Morgunblaðið - 05.12.2001, Side 38

MINNINGAR
38 MIÐVIKUDAGUR 5. DESEMBER 2001 MORGUNBLAÐIÐ
Bústaðakirkja. Opið hús fyrir aldraða í dag
kl. 13. Handavinna, spil, föndur og gam-
anmál.
Dómkirkjan. Hádegisbænir kl. 12.10. Létt-
ur málsverður á eftir. Prestarnir taka við fyr-
irbænum í síma 562 2755.
Grensáskirkja. Foreldramorgunn kl. 10-12.
Samverustund aldraðra kl. 14. Biblíulest-
ur, bænastund, kaffiveitingar og samræð-
ur.
Hallgrímskirkja. Opið hús fyrir foreldra
ungra barna kl. 10-12. Starf fyrir 9-10 ára
börn kl. 16. Starf fyrir 11-12 ára börn kl.
17.30.
Háteigskirkja. Morgunbænir kl. 11. Súpa
og brauð kl. 12 í hádegi í Setrinu á neðri
hæð safnaðarheimilis. Brids kl. 13 fyrir
eldri borgara. Yngri deild barnakórsins æfir
kl. 16.30 undir stjórn Birnu Björnsdóttur.
Kórinn er ætlaður börnum úr 1.-3. bekk.
Eldri deild barnakórsins æfir kl. 17.30 und-
ir stjórn Birnu Björnsdóttur. Kórinn er ætl-
aður börnum úr 4.-6. bekk. Kvöldbænir kl.
18.
Laugarneskirkja. Morgunbænir kl. 6.45-
7.05. Kirkjuprakkarafundur kl. 14.10-
15.30 ætlaður börnum í 1.-4. bekk. 12
spora hópar komi saman kl. 20. Ath.
óvenjulegan fundartíma. Síðasta samvera
fyrir jól. (Sjá síðu 650 í Textavarpi).
Neskirkja. Foreldramorgunn kl. 10. Kaffi
og spjall. Umsjón Elínborg Lárusdóttir. 7
ára starf kl. 14. Öll börn í 2. bekk velkomin.
Skráning í síma 511-1560. Opið hús kl.
16. Spjallað yfir kaffi og meðlæti. Fræðsla
um Davíðssálma kl. 17 í umsjón sr. Franks
M. Halldórssonar. Bænamessa kl. 18.
Prestur sr. Frank M. Halldórsson.
Seltjarnarneskirkja. Kyrrðarstund kl. 12.
Léttur málsverður í safnaðarheimili eftir
stundina.
Árbæjarkirkja. Kyrrðarstund kl. 12. Orgel-
spil, söngur, fyrirbænir og heilög kvöldmál-
tíð. Súpa og brauð í safnaðarheimilinu á
eftir gegn vægu verði. Opið hús fyrir aldr-
aða frá kl. 13-16. Kirkjuprakkarar kl. 17-
18.
Breiðholtskirkja. Kyrrðarstund í dag kl.
12.10. Tónlist, altarisganga, fyrirbænir.
Léttur málsverður í safnaðarheimilinu eftir
stundina. Kirkjuprakkarar. Starf fyrir 7-9
ára börn kl. 16.30. TTT-starf fyrir 10-12 ára
kl. 17.30. Æskulýðsstarf á vegum
KFUM&K og kirkjunnar kl. 20.
Digraneskirkja. Fjölskyldumorgnar kl. 10.
Foreldrar eru velkomnir að koma og taka
þátt í samveru fram udnir hádegi með börn-
um sínum. Helgistund kl. 11. Unglingadeild
Digraneskirkju og KFUM&K, 13-16 ára kl.
20.
Grafarvogskirkja. Kyrrðarstund í hádegi kl.
12 með altarisgöngu og fyrirbænum. Boðið
er upp á léttan hádegisverð á vægu verði
að lokinni stundinni. Allir velkomnir. KFUM
fyrir drengi 9-12 ára kl. 17.30-18.30.
Kirkjukrakkar í Rimaskóla fyrir börn 7-9 ára
kl. 18-19. Æskulýðsfélag Engjaskóla fyrir
börn 8.-9. bekk kl. 20-22.
Hjallakirkja. Fjölskyldumorgnar kl. 10. TTT-
starf fyrir 10-12 ára kl. 17. Litlir lærisveinar
í Lindaskóla kl. 17.
Kópavogskirkja. Starf með 8-9 ára börnum
í dag kl. 16.45-17.45 í safnaðarheimilinu
Borgum. Starf með 10-12 ára börnum TTT
á sama stað kl. 17.45-18.45.
Seljakirkja. Kyrrðar- og bænastund í dag
kl. 18. Beðið fyrir sjúkum, allir velkomnir.
Tekið á móti fyrirbænaefnum í kirkjunni og í
síma 567 0110.
Bessastaðasókn. Dagur kirkjunnar í
Haukshúsum í boði Bessastaðasóknar.
Foreldramorgnar, starf fyrir foreldra ungra
barna kl. 10-12. Heitt á könnunni. Fjöl-
mennum. Opið hús fyrir eldri borgara kl. 13-
16 í samstarfi við Félag eldri borgara á
Álftanesi. Notalegar samverustundir með
fræðslu, leik, söng og kaffi. Auður og Er-
lendur sjá um akstur á undan og eftir.
Hafnarfjarðarkirkja. Kyrrðarstund í kirkj-
unni kl. 12, íhugun, altarisganga, fyrirbæn-
ir. Léttur hádegisverður kl. 13 í Ljósbroti
Strandbergs.
Víðistaðakirkja. Foreldramorgnar á
fimmtudögum kl. 10-12. Opið hús fyrir eldri
borgara í dag kl. 13:00. Helgistund, spil og
kaffiveitingar
Lágafellskirkja. Kirkjukrakkafundur í Lága-
fellsskóla á miðvikudögum frá kl. 13.15-
14.30.
Keflavíkurkirkja. Kirkjan opnuð kl. 12.
Kyrrðar- og fyrirbænastund í kirkjunni kl.
12.10. Samverustund í Kirkjulundi kl.
12.25, súpa, salat og brauð á vægu verði.
Allir aldurshópar. Umsjón Ásta Sigurðar-
dóttir, cand. theol. Æfing Kórs Keflavíkur-
kirkju frá kl. 19.30-22.30. Stjórnandi Há-
kon Leifsson.
Ytri-Njarðvíkurkirkja. Biblíulestrar fimmtu-
dag kl. 20 í umsjá Ástríðar Helgu Sigurð-
ardóttur guðfræðings. Farið verður í Jó-
hannesarguðspjall. Fyrirbænasamvera
fimmtud. kl. 19. Fyrirbænaefnum er hægt
að koma áleiðis að morgni fimmtudagsins
milli kl. 10-12 í síma 421 5013. Spilakvöld
aldraðra fimmtudag kl. 20. Síðasta skiptið
á þessu ári.
Þorlákskirkja. Barna- og foreldramorgnar í
dag kl. 10-12.
Landakirkja í Vestmannaeyjum. Kl. 11
helgistund á Hraunbúðum. Kl. 18 Litlir læri-
sveinar, æfing barnakórs Landakirkju. Kl.
20 Aglow-fundur í safnaðarheimilinu. Kl.
20 Opið hús æskulýðsfélagsins í KFUM&K
húsinu við Vestmannabraut.
Kletturinn, kristið samfélag. Bænastund
kl. 20. Allir velkomnir.
Hvítasunnukirkjan Fíladeflía. Fjölskyldu-
samvera kl. 18 sem hefst með léttri máltíð
á vægu verði. Kl. 19 er kennsla og þá er
skipt niður í deildir. Það er krakkaklúbbur
fyrir krakka 2-12 ára, unglingafræðsla fyrir
13-15 ára unglinga, fræðsla fyrir ungt fólk á
aldrinum 16-20 ára. Þá er grunnfræðsla en
þar eru kennd undirstöðuatriði kristinnar
trúar. Síðan er kennsla á ensku. Einnig eru
til skiptis biblíulestrar, bænastundir og
vitnisburðarstundir. Það eru allir hjartan-
lega velkomnir að koma og vera með okkur.
SÍK, kristniboðssalnum Háaleitisbraut 58.
Fundur í kvöld kl. 20. Jóhannes Ingibjarts-
son talar. Allir velkomnir.
Safnaðarstarf
KIRKJUSTARF
Jólakort
Safnaðarfélags
Grafarvogskirkju
GLERLISTAVERKIÐ „Kristni-
takan“ eftir Leif Breiðfjörð,
sem talað er um sem eina af
þjóðargersemum okkar Íslend-
inga, prýðir jólakort Safn-
aðarfélagsins aftur í ár. Jóla-
kortin seldust upp í fyrra en
eru nú til sölu í kirkjunni,
Bókabúð Grafarvogs í Torginu
við Hverafold, Bókabúðinni
Grímu, Spönginni 21, og Versl-
uninni Kíron, Brekkuhúsum 1.
Kortin er einnig hægt að fá
textalaus í kirkjunni og henta
þau vel við hin ýmsu tækifæri.
Aðventukvöld
í Skeiðflatarkirkju
í Mýrdal
AÐVENTUKVÖLD verður í
Skeiðflatarkirkju í Mýrdal
föstudagskvöldið 7. des. nk. kl.
20.30.
Kór Skeiðflatarkirkju syngur
undir stjórn Kristínar Björns-
dóttur, organista. Hjónin Zolt-
án og Krisztina Szklenár leika
saman á orgel og horn. Jóla-
saga verður lesin og síðast en
ekki síst munu kirkjugestir
taka þátt í stundinni með al-
mennum söng.
Að venju efnir kvenfélag
Dyrhólahrepps til sölu veitinga
í Ketilsstaðaskóla eftir sam-
veruna og rennur ágóði hennar
til Skeiðflatarkirkju. Fjölmenn-
um og tökum með okkur gesti.
Sóknarprestur.
Kyrrðarstund
á aðventu
NÚ þegar aðventan er orðin
staðreynd, er gott að nema
staðar og eiga kyrrðarstund við
aðventuljós.
Kyrrðarstundir í Grafarvogs-
kirkju eru á miðvikudögum kl.
12 með altarisgöngu og fyr-
irbænum.
Boðið er upp á léttan hádeg-
isverð á vægu verði að lokinni
stundinni. Allir velkomnir.
Þegar Bryndís kon-
an mín hringdi laugar-
daginn 24. nóvember
og sagði að pabbi sinn
hefði dáið þá um nótt-
ina, þá minntist ég síðustu stund-
arinnar sem við áttum saman, þegar
við Bryndís heimsóttum hann á
Landakot fimmtudagskvöldið 22.
nóvember. Jóhann lá í rúmi sínu og
var frekar slappur. Ragna dóttir
hans sat við hlið hans og var að
hjálpa honum að borða. Það var vont
veður þennan dag og hann vissi að
ég væri að fara í langa veiðiferð og
kæmi ekki aftur fyrr en 21. desem-
ber. Hann hafði hlustað á veðurspá
og sagði mér að veðrið gengi niður
um kvöldið. Þetta var hans eigin-
leiki, hann fylgdist vel með öllu og
hafði áhuga á því sem hver var að
gera. Og þegar ég kvaddi hann voru
síðustu orðin sem hann sagði við
mig: Vertu blessaður, Bragi minn,
og hafðu það alltaf sem best.
Er ég minnist tengdaföður míns
kemur margt upp í hugann. Það var
á vordögum 1970 sem ég hitti Jó-
hann í fyrsta skipti, er ég kom með
JÓHANN
HELGASON
✝ Jóhann Helgasonvar fæddur á
Neðranúpi í Miðfirði
í V-Hún. 14. septem-
ber 1914. Hann and-
aðist á Landakots-
spítala 24. nóvember
síðastliðinn og fór
útför hans fram frá
Fella- og Hólakirkju
4. desember.
Bryndísi dóttur hans í
heimsókn í Drápuhlíð,
en þangað höfðu Jó-
hann og Jóhanna Dag-
björt flutt er þau hættu
búskap í Hnausakoti í
Austurárdal í Miðfirði
haustið 1968. Með okk-
ur Jóhanni tókst mikil
vinátta og áttum við
margt sameiginlegt,
báðir bændasynir frá
harðbýlum stöðum sem
höfðu mótað okkur
mikið í æsku. Þótt ald-
ursmunur væri 37 ár
voru minningar frá
uppvexti og vinnu við bústörf nánast
þær sömu, allt var unnið með hand-
afli, enda komu vélar ekki við sögu
fyrir vestan og norðan fyrr en um og
eftir 1960. Jóhann var vel lesinn og
stálminnugur, fylgdist vel með öllu
sem var að gerast í þjóðfélaginu og í
fjölskyldunni. Hann var einstakur
fjölskyldumaður sem naut mikils
trausts allra sem þekktu hann. Fjöl-
skyldan og Hnausakot í Austurárdal
skipuðu stærstan sess í hjarta hans.
Umhyggjan fyrir öllum sínum af-
komendum var mikil, og voru þau
Jóhann og Jóhanna samtaka um að
láta öllum líða vel sem voru í návist
þeirra.
Það voru margar stundirnar sem
við ræddum saman um þær breyt-
ingar og framkvæmdir sem áætlað
var að gera á hverju sumri í Hnausa-
koti, allar áætlanir hans miðuðust
við að gera sumarhúsið að þægileg-
um samverustað fjölskyldunnar, því
hann vissi að þannig mynduðust
traustustu fjölskylduböndin.
Framkvæmt var hvert sumar eins
og hægt var, og það voru stoltir fjöl-
skyldumeðlimir sem létu vita hvern-
ig gengi að framkvæma verkið. Þeg-
ar farið var í vinnuferð að vori var
hringt í Jóhann og honum sagt frá
hvernig hefði gengið. Og þegar
framkvæmdir stóðu yfir á sumar-
leyfistíma, var gaman að finna fyrir
áhuga hans á verkinu.
Jóhann var mikill náttúruunn-
andi, en hafði af því miklar áhyggjur
þegar til stóð að virkja á Fljótsdals-
heiði og sökkva Eyjabökkum undir
miðlunarlón, það var honum óskilj-
anlegt hvað ráðamenn voru skamm-
sýnir og hlustuðu ekki á nein rök.
Hann notaði öll þau sambönd sem
hann hafði til að reyna það sem hann
gæti til að bjarga náttúruperlu
Austfjarða, og þegar ákveðið var að
hætta við að sökkva Eyjabökkunum,
varð hann mjög glaður og sú gleði
var sönn.
Tónlistin var hans helsta tóm-
stundagaman. Hann hafði sungið í
kórum í yfir 50 ár, hafði lært á orgel
sem ungur maður, og á efri árum
söng hann með börnunum sínum níu
og tengdasyni við hátíðleg tækifæri.
Þetta var einstakt að heyra kórinn
syngja, og líklega einsdæmi að faðir
syngi með börnunum sínum níu.
Deyr fé,
deyja frændur,
deyr sjálfur ið sama;
en orðstír
deyr aldregi
hveim er sér góðan getur.
(Úr Hávamálum.)
Ég sendi tengdamóður minni og
allri fjölskyldunni innilegar samúð-
arkveðjur.
Bragi.
Elsku afi. Þegar við
settumst niður til að
skrifa þessar minning-
ar um þig þá vissum
við bara einfaldlega ekki á hverju
við ættum að byrja. Það er svo
margt gott sem við gætum sagt um
þig og svo margar skemmtilegar
sögur sem þú hefur sagt okkur
krökkunum í gegnum tíðina.
Eins og söguna um græna kött-
inn sem bjó uppi á lofti hjá þér, sem
TRAUSTI
BJÖRNSSON
✝ Trausti Björns-son fæddist í
Brennu í Nesi í Norð-
firði 6. júlí 1925.
Hann lést á Fjórð-
ungssjúkrahúsinu í
Neskaupstað 12.
nóvember síðastlið-
inn og fór útför hans
fram frá Norðfjarð-
arkirkju 19. nóvem-
ber.
þú sagðir okkur aftur
og aftur og okkur þótti
hún alltaf jafn
skemmtileg. Enn
varstu að segja yngstu
barnabörnunum þessa
sögu sem þú sagðir
okkur þegar við vorum
litlar og þau voru jafn
spennt og við yfir
henni.
Alltaf þótti okkur
gaman að fá þig í
heimsókn, því ætíð
varstu að segja okkur
frá fólki sem þú hafðir
dáleitt og sýndir okkur
alls konar töfrabrögð. Eins og þeg-
ar allt í einu var tíkall á bak við eyr-
að á þér eða í skónum. Okkur þótti
það nú líka aldeilis flott að þú gætir
hreyft eina tönnina þína upp og nið-
ur. Það vildum við sjá aftur og aft-
ur.
Alltaf varstu eitthvað að gantast í
okkur og stríða og það þótti okkur
nú aldeilis ekki leiðinlegt. Þegar það
voru matarboð eða jólaboð og þú
búinn að borða alltof mikið þá
fórstu að trimma og alltaf vorum við
krakkarnir komin á eftir þér í röð
að trimma í stofunni.
Allar sögurnar sem þú ert búinn
að segja í gegnum ævina eiga eftir
að lifa og fólk á eftir að segja þessar
sögur margoft.
Það er sko ekki hægt að segja að
þú hafir ekki lifað lífinu lifandi, því
þúi gerðir það svo sannarlega.
Allt það sem þú hafðir upplifað og
allar ferðirnar með togurunum til
útlanda og fleira sem þú sagðir okk-
ur frá.
Þú kvartaðir aldrei þótt eitthvað
væri að hjá þér, ekki einu sinni þeg-
ar þú varst sem veikastur, þá varstu
sterkur allan tímann og við erum öll
stolt af þér.
Elsku afi, þín er sárt saknað af
okkur öllum hér og við söknum þess
að fá ekki að hitta Trausta afa okk-
ar lengur, en við vonum að þér líði
vel þar sem þú ert núna og við elsk-
um þig öll.
Sigurveig, Sara Lind
og Sandra Sif.
Mig langar til að
minnast góðs vinar og
velgjörðarmanns Ás-
geirs í Sindra.
Við Ásgeir kynnt-
umst fyrir um 40 árum
í gamla íþróttahúsinu að Háloga-
landi, hann í forustusveit Hand-
knattleiksdeildar KR en ég að stíga
mín fyrstu spor í forustusveit Vals-
manna.
Strax tókust með okkur góð kynni
sem síðan leiddi til vinskapar, þrátt
ÁSGEIR
EINARSSON
✝ Ásgeir Einarssonfæddist í Reykja-
vík 22. febrúar 1927.
Hann lést á Land-
spítalanum í Foss-
vogi 6. nóvember síð-
astliðinn og fór útför
hans fram frá Grens-
áskirkju 16. nóvem-
ber.
fyrir talsverðan aldurs-
mun, enda gerði Ásgeir
engan mannamun.
Síðar þegar ég var
starfsmaður Vegagerð-
ar ríkisins en hann
framkvæmdastjóri
Sindrasmiðjunar, þá
endurnýjuðum við fyrri
kynni.
Árið 1980 hóf ég
störf hjá Ásgeiri í
Sindra. Fáir vanda-
lausir hafa sýnt mér og
fjölskyldu minni jafn
mikið vinarþel og Ás-
geir. Ásgeir hafði stórt
og gott hjarta, sem og allt það fólk
Einars Ásmundssonar og frú Jakob-
ínu sem ég hef kynnst.
Mig langar að kveðja þennan höfð-
ingja með nokkrum erindum úr ljóði
Davíðs Stefánssonar frá Fagraskógi,
Höfðingi smiðjunnar.
Hann stingur stálinu í eldinn.
Hann stendur við aflinn og blæs.
Það brakar í brennandi kolum.
Í belgnum er stormahvæs.
Í smiðjunni er ryk og reykur,
og ríki hans talið snautt.
Hann stendur við steðjann og lemur
stálið glóandi rautt.
Hér er voldugur maður að verki,
með vit og skapandi mátt.
Af stálinu stjörnur hrökkva.
Í steðjanum glymur hátt.
Málmgnýinn mikla heyrir
hver maður, sem veginn fer.
Höndin, sem hamrinum lyftir,
er hörð og æðaber.
Hann tignar þau lög, sem lífið
með logandi eldi reit.
Hann lærði af styrkleika stálsins
að standa við öll sín heit.
Hann lærði verk sín að vanda
og verða engum til meins.
Þá væri þjóðinni borgið,
ef þúsundir gerðu eins.
Hvíl þú í friði, kæri vinur.
Sigurður Sn.
Gunnarsson.