Morgunblaðið - 05.12.2001, Blaðsíða 20
VIÐSKIPTI/ATHAFNALÍF
20 MIÐVIKUDAGUR 5. DESEMBER 2001 MORGUNBLAÐIÐ
GRANDI hf. og Hvalur hf. gerðu í
gær með sér samning um að Grandi
kaupi af Hval frystitogarann Venus
HF 519 og þær aflaheimildir sem
skipinu eru tengdar, en þær eru um
2.900 þorskígildistonn. Kaupverðið
er samtals 1.621,5 milljónir króna.
Ennfremur hafa Grandi hf. og Ís-
félag Vestmannaeyja hf. samið svo
um, að Ísfélagið kaupi af Granda
frystitogarann Snorra Sturluson
RE 219 ásamt aflaheimildum í karfa
og úthafskarfa, sem eru 1.045 tonn
þorskígilda. Söluverðið er 878,4
milljónir króna og skal það greitt
með hlutafjáraukningu í Ísfélaginu.
Eignarhlutur Granda verður 11,5%
og verður fyrirtækið þannig annar
stærsti hluthafi Ísfélagsins. Sam-
kvæmt báðum samningum eru
kaupin og þar með afhending eigna
miðuð við byrjun árs 2002.
Að sögn Brynjólfs Bjarnasonar,
framkvæmdastjóra Granda hf.,
næst með þessum viðskiptum betra
samræmi milli aflaheimilda Granda
og veiðigetu skipa félagsins. Hann
segir að Venus HF verði áfram
gerður út en aflaheimildir skipsins
samanstandi af þorsk-, karfa- og
grálúðukvóta, auk þess sem skipinu
fylgi 0,5% loðnukvótans, einn síld-
arkvóti og um 2.000 tonna úthaf-
skarfakvóti.
Brynjólfur segir að Grandi hafi
allt frá árinu 1992 keypt hlutafé í
öðrum sjávarútvegsfyrirtækjum og
átt í samstarfi við þau. Auk þess að
eiga nú eignarhlut í Ísfélagi Vest-
mannaeyja á Grandi auk þess eign-
arhluti í Hraðfrystihúsi Eskifjarðar
hf., Þormóði ramma-Sæbergi hf. á
Siglufirði, Hraðfrystihúsinu Gunn-
vöru hf. í Ísafjarðarbæ og Haraldi
Böðvarssyni hf. á Akranesi. Þá á
Grandi sjávarútvegsfyrirtækið
Faxamjöl hf. í Reykjavík.
Með kaupunum á Snorra Sturlu-
syni RE er Ísfélagið komið í frysti-
togaraútgerð í fyrsta skipti í sögu
félagsins, sem varð 100 ára í síðustu
viku. Snorri Sturluson RE og Venus
HF eru áþekk skip, bæði smíðuð á
Spáni árið 1973 og hefur báðum
skipum verið breytt töluvert, þau
m.a. verið lengd og skipt um aðal-
vélar í þeim.
Grandi kaupir Venus HF
með öllum aflaheimildum
Frystitogarinn Snorri Sturluson RE hefur nú verið seldur til Ísfélags Vestmannaeyja.
Snorri Sturluson
RE seldur
til Ísfélags
Vestmannaeyja
● GENGI krónunnar lækkaði um 1% í
gær í tæplega 3 milljarða króna við-
skiptum. Vísitala krónunnar endaði í
148,55 en byrjaði í 147,00. Geng-
ishækkun undanfarna daga er því að
nokkru leyti gengin til baka, en samt
sem áður hefur gengi krónunnar
hækkað um tæp 2% frá lægsta gildi
sínu í síðustu viku.
Lítil viðskipti eru að baki lækk-
unarinnar í gær og samkvæmt upp-
lýsingum frá millibankaborði Íslands-
banka er ljóst að þó nokkur skortur
var á gjaldeyri. Fastlega megi gera
ráð fyrir gjaldeyrisinnstreymi þegar
vísitalan dregur nær 150, og að
sama skapi virðist nokkur eftirspurn
vera eftir gjaldeyri í kringum vísitölu-
gildið 147.
Krónan
lækkar um 1%
LANDSBANKINN-Landsbréf spá-
ir því að verðbólga innan ársins 2001
verði 8,7% í ljósi þess að gengið hef-
ur gefið eftir um rúm 4% frá byrjun
október og að verðbólgan verði 6,6%
milli ára. Þá gerir ný verðbólguspá
Landsbankans-Landsbréfa, sem birt
var í gær, ráð fyrir 4,9% verðbólgu
innan ársins 2002 og 6,7% milli ára
2001 og 2002.
Forsendur í spánni eru að krónan
styrkist nokkuð á fyrri hluta ársins.
Ennfremur er gert ráð fyrir að
nokkuð verði um verðhækkanir til-
komnar vegna gengisfallsins á þessu
ári, en þær verði að mestu yfir-
gengnar um mitt árið. Þá er gert ráð
fyrir að húsnæðisverð muni lítið
hækka og að kjarasamningar haldi.
Spá Landsbankans-Landsbréfa er
nokkru hærri en 3,4% spá Þjóðhags-
stofnunar fyrir verðbólgu innan árs-
ins frá því í byrjun október og 4%
spá Seðlabankans fyrir verðbólgu
innan ársins frá því í byrjun nóvem-
ber. Tekið er fram í verðbólguspá
Landsbankans-Landsbréfa að vegna
gengisfallsins í október og nóvember
séu þó forsendur í báðum spánum
aðrar en spá Landsbankans-Lands-
bréfa og líklegt að nýjar spár frá
Seðlabankanum og Þjóðhagsstofnun
verði meira í takt við ofangreindar
tölur.
Spáir 0,4% hækkun
á vísitölu milli mánaða
Landsbankinn-Landsbréf spáir
0,4% hækkun á vísitölu neysluverðs
milli nóvember og desember. Gangi
spáin eftir verður vísitala neyslu-
verðs miðað við verðlag í desem-
berbyrjun 219,3 stig og mun vísital-
an þá hafa hækkað um 8,5% síðustu
12 mánuði.
Þeir þættir, sem helst hafa áhrif á
spá um vísitöluna eru lækkun bens-
íns um 1,50 krónur og vegur það til
0,08% lækkunar á vísitölunni.
Gert er ráð fyrir 0,3% hækkun á
húsnæði en það er minni hækkun en
meðaltal undanfarinna ára enda
sýna síðustu mælingar að dregið hef-
ur úr verðhækkunum á húsnæðis-
markaði. Krónan veiktist um 2,5% í
mánuðinum og gerir spáin ráð fyrir
að eitthvað af þeirri veikingu hafi
skilað sér um mánaðamótin í hækk-
un á innfluttri vöru og þá helst mat-
vöru.
Landsbankinn-Landsbréf spáir 8,7% verðbólgu innan ársins 2001
Gerir ráð fyrir
4,9% verðbólgu
innan næsta árs
TRYGGINGAMIÐSTÖÐIN keypti í gær 3% hlut
í Íslandsbanka að nafnverði 300 milljónir. Við-
skiptin fóru fram í einu lagi í gær á genginu 3,95
og er kaupverðið því 1.185 milljónir króna. Eign-
arhlutur Tryggingamiðstöðv-
arinnar í Íslandsbanka fyrir
þessi viðskipti nam 1,31% en
nemur 4,31% eftir viðskiptin.
Hreinn Loftsson, stjórnar-
formaður Tryggingamiðstöðv-
arinnar, segir í samtali við
Morgunblaðið að ekki séu áform um að Trygg-
ingamiðstöðin auki enn hlut sinn í Íslandsbanka
en félagið verður fjórði stærsti hluthafinn í Ís-
landsbanka við kaupin. „Við höfum skoðað þetta
um nokkurn tíma en það sem fyrst og fremst ligg-
ur að baki er að eignast verðmætan hlut sem við
teljum að sé góð fjárfesting. Við höfum mikla trú
á Íslandsbanka. Tryggingamiðstöðin fjárfestir í
traustum undirstöðufyrirtækjum, fyrst og fremst
í sjávarútvegi, en við höfum mikla trú á að þetta
sé verðmæt og góð eign. Að mínu mati er hag-
stætt að kaupa í traustum und-
irstöðufyrirtækjum um þessar
mundir,“ segir Hreinn.
Mikil viðskipti hafa átt sér
stað með bréf Íslandsbanka allt
frá 21. nóvember sl. þegar við-
skiptin námu 1.547 milljónum
króna. 23. nóvember námu þau 1,2 milljörðum og í
gær voru heildarviðskipti með bréf Íslandsbanka
fyrir 1.281.212 milljónir króna. Lokagengið 3,92.
Á þessu tímabili hafa viðskiptin þó ekki farið yf-
ir flöggunarskyld mörk samkvæmt reglum Verð-
bréfaþings Íslands, þ.e. 5%. Svo var ekki heldur í
gær. En að sögn Finns Sveinbjörnssonar, fram-
kvæmdastjóra VÞÍ, þótti þó rétt að birta frétt um
þessi viðskipti þar sem um stór viðskipti var að
ræða og þau talin á mörkum þess að vera inn-
herjaviðskipti. Finnur segir að VÞÍ líti þó ekki
svo á að viðskiptin séu innherjaviðskipti. Nöfn
viðkomandi innherja í félaginu voru birt með
fréttinni í kerfi VÞÍ, þ.e. Jóns Ásgeirs Jóhann-
essonar, stjórnarmanns í báðum félögum, og
Gunnars Felixsonar, forstjóra TM og varamanns í
bankaráði Íslandsbanka.
Þá jók Íslandsbanki-FBA eignarhlut sinn í
Baugi í gær í 10,15% með því að kaupa hlutabréf
að nafnvirði 5.000.000 í félaginu. Eignarhlutur
bankans í Baugi er því 172.186.775 að nafnvirði,
en var áður 9.86% eða kr. 167.186.775 að nafn-
virði. Af 10,15% eignarhlutnum hafa kr.
104.939.281 að nafnvirði eða 6,19% verið seld
framvirkt.
Tryggingamiðstöðin fjórði
stærsti hluthafi í Íslandsbanka ● HLÝSJÓRINN að sunnan fyrir Vest-urlandi er enn vel heitur, eins og
hann hefur verið á þessum tíma árs
undanfarin 5 ár. Seltan er aftur á
móti lægri en hún hefur verið sl.
fjögur ár. Þetta eru helstu nið-
urstöður mælinga Hafrann-
sóknastofnunarinnar á ástandi sjáv-
ar á miðunum í kringum landið.
Hafrannsóknaskipið Bjarni Sæ-
mundsson fór í rannsóknaleiðangur
dagana 5.–27. nóvember til mæl-
inga á ástandi sjávar á miðunum
umhverfis landið. Önnur verkefni
leiðangursins voru könnun á ástandi
loðnustofnsins og mælingar á smá-
síld í Eyjafirði og á Skjálfandaflóa.
Í tilkynningu segir að hið hlýja veð-
urfar í haust endurspeglist í því að
enn gæti ekki kælingar frá landinu,
eins og venja er á þessum árstíma,
og var t.d. hiti við innanverðan Faxa-
flóa yfir 8 gráður á Celsíus.
Enginn ís var í Grænlandssundi
og fannst hann ekki fyrr en vel uppi
á grænlenska landgrunninu. Yf-
irborðssjór var aftur á móti vel fersk-
ur út undir mitt sund og því skilyrði
fyrir snögga nýísmyndun fyrir hendi
þegar veður kólnar.
Almennt var streymi hlýsjávarins
að sunnan í nóvember í góðu með-
allagi og áhrifa hans gætti inn á
norðurmið allt austur fyrir Langanes
en þó heldur minna á sama tíma í
fyrra. Skilin við kalda sjóinn að norð-
an voru tiltölulega nálægt landi fyrir
Vestfjörðum en aftur á móti djúpt
undan Norðurlandi. Í köldum Austur-
Íslandsstraumnum var hitinn í efstu
hundrað metrunum vel yfir 0°C en
seltan var undir 34,7. Því gæti mikil
vetrarkæling valdið nýísmyndun á
svæðinu.
Enn mikill
sjávarhiti
ÍSLENSKIR aðalverktakar hf,
ÍAV, NCC International AB og
Hochtief hafa undirritað sam-
starfssamning um þátttöku í
forvali vegna tilboðs í byggingu
Kárahnjúkavirkjunar. NCC
International AB leiðir tilboðs-
gerð verksins. NCC Internat-
ional AB starfar við fasteigna-
og mannvirkjagerð á Norður-
löndum og í Eystrasaltsríkjun-
um með heimamarkaði í Sví-
þjóð, Danmörku, Finnlandi,
Noregi og Póllandi. Hjá fyrir-
tækinu starfa yfir 26 þúsund
starfsmenn að verkefnum víða
um heim og var velta fyrirtæk-
isins um 4 milljarðar Banda-
ríkjadala, tæplega 430 milljarð-
ar íslenskra króna, í fyrra.
Hochtief var stofnað árið 1875
og er stærsta verktakafyrir-
tæki Þýskalands, samkvæmt
upplýsingum frá ÍAV, og eitt
það stærsta í Evrópu. Unnið
var að verkefnum fyrir tæplega
10 milljarða Bandaríkjadala í
fyrra og voru 20% í Þýskalandi
en 80% víðs vegar annars stað-
ar í heiminum. Hochtief hann-
ar, fjármagnar, byggir og starf-
rækir mannvirki af öllum
gerðum. Um 39 þúsund starf-
menn vinna hjá fyrirtækinu.
Nýjustu verkefni ÍAV í bygg-
ingu virkjana eru Hágöngu-
miðlun sem afhent var Lands-
virkjun árið 1998 og síðan er
ÍAV um þessar mundir að ljúka
við nýjustu virkjun Landsvirkj-
unar, þ.e. Vatnsfellsvirkjun.
Íslenskir aðalverk-
takar, NCC og
Hochtief í samstarf
Tilboð í
byggingu
Kára-
hnjúka-
virkjunar
STUTTFRÉTTIR
BJÖRN Jónasson, sparisjóðs-
stjóri Sparisjóðs Siglufjarðar,
hefur látið af störfum að eigin
ósk. Ólafur Jónsson, skrifstofu-
stjóri SPS, tekur við starfi
sparisjóðsstjóra tímabundið og
gegnir því fram að næsta aðal-
fundi sparisjóðsins. Þetta kom
fram í tilkynningu frá spari-
sjóðnum í gær.
Unnið hefur verið að fjár-
hagslegri endurskipulagningu
Sparisjóðs Siglufjarðar, sem nú
sér fyrir endann á, með þátt-
töku nokkurra sparisjóða og
Kaupþings. Björn hefur ákveð-
ið að draga sig í hlé á þessum
tímamótum en hann hefur
starfað hjá sparisjóðnum frá
árinu 1968, þar af sem spari-
sjóðsstjóri frá 1979.
Sparisjóður Siglufjarðar er
elsta starfandi bankastofnun á
Íslandi, stofnaður árið 1873.
Starfsmenn sparisjóðsins eru
23 talsins.
Sparisjóðs-
stjóri
lætur af
störfum