sokolov.
Timman hafði svart og
tefldur var spænskur
leikur. Hugsanlega
kom Timman Hannesi
á óvart þegar hann
tefldi afbrigði sem
hann hefur ekki teflt
áður. Að minnsta kosti áttaði Hannes
sig ekki fyrr en of seint á því hversu
hættuleg peðaframrás svarts á
drottningarvæng átti eftir að reyn-
ast. Það var hins vegar stutt í að
peðaflóðið segði til sín og fljótlega
upp úr 20. leik voru áhorfendur farn-
ir að átta sig á því að e.t.v. væri ekki
allt með felldu í herbúðum hvíts. Það
átti líka eftir að koma á daginn eftir
uppskipti þegar upp kom staða þar
sem svartur hafði þrjú peð gegn einu
á drottningarvæng. Timman tefldi
markvisst og hvítur átti enga mögu-
leika á að verjast peðaflóðinu, eða
skapa sér önnur mótfæri. Hannes
gafst því upp í 33. leik þegar ljóst var
að hann gat ekki komið í veg fyrir að
Timman mundi vekja upp drottningu
innan tíðar. Hannes náði því ekki að
fylgja eftir frábærum árangri í
mótinu fram að þessu. Þetta var hans
fyrsta tapskák, og sérstök fyrir það
að hann tapar afar sjaldan með hvítu.
Hann er nú í 4.–7. sæti á mótinu með
5½ vinning, eða vinningi á eftir Sok-
olov. Enn getur ýmislegt gerst, þótt
vissulega verði Sokolov að teljast sig-
urstranglegur, enda búinn að tefla
við flesta sterkustu andstæðingana á
mótinu. Timman er í 2.–3. sæti ásamt
Dananum Peter Heine Nielsen, en
hann hefur vakið athygli á mótinu
fyrir góða taflmennsku og má teljast
óheppinn að hafa ekki fleiri vinninga,
sbr. hina eftirminnilegu skák hans
við Timman.
Helgi Ólafsson hefur nú fengið 2½
vinning í síðustu þremur umferðum
og er orðinn jafn Hannesi að vinn-
ingum. Hann hefur unnið tvær síð-
ustu skákirnar á sannfærandi hátt og
er til alls líklegur í loka-
umferðunum.
Arnar Gunnarsson
sigraði Björn Þorfinns-
son í áttundu umferð og
er kominn með 5 vinn-
inga og er því í humátt á
eftir stórmeisturunum
okkar tveimur. Haldi
Arnar áfram á sömu
braut í síðustu tveimur
umferðunum mun hann
tryggja sér áfanga að
alþjóðlegum meistara-
titli á mótinu. Reyndar
á Ingvar Þór Jóhannes-
son einnig möguleika á
að tryggja sér AM-
áfanga með góðri
frammistöðu í síðustu umferðunum.
Staðan þegar tvær umferðir eru
eftir á mótinu:
1. Ivan Sokolov 6½ v.
2.–3. Jan H Timman, Peter Heine
Nielsen 6 v.
4.–7. Hannes H. Stefánsson, Jaan
Ehlvest, Lars Schandorff, Helgi
Ólafsson 5½ v.
8.–9. Arnar Gunnarsson, Jonny
Hector 5 v.
10.–19. Murray G. Chandler, Hen-
rik Danielsen, Leif Erlend Johann-
essen, Jón Viktor Gunnarsson, Ingv-
ar Þór Jóhannesson, Þröstur Þór-
hallsson, Friðrik Ólafsson, Stefán
Kristjánsson, Bragi Þorfinnsson,
Björn Þorsteinsson 4½ v.
20.–24. Tomi Nyback, Björn Þor-
finnsson, Jón Árni Halldórsson,
Kristján Eðvarðsson, Gylfi Þórhalls-
son 4 v.
o.s.frv.
Teflt er í ráðhúsi Reykjavíkur.
Áhorfendur eru velkomnir. Lokaum-
ferðin, 2. nóvember, hefst klukkan 13
eða töluvert fyrr en aðrar umferðir.
Drengja- og telpnaflokkur
Skákþings Íslands
Keppni í drengja- og telpnaflokki
(fædd 1986 og síðar) verður dagana
3.–4. nóvember. Tefldar verða 9 um-
ferðir eftir Monrad-kerfi og er um-
hugsunartími 30 mínútur á skák fyrir
keppanda. Teflt verður í húsnæði
Taflfélags Reykjavíkur, Faxafeni 12.
Þátttökugjald er 800 kr. Innritun fer
fram á skákstað laugardaginn 3. nóv-
ember kl. 12.30–12.55. Þann dag
verða 1.–5. umferð tefldar, en síðustu
fjórar umferðirnar verða tefldar á
sunnudeginum og hefst taflið þá
klukkan 13.
Bikarkeppni Striksins
Sjöunda mótið í Bikarkeppni
Striksins sem Strik.is, Taflfélagið
Hellir og ICC standa sameiginlega
að á ICC-skákþjóninum fer fram
sunnudaginn 4. nóvember og hefst kl.
20. Góð verðlaun verða í boði Íslands-
síma og Striksins.
Skráning fer þannig fram að menn
mæta á ICC eigi síðar en kl. 19.45 og
slá inn:
tell pear join. Þeir sem ekki tóku
þátt í fyrri mótum þurfa einnig að
senda fullt nafn og kennitölu með
„message“ til Vandradur eða í tölvu-
pósti til gunnibj@simnet.is til að
hægt sé að halda utan um hverjir
taka þátt.
Til aðstoðar á meðan á mótinu
stendur verður Vandradur.
Sokolov einn í
forystu á nýjan leik
SKÁK
R á ð h ú s
R e y k j a v í k u r
MINNINGARMÓT UM
JÓHANN ÞÓRI JÓNSSON
23.10.–1.11. 2001
Daði Örn Jónsson
Áttunda umferð
1 Ivan Sokolov - Jonny Hector 1:0
2 Hannes H. Stefánss. - Jan H. Timman 0:1
3 Peter H. Nielsen - Murray G. Chandler 1:0
4 Jón Viktor Gunnarss. - Jaan Ehlvest ½:½
5 Lars Schandorff - Friðrik Ólafss. 1:0
6 Helgi Ólafss. - Leif Erlend Johannessen 1:0
7 Arnar Gunnarss. - Björn Þorfinnss. 1:0
8 Tomi Nyback - Henrik Danielsen ½:½
9 Tómas Björnss. - Þröstur Þórhallss. 0:1
10 Bragi Þorfinnss. - Magnús Örn Úlfarss. 1:0
11 Páll A. Þórarinss. - Stefán Kristjánss. 0:1
12 Björn Þorsteinss. - Ingvar Ásmundss. 1:0
13 Ingvar Þ. Jóhanness. - Róbert Harðars. 1:0
14 Áskell Ö. Káras. - Guðmundur Gíslas. ½:½
15 Dagur Arngrímss. - Gylfi Þórhallss. 0:1
16 Kristján Eðvarðss. - Sig. P. Steindórss. 1:0
17 Jón Árni Halldórss. - Davíð Kjartanss. 1:0
18 Guðm. Pálmas. - Halldór Halldórss. 1:0
19 Olavur Simonsen - Lenka Ptacnikova 1:0
20 Guðjón H. Valg.ss. - Guðm. Kjartanss. 0:1
21Hrannar Baldurss. - Sævar Bjarnas. ½:½
Ivan Sokolov
ÞRJÚ námskeið eru að hefjast hjá
Endurmenntun HÍ í næstu viku:
Fjallað er um sjálfsmat, áhuga-
svið og færni og hvaða hlutverk
persónulegir þættir gegna í
starfsþróun og starfsframa. Þátt-
takendur fá tækifæri til að kanna
styrkleika og áhugasvið með áhuga-
könnuninni „Strong Invest Invent-
ory“.
Þá verður kennt hvernig undir-
búa megi atvinnu- og starfsmanna-
viðtöl og leiðbeint um gerð náms-
og starfsferilsyfirlits. Farið verður í
undirstöðuatriði í samtalstækni í at-
vinnu- og starfsmannaviðtölum.
Kennarar eru Ragna Ólafsdóttir og
Auður R. Gunnarsdóttir, starfs- og
námsráðgjafar við HÍ. Námskeiðið
fer fram 6., 7. og 27. nóv. kl. 9–12.
Mat á þekkingarverðmætum
„Þegar unnið er með þekking-
arbókhald er fyrsta skrefið að
greina þá þekkingu sem býr í fyr-
irtækinu og skoða hvað skapar
mesta verðgildið. Í þekkingarbók-
haldi þarf að vera lýsing á þekking-
arverðmætum með skýrum vís-
bendingum og mæligildum.
Þekkingarbókhald er tæki til að
hafa stjórn á þekkingu og til að
auðvelda þróun og uppbyggingu í
fyrirtækinu. Með markvissu þekk-
ingarbókhaldi er hægt að hafa áhrif
á þekkingarsköpun í fyrirtækinu
sem aftur er grunnur að verðmæta-
sköpun,“ segir í frétt frá Endur-
menntunarstofnun.
Kennarar eru Anna María Pét-
ursdóttir, vinnusálfræðingur og
starfsmannastjóri Seðlabankans og
Þorvaldur Finnbjörnsson, MBS og
forstöðumaður hagtölusviðs
RANNÍS. Námskeiðið fer fram 5.
nóv.
Fjallað er um styrk og veikleika
útvarpsmiðilsins, helstu tegundir
útvarpsþátta og uppbyggingu
þeirra.
Kennt verður að skrifa áheyri-
legan texta, farið í upptökutækni,
hljóðmyndir og hljóðblöndun og
grundvallaratriði í raddbeitingu og
viðtalstækni. Þá verður fjallað um
hljóðvinnslu og notkun tónlistar í
útvarpi. Tekin verða fyrir dæmi úr
erlendri og innlendri þáttagerð og
skoðaðar hugmyndir þátttakenda
að útvarpsþætti og hvernig megi
útfæra þær. Námskeiðið er opið
öllu áhugafólki um þáttagerð fyrir
útvarp. Umsjón hefur Sigríður Pét-
ursdóttir dagskrárgerðarmaður.
Gestafyrirlesarar koma í heimsókn.
Námskeiðið hefst 8. nóvember.
Þrjú námskeið að hefjast
hjá Endurmenntun HÍ
TVEIR Hollendingar, Joeri Rooy
33ja ára og Jesaja Bouman 29 ára,
hafa nú í mánuð farið hringferð um
Ísland á óvenjulegan máta, miðað
við árstíma. Farartæki þeirra eru
vel búið reiðhjól og sérsmíðaðir
línuskautar. Tilgangur ferðarinnar
er að afla fjár fyrir samtök lang-
veikra barna með hrörnunar-
sjúkdóm, Muscular distropie.
Ferðin hófst 1. október og lá
leiðin austur um Suðurland. Fyrstu
vikuna notuðu þeir segl til að
hraða för. Það reyndist hættulegt
og því hafa þeir síðan notast ein-
göngu við eigin vöðva, táknrænt
vegna málstaðarins þar sem sjúk-
dómurinn leiðir til vöðvarýrnunar
og aflleysis, svo notuð séu þeirra
orð.
Ferðin hefur gengið áfallalaust,
enda hafa þeir félagar komið
nokkrum sinnum til Íslands til und-
irbúnings. Þeir létu sérstyrkja
línuskautana, sem eru af gerðinni
Roller Blade, en vegna grófra vega
hafa þeir eytt um um 200 hjólum.
Þeir skiptast á um að skauta og
hjóla, afmarka sér dagleiðir en
hvílast vel á milli. Þeir dvöldu m.a.
í Gistihúsi Hönnu Siggu á Hvamms-
tanga í fjórar nætur fyrir loka-
áfangann til Reykjavíkur. Daglega
hafa þeir samband við hollenska
styrktaraðilann, sem útvarpar
ferðalýsingu til hlustenda sinna, og
annarra styrktaraðila sem eru
átján alls. Þeir félagar eru hrifnir
af landi og þjóð og hafa sett sig
talsvert inn í daglegt líf fólks, m.a.
borðað séríslenskan mat, hákarl og
lunda. Þeir sögðust fara með góðar
minningar og eiga eftir að heim-
sækja Ísland aftur.
Sjá má nánari upplýsingar á net-
fanginu: www.mdausa.org
Hjóla og
skauta fyrir
langveik
börn
Ljósmynd/Karl Á. Sigurgeirsson
Ferðbúnir með farartækin, f.v.
Joeri Rooy og Jesaja Bouman.
Hvammstanga. Morgunblaðið.
Evrópu-
meistararnir
frá því í
fyrra, Adam
Reeve og
Karen Björk
Björgvins-
dóttir, keppa
laugardaginn
3. og sunnu-
daginn 4.
nóvember
fyrir Íslands
hönd í
heimsmeist-
arakeppni
atvinnu-
manna í 10
dönsum í
Hong Kong.
Keppt er
bæði í suður-
amerískum
og sígildum
samkvæm-
isdönsum.
Adam og Karen tóku þátt í heims-
meistaramóti atvinnumanna í sí-
gildum samkvæmisdönsum sem
haldið var á Ítalíu sl. laugardag.
Þau komust þar inn í 24 para úr-
slit.
Keppa á
heimsmeistara-
móti í dansi
Karen Björk
Björgvinsdóttir og
Adam Reeve.