Morgunblaðið - 24.01.2002, Blaðsíða 2

FRÉTTIR
2 FIMMTUDAGUR 24. JANÚAR 2002 MORGUNBLAÐIÐ
Fylgstu
með
nýjustu
fréttum
www.mbl.isEiður og félagar steinlágu
fyrir Tottenham/C3
Landsliðið komið til Skövde
í Svíþjóð/C1
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
ALMENNT gjald fyrir átta tíma
leikskólavist hefur hækkað um 10%
eða meira í 17 sveitarfélögum á und-
anförnum mánuðum skv. saman-
burði ASÍ á leikskólagjöldum í 40
sveitarfélögum.
Mikill munur er á gjaldskrám
sveitarfélaga vegna leikskóla skv.
könnuninni.
21 sveitarfélag hefur hækkað
gjöldin á þessu ári eða rúmlega
helmingur þeirra sveitarfélaga sem
eru í úttektinni. Mesti verðmunur á
milli sveitarfélaga á almennum leik-
skólagjöldum er 67% en hæst eru
gjöldin í Stykkishólmi og lægst á
Vopnafirði ef miðað er við 8 tíma
vistun með fullu fæði. Vopnafjörður
sker sig úr þar sem hann er eina
sveitarfélagið þar sem mánaðar-
gjaldið er undir 20.000 kr.
Í tíu sveitarfélögum tóku hækk-
anir gildi á tímabilinu september til
nóvember á síðasta ári. Gjald fyrir
börn í forgangshópi hækkaði 1. jan-
úar síðastliðinn eða mun hækka um
næstu mánaðamót í 23 sveitarfélög-
um á landinu samkvæmt yfirlitinu
og á 19 stöðum er hækkunin 10%
eða meiri.
Hækkaði um 4.656 kr.
á Egilsstöðum 1. janúar
Almennt leikskólagjald er hæst í
Stykkishólmi eða 27.400 kr. en það
hefur ekki hækkað frá 1. febrúar á
seinasta ári. Á Egilsstöðum er al-
mennt gjald 26.660 kr. en það hækk-
aði um 4.656 kr. 1. janúar sl. eða um
21%. Á Ísafirði hækkaði gjaldið um
1.663 kr. eða 7% 1. janúar sl. og
nemur 26.276 kr. eftir hækkunina. Á
Seltjarnarnesi hækkaði almennt
gjald síðast í júní á síðasta ári um
10% og nemur eftir hækkun 25.555
kr. Gjöldin hækkuðu einnig um 10%
í Reykjavík í október og um sama
hlutfall í Kópavogi í september.
Gjaldið hækkaði um 13% í Garðabæ
1. september og nemur 23.680 kr.
eftir hækkunina en almennt leik-
skólagjald hefur ekki hækkað í
Hafnarfirði frá því í janúar á sein-
asta ári er það hækkaði um 9%.
Nokkur sveitarfélög hafa tekið
það upp að breyta gjaldskrá sinni
allt að þrisvar sinnum á ári í takt við
vísitölu neysluverðs.
ASÍ vill að hækkanir verði
dregnar til baka
,,Það er alveg ljóst að þarna er um
gríðarlega miklar hækkanir að
ræða,“ segir Gylfi Arnbjörnsson,
framkvæmdastjóri ASÍ. ,,Það eru þó
dæmi um einstaka sveitarfélög, sem
eru því miður allt of fá, sem hafa
verið á hógværari nótum en við
sjáum líka dæmi um yfir 20% hækk-
un og þaðan af meira. Það verður að
segjast eins og er, að þetta eru rosa-
lega miklar hækkanir, bæði á haust-
mánuðum og ekkert síður í byrjun
ársins sem eru þáttur í því að hleypa
vísitölunni upp úr öllu valdi. Það er
áhyggjuefni og við köllum eftir því,
eins og við gerðum gagnvart stjórn-
völdum, að sveitarfélög endurskoði
þessar ákvarðanir. Þarna er of langt
gengið,“ segir Gylfi. Hann bendir á
að í mörgum tilvikum séu hækkan-
irnar á bilinu 2 til 4 þús. kr. á mán-
uði og mjög íþyngjandi fyrir barna-
fólk.
Um og yfir 10% hækkanir leikskólagjalda mjög víða
21 sveitarfélag hefur
hækkað gjöldin
Í SLIPPNUM í Hafnarfirði falla
mörg störf til daglega og eitt þeirra
er að háþrýstiþvo skip. Skipin eru
þá dregin á þurrt og sá hluti þeirra
sem oftast er undir sjávarmáli er
hreinsaður af hrúðurkörlum og
öðrum sjávarlífverum.
Morgunblaðið/Ómar
Háþrýsti-
þvottur
UM sólarhringur leið frá því rúm-
lega tvítugur Dani var handtekinn
með 380 g af hassi innanklæða og þar
til Héraðsdómur Reykjavíkur hafði
dæmt hann í 60 daga fangelsi.
Tollgæslan í Keflavík stöðvaði
manninn um klukkan 16 á þriðjudag
þegar hann var að koma frá Kaup-
mannahöfn. Fíkniefnadeildin í
Reykjavík yfirheyrði hann. Rann-
sókn lauk í gær, ákæra var þá gefin
út og síðdegis dæmdi Valtýr Sig-
urðsson manninn í 60 daga fangelsi,
skilorðsbundið.
Egill Stephensen, saksóknari hjá
lögreglustjóranum í Reykjavík, seg-
ir þessa skjótu afgreiðslu málsins
harla óvenjulega. Að þessu sinni
gekk allt upp, rannsókn tók skamm-
an tíma, ákæran gefin út stuttu síðar
og dómstjóri Héraðsdóms Reykja-
víkur gat útvegað dómara.
Handtekinn,
ákærður og
dæmdur á
sólarhring
SKIPVERJI á Höfrungi AK slasað-
ist í gærmorgun þegar verið var að
taka trollið inn og togvírar slitnuðu.
Togarinn tók þegar stefnu á Nes-
kaupstað og var komið með hinn
slasaða í land um kl. 15. Ekki þótti
ástæða til að senda þyrlu út á sjó eft-
ir honum. Að sögn lögreglunnar í
Neskaupstað mun maðurinn hafa
hlotið áverka á andliti og fæti en var
ekki í lífshættu. Hann var sendur
með sjúkraflugi á Landspítalann í
Fossvogi. Hann var lagður inn á
gæsludeild að lokinni rannsókn á
slysadeild og er líðan hans eftir at-
vikum.
Skipverji
slasaðist við
veiðar
TILLAGA um uppstillingu á fram-
boðslista R-listans fyrir borgar-
stjórnarkosningarnar í vor var rædd
á fundi viðræðunefndar flokkanna
sem að R-listanum standa í gær.
Fundurinn stóð fram eftir kvöldi og
ekki var búist við niðurstöðu fyrr en í
dag. Einnig var stefnt að því að ræða
málefnagrundvöll R-listans á fund-
inum.
Samkomulag tókst í starfshópi
flokka R-listans um tillöguna að upp-
stillingunni á mánudag.
Fundað um
uppstillingu
á R-lista
EYÞÓR Arnalds, varaborgarfulltrúi
Sjálfstæðisflokksins í Reykjavík,
hefur dregið framboð sitt til baka í
fyrirhuguðu leiðtogaprófkjöri
flokksins. Hann kveðst hafa fullvissu
fyrir því að Björn Bjarnason
menntamálaráðherra muni bjóða sig
fram og lýsir fullum stuðningi við
hann sem borgarstjóraefni sjálf-
stæðismanna. Eyþór kveðst hafa
gefið kost á sér í væntanlegu leið-
togaprófkjöri sjálfstæðismanna í
Reykjavík vegna þess að hann taldi
að breytinga væri þörf í borgar-
stjórnarflokknum og vildi leggja sitt
af mörkum til að sigur ynnist í kom-
andi borgarstjórnarkosningum.
„Ákvörðun Ingu Jónu Þórðardótt-
ur um að draga sig til baka sem
borgarstjóraefni Sjálfstæðisflokks-
ins og væntanlegt leiðtogahlutverk
Björns Bjarnasonar felur í sér mikl-
ar breytingar og getur hæglega rutt
fleiri nýjungum til rúms. Við þessar
aðstæður virðist ekki vera þörf á
sérstöku leiðtogaprófkjöri fyrir
Sjálfstæðisflokkinn. Einlægt mark-
mið mitt hefur frá upphafi verið að
við sjálfstæðismenn stilltum upp
sem sterkustum lista og með þátt-
töku Björns Bjarnasonar eigum við
á því alla möguleika,“ segir í yfirlýs-
ingu sem Eyþór sendi frá sér í gær-
kvöldi.
Stjórn Varðar fer yfir
stöðuna á fundi í dag
Júlíus Vífill Ingvarsson borgar-
fulltrúi ætlar að greina frá því í dag
hvort hann mun sækjast eftir þátt-
töku í leiðtogaprófkjöri.
Stjórn Varðar, fulltrúaráðs sjálf-
stæðisfélaganna í Reykjavík, kemur
saman til fundar á hádegi í dag til að
ræða þá nýju stöðu sem upp er kom-
in eftir að Inga Jóna Þórðardóttir
borgarfulltrúi lýsti yfir að hún drægi
framboð sitt í leiðtogaprófkjöri til
baka. Næstkomandi laugardag verð-
ur aðalfundur Varðar haldinn á Hót-
el Sögu er þar fer fram kjördæm-
isþing reykvískra sjálfstæðismanna.
Eins og fram hefur komið ætlar
Björn Bjarnason menntamálaráð-
herra að greina frá því á kjördæm-
isþinginu hvort hann gefur kost á
sér í leiðtogasætið á framboðslista
flokksins í Reykjavík.
Eyþór Arnalds
dregur framboð
sitt til baka
♦ ♦ ♦
GERT er ráð fyrir að Vestmanna-
eyjaferjan Herjólfur fari í slipp í
2–3 vikur í byrjun maí nk. Sam-
skip, sem sér um rekstur skipsins,
hefur tjáð bæjaryfirvöldum í Vest-
mannaeyjum að útlit sé fyrir að á
meðan verði áætlunarsiglingum
sinnt með hvalaskoðunarbátnum
Brimrúnu. Um er að ræða 200
brúttólesta skip sem tekur um 120
farþega en getur ekki flutt bifreið-
ar. Guðjón Hjörleifsson, bæjar-
stjóri í Vestmannaeyjum, segist
vonast til að málið leysist farsæl-
lega. Takist það ekki sé það óboð-
legt fyrir Eyjamenn að vera án bíl-
ferju enda hafi þeir mjög reitt sig á
siglingar Herjólfs. Eðlilega sé mik-
il óánægja með þessi áform í bæn-
um.
Guðjón segir forráðamenn Sam-
skipa hafa sagt að þeir hafi reynt
að útvega aðra bílferju en ekki tek-
ist. Áður þegar svipuð staða hafi
komið upp hafi m.a. verið notast
við Fagranesið. Ekki er hægt að
grípa til þess nú því Fagranesið
hefur verið selt til San Francisco í
Bandaríkjunum.
Guðjón mun fyrir hönd bæjar-
stjórnar funda um málið við Vega-
gerðina á þriðjudag og við sam-
gönguyfirvöld á miðvikudag.
Engin bílferja í stað Herjólfs