Morgunblaðið - 05.12.2001, Blaðsíða 18
LANDIÐ
18 MIÐVIKUDAGUR 5. DESEMBER 2001 MORGUNBLAÐIÐ
13
90
.3
1
Prentari fyrir PC og MAC
hugbúnaður fylgir
Öflug merkivél fyrir
mikla notkun
Merkivél fyrir heimili
og fyrirtæki
Nýbýlavegi 14, Kópavogi. Sími 554 4443. www.if.is/rafport
MERKIVÉLARMERKIVÉLAR
RAUÐAKROSSDEILD Stranda-
sýslu var nýlega afhent sjúkrabif-
reið sem kom í stað eldri bifreiðar.
Nýi bíllinn er búinn fullkomnustu
tækjum og öryggisbúnaði og er
heildarverðmæti hans um fjórtán
milljónir króna.
Við sama tilefni var Heilbrigðis-
stofnuninni á Hólmavík færður önd-
unarmælir að gjöf.
Mælirinn er af gerðinni Spiro
2000 og gefandi er lyfjafyrirtækið
GlaxoSmithKline ehf. í Reykjavík.
Tækið mun nýtast til greiningar
lungnasjúkdóma og kemur til með
að stuðla að betra eftirliti og for-
vörnum.
Morgunblaðið/Arnheiður
Nýja sjúkrabifreiðin sem Rauða-
krossdeild Strandasýslu fékk
nýlega afhenta. Hjá henni stend-
ur einn af sjúkraflutningamönn-
um á svæðinu, Gunnar Jónsson.
Heilbrigðis-
stofnun af-
hent lækn-
ingatæki og
sjúkrabíll
Hólmavík
LEIKLIST og söngur voru í háveg-
um höfð á árshátíð Hafralækjar-
skóla í Aðaldal, en þar sýndu nem-
endur allra bekkja listir sínar í
sviðinu í félagsheimilinu Ýdölum.
Að þessu sinni var hátíðin til-
einkuð rithöfundunum Sigrúnu
Eldjárn og Þórarni Eldjárn, en hefð
er fyrir því að taka fyrir ákveðin
bókmenntaverk á árshátíðinni og
túlka þau á ýmsan hátt fyrir sam-
komugestum.
Þemaviku um verk þeirra systk-
ina var nýlokið þar sem nemendur
lásu upp úr bókum, skrifuðu texta,
léku leikrit, gerðu búningar, sungu
og spiluðu. Hápunktur þeirrar viku
var heimsókn Sigrúnar Eldjárn
sem las fyrir yngra fólkið og spjall-
aði við eldri nemendur. Hún lýsti
því hvernig það væri að vera mynd-
listarmaður og rithöfundur og
hvernig hún ynni starf sitt. Að þess-
ari þemaviku lokinni var kominn
grunnur að veglegri samkomu þar
sem foreldrar gátu séð árangurinn
af starfinu.
Dagskráin hófst með ávarpi for-
manns nemendafélagsins, Sigurðar
Óla Guðmundssonar, sem rakti það
helsta sem gerst hefur á skóla-
árinu. Að því loknu hófst skemmti-
dagskrá með söng 1. bekkjar á
Talnavísum eftir Þórarin við tónlist
sem samin var af 8. bekk undir leið-
sögn Roberts Faulkners tónlistar-
kennara. Þá söng 2.-3. bekkur
Bókaorminn í viðeigandi búningum
og einnig sungu krakkarnir Hó, hó
við lag og ljóð Soffíu Vagnsdóttur.
4. og 5. bekkur leikgerðu Völu-
spá í þýðingu Þórarins og 6. og 7.
bekkur voru með viðamikla kynn-
ingu á bókmenntaverkum og æviat-
riðum þeirra Sigrúnar og Þórarins.
8.–10. bekkur sýndi Gretti eftir
þá Egil Ólafsson, Ólaf Hauk Sím-
onarson og Þórarin Eldjárn, en
ekki er hægt að segja annað en að
frammistaða hinna ungu leikara
hafi fengið mjög góðar viðtökur.
Á árshátíðinni var sýning á verk-
um nemenda úr þemavikunni og
einnig var fullorðnum samkomu-
gestum boðið upp á kaffi.
Í lokin var svo stiginn dans við
undirleik hljómsveitar Illuga langt
fram yfir miðnætti.
Árshátíð Hafralækjarskóla
Morgunblaðið/Atli Vigfússon
8.–10. bekkur sýndi Gretti eftir þá Egil Ólafsson, Ólaf Hauk Símonarson og Þórarin Eldjárn.
Laxamýri
4. og 5. bekkur leikgerðu Völuspá í þýðingu Þórarins Eldjárns.
TÆKJA- og tölvubúðin var opnuð á
nýjum stað í Ólafsvík nýlega. Áður
var verslunin í um 30 fm leiguhús-
næði í austurenda Ólafsbrautar 19
en var flutt um set og er nú í 120 fm
sal sem verslunin Vík var áður í, en
rekstri þeirrar verslunar hefur ver-
ið hætt.
Þröstur Kristófersson á og rekur
Tækja- og tölvubúðina ásamt fjöl-
skyldu sinni og sagði hann að þau
hefðu opnað verslunina og verk-
stæði á gamla staðnum 3. febrúar á
þessu ári og fljótlega hefði komið í
ljós að rýmið var alltof lítið. Greini-
leg þörf var fyrir aðila sem gerir við
og uppfærir tölvur.
Samhliða tölvusölunni og viðgerð-
um hefur Tækja- og tölvubúðin boð-
ið upp á geisladiska, hljómtæki, for-
rit og nánast allt sem hægt er að
tengja við tölvur auk þess sem
verslunin hefur verið umboðsaðili
Símans og þar af leiðandi boðið upp
á allskonar símtæki og búnað þeim
tengdum.
Frá upphafi hefur Tækja- og
tölvubúðin selt vörur frá Bræðrun-
um Ormsson og þannig getað boðið
upp á mikið úrval af skrifstofutækj-
um. Nú þegar verslunin er komin í
eigið húsnæði og miklu stærra er
ætlunin að auka við vöruúrvalið og
fyrst um sinn er lögð áhersla á auk-
ið úrval af sjónvörpum og heimabíó-
kerfum.
Morgunblaðið/Alfons
Sigurbjörg Þráinsdóttir, Dagný Þrastardóttir og Þröstur Kristófersson.
Tækja- og tölvu-
búðin í nýtt húsnæði
Ólafsvík
FRÁ því að Tíðis, frétta og upplýs-
ingavefur fyrir Patreksfjörð og ná-
grenni, var opnaður formlega fyrir
nákvæmlega 10 mánuðum eða 27.
janúar sl. hafa komið yfir hundrað
þúsund heimsóknir á vefinn. Yfir
fimmhundruð fréttir hafa verið
skráðar og mikið myndasafn er við
vefinn.
Í upphafi voru fyrirtæki og félög
sem styrktu uppsetningu vefjarins,
þá með kaupum á auglýsingum
o.fl. á vefinn. Vefurinn er framtak
einstaklings á Patreksfirði, með
enga styrki frá ríki eða bæ. Nú
hefur vefurinn engar tekjur, að-
eins kostnað, enga auglýsendur að
hafa.
Ljóst er að vefur sem þessi hef-
ur gríðarlegt auglýsingagildi fyrir
stað sem Patreksfjörð. Auðvelt er
að koma fréttum fljótt í loftið og
skilaboðum, sem nær til alls
heimsins. Vefurinn er mikið lesinn
og skoðaður af fólki frá öllum
heimshornum. Stærstu fjölmiðlar
landsins nota vefinn til fréttaöfl-
unar frá Patreksfirði og nágrenni.
Það er tölvufyrirtækið Snerpa á
Ísafirði sem hýsir vefinn. Tíðis
hefur stækkað og er nú svo komið
að stærð hans er yfir leyfilegt
geymslupláss hjá Snerpu. Til að
halda innihaldi vefjarins verða að-
standendur hans að fara að greiða
með honum. Óljóst er því hver
framtíð vefjarins verður ef ekki
tekst að afla tekna fyrir vefinn,
segir í fréttatilkynningu.
Yfir 100 þúsund hafa skoð-
að Patreksfjarðarvefinn
HÓLMFRÍÐUR
Sveinsdóttir hefur
verið ráðin verk-
efnisstjóri í Borg-
arbyggð og aðal-
verkefni hennar
er að koma á Stað-
ardagskrá 21 í
sveitarfélaginu.
Ennfremur hefur
hún á sinni könnu
málþing um at-
vinnu- og búsetumál í Borgarfirði
sem haldið verður í byrjun næsta árs
og Borgfirðingahátíð næsta sumar.
Hólmfríður er með BA-próf í
stjórnmálafræði og starfaði áður sem
verkefnisstjóri á fræðslu- og ráð-
gjafarsviði Iðntæknistofnunar 2000–
2001 og þar á undan sem deildarsér-
fræðingur á Vinnumálastofnun 1994–
2000.
Hólmfríður er Borgnesingur og er
ánægð með að vera komin til starfa
hér. Hún segist hafa fundið fyrir gríð-
arlega miklum velvilja íbúanna í sinn
garð og að fólk sé almennt mjög
áhugasamt um þau verkefni sem hún
mun sinna hérna, en hún er ráðin
tímabundið í 11 mánuði.
Það var í apríl 2000 að bæjarstjórn-
in samþykkti umhverfisstefnu og var
það fyrsta skrefið að Staðardagskrá
21. Síðastliðið vor var skipaður stýri-
hópur til að vinna að verkefninu.
Staðardagskrá 21 felur í sér heildar-
áætlun um þróun hvers samfélags
fyrir sig og byggist hugmyndafræðin
á sjálfbærri þróun. Sjálfbær þróun
gerir okkur kleift að mæta þörfum
okkar án þess að stefna í voða mögu-
leikum komandi kynslóða til að mæta
sínum þörfum. Eins má segja að Stað-
ardagskrá 21 sé ekki bara alhliða um-
hverfisáætlun í venjulegum skilningi,
heldur áætlun um velferð okkar
sjálfra og samfélagsins. Ákveðið hef-
ur verið að setja á laggirnar tengsla-
hóp í sambandi við verkefnið.
Verkefnis-
stjóri Stað-
ardagskrár
21 ráðinn
Borgarnes
Hólmfríður
Sveinsdóttir