Morgunblaðið - 24.01.2002, Page 26

ERLENT
26 FIMMTUDAGUR 24. JANÚAR 2002 MORGUNBLAÐIÐ
Nú er rétti tíminn
til að læra að fljúga!!!
Innritun er hafin:
Bóklegt JAA einkaflugmannsnámskeið*
Skólasetning 22. janúar 2002
Kennt verður á kvöldin á virkum dögum
Bóklegt JAA atvinnuflugmannsnám*
Umsóknarfrestur er til 25. janúar 2002
Skólasetning 4. febrúar 2002
Kennt verður alla virka daga vikunnar frá 8:10 til 14:40
Flugkennaranámskeið FI(A)0201
Námskeið hefst um leið og lágmarksfjöldi umsókna hefur borist
Kennt verður á kvöldin á virkum dögum frá 19:00 til 22:00
Flugumsjónarnámskeið*
Umsóknarfrestur er til 20. febrúar 2002
Skólasetning 1. mars 2002
Kennt verður á kvöldin í 11-12 vikur
*Allar nánari upplýsingar um inntökukröfur,
verð o.fl. er að finna á flugskoli.is og/eða í síma 530 5100
E f t i r t a l d i r s t a n d a a ð F l u g s k ó l a Í s l a n d s
w
w
w
.d
es
ig
n.
is
©
20
02
STEFNURÆÐA, sem Pervez
Musharraf, forseti Pakistans, flutti
fyrr í mánuðinum, hefur ekki aðeins
dregið úr spennu milli Indverja og
Pakistana vegna deilunnar um
Kasmír heldur kann hún að hafa enn
meiri þýðingu til lengri tíma litið fyr-
ir pólitísku og trúarlegu þróunina í
Pakistan. Musharraf lofaði að hand-
taka íslamska öfgamenn, sem framið
hafa hryðjuverk, en lét ekki þar við
sitja og kvaðst ætla að skera upp
herör gegn róttækum klerkum, skól-
um og stofnunum sem kyntu undir
trúarofstæki, hatri og ofbeldi.
Að sögn Musharrafs hefur al-
menningur í Pakistan fengið sig full-
saddan á ofstækisöflunum, sem hafi
valdið blóðsúthellingum og hindrað
framfarir í landinu.
„Komið er að skuldadögunum,“
sagði Musharraf í ávarpi sínu til
þjóðarinnar 12. þessa mánaðar.
„Viljum við að Pakistan verði að
klerkaveldi? Teljum við að trúarlega
menntunin ein dugi, eða viljum við
að Pakistan verði að kraftmiklu ísl-
ömsku ríki? Niðurstaða fjöldans er
að hann aðhyllist framsækið ísl-
amskt ríki.“
Musharraf bannaði tvær hreyfing-
ar, sem hafa barist gegn indverskum
yfirráðum í Kasmír, og þrenn ísl-
ömsk samtök, sem stjórnin segir að
hafi kynt undir átökum milli trúar-
hópa í Pakistan. Þessi átök kostuðu
meira en 400 manns lífið í fyrra og
þurft hefur vopnaða verði við mosk-
urnar til að vernda þá sem sækja
þær.
Aðgerðir gegn
gróðrarstíum trúarofstækis
Forsetinn sagði að Pakistanar
hefðu fengið sig fullsadda á „Kal-
ishníkov-menningunni“ og að þeim
stafaði meiri hætta af ofstækisöflun-
um í landinu en Indverjum. Hann
hefur látið handtaka hundruð rót-
tækra klerka, sem eru sakaðir um að
hafa kynt undir hatri og ofbeldi.
Hann hefur einnig lofað að herða
reglur um starfsemi svokallaðra
madrassas, íslamskra trúarskóla
sem lýst hefur verið sem gróðrarstí-
um trúarofstækis.
Musharraf sagði að öllum erlend-
um nemendum trúarskólanna yrði
vísað úr landi nema þeir skrái sig hjá
yfirvöldum fyrir 23. mars og sanni að
þeir hafi fengið dvalarleyfi í landinu
og heimild yfirvalda í heimalandinu
til að stunda trúarnám í Pakistan.
Forsetinn sagði að bannað yrði að
opna nýja trúarskóla nema þeir
væru fyrst skráðir hjá yfirvöldunum.
Hið sama gildir um moskur og bann-
að verður að nota hátalara í moskum
í pólitísku skyni eða til að hvetja til
mótmæla.
Um 7.000 trúarskólar eru nú starf-
ræktir í Pakistan og nemendurnir
eru meira en 650.000. Nemendurnir
fá þar enga kennslu í stærðfræði eða
öðrum greinum því skólarnir kenna
aðeins Kóraninn.
Musharraf snýr við blaðinu
Musharraf sagði að mikil áhrif
öfgamannanna hindruðu framfarir í
landinu og Pakistanar þyrftu að
„heyja heilagt stríð gegn ólæsi, fá-
tækt, vanþróun og hungri“ fremur
en gegn Ísrael eða Vesturlöndum.
Áhrif róttækra íslamskra hreyf-
inga hafa aukist jafnt og þétt á síð-
ustu tveimur áratugum, eða frá því
að Zia ul-Haq einræðisherra mynd-
aði bandalag með klerkunum
snemma á níunda áratugnum til að
geta haldið völdunum. Musharraf,
sem hefur stjórnað landinu frá
valdaráni hersins 1999, ætlar nú að
snúa þessari þróun við.
Þetta er stefnubreyting af hálfu
Musharrafs því stjórn hans hefur
hingað til leyft herskáu hreyfingun-
um að starfa fyrir opnum tjöldum og
jafnvel hvatt þær til þess. Starfsemi
þeirra hefur verið mjög áberandi,
þær hafa auglýst í dagblöðunum og
safnað peningum í moskum og á göt-
unum. Lögreglumenn segja að emb-
ættismenn stjórnarinnar hafi skipað
þeim að leyfa herskáum hreyfingum
í borginni Karachi að fá til liðs við sig
unga menn, þjálfa þá í skæruhernaði
og senda þá til Kasmír og Afganist-
ans.
Straumhvörf í
arabaheiminum?
Thomas L. Friedman, dálkahöf-
undur The New York Times, segir
að ræða Musharrafs geti leitt til
mestu straumhvarfa í múslímaheim-
inum frá árinu 1977 þegar Anwar
Sadat, þáverandi forseti Egypta-
lands, fór í sögulega heimsókn til
Ísraels. Musharraf sé fyrsti þjóðar-
leiðtoginn í múslímaheiminum sem
viðurkenni að íslamskt trúarofstæki
hafi fest rætur í menntakerfi og
stjórnskipulagi margra múslíma-
ríkja og stuðlað að vanþróun þeirra.
Hann hyggist ekki láta nægja að
fangelsa öfgamenn, heldur berjast
gegn hugmyndum þeirra með nú-
tímalegum skólum og framsækinni
íslamskri stefnu.
„Allt frá 11. september hefur verið
augljóst að við þurfum stríð innan
íslams, ekki gegn íslam, og nú hefur
að minnsta kosti einn leiðtoganna
loksins lýst yfir slíku stríði. Það væri
gott ef einhverjir aðrir múslímaleið-
togar færu nú að dæmi hans,“ skrif-
ar Friedman.
The Washington
Post tók í sama
streng í forystugrein
á dögunum og sagði
að stjórnvöld í araba-
ríkjum, sem hand-
taka öfgamenn en
hunsa eða styðja
jafnvel kenningar
þeirra, gætu lært af
Musharraf. „Ríkis-
stjórnir arabaríkja,
sem segjast styðja
stríð Bandaríkjanna
gegn hryðjuverka-
starfsemi og hafa
sjálf orðið fyrir
barðinu á hreyfing-
um á borð við al-
Qaeda Osama bin
Ladens, hafa lítið
gert til að berjast
gegn íslömskum
öfgakenningum –
hvað þá boðið upp á
aðra sýn til mótvæg-
is, stefnu sem bygg-
ist á umburðarlyndi
og nútímaviðhorf-
um.“
Friedman segir að
Musharraf hafi áttað
sig á því að reiði
hann sig á stuðning
róttækra klerka og
öfgamanna leiði hann hörmungar yf-
ir þjóð sína. Hann hafi því ákveðið að
vinna almenning á sitt band en til
þess þurfi hann að fela þeim vald,
það er að koma smám saman á lýð-
ræði í landinu.
„Þegar menn reiða sig á herinn og
herskáar hreyfingar til að halda
völdunum þurfa þeir aðeins að gefa
skipanir,“ skrifar Friedman. „En
þegar menn vilja reiða sig á hófsam-
an almenning þurfa þeir að vera í
fararbroddi, sannfæra fólk og veita
því frelsi til að hugsa og segja hug
sinn.“
Friedman segir að Musharraf
verði að deila völdunum með öðrum
og efna til kosninga, sem muni sýna
hversu lítinn stuðning róttæku
hreyfingarnar hafi í raun. „Þegar
þær hafa ekki notið stuðnings hers-
ins hafa þær aldrei fengið meira en
5% fylgi.“
Tók nokkra áhættu
Almenningur í Pakistan virðist
styðja aðgerðir Musharrafs og lítið
hefur verið um mótmæli gegn hand-
töku klerkanna sem hann sakar um
að hafa rangtúlkað og misnotað ísl-
am. Meiri óvissa er hins vegar um
viðbrögð hersins því margir herfor-
ingjar hafa stutt róttæku hreyfing-
arnar.
Hugsanlegt er að almenningur
snúist gegn Musharraf síðar ef til-
slakanir hans í deilunni við Indverja
duga ekki til að greiða fyrir einhvers
konar málamiðlunarsamkomulagi í
deilunni um Kasmír. Musharraf tók
því nokkra áhættu en treystir á að
róttæk þjóðernishyggja og trúar-
stefna skipti Pakistana minna máli
en friður og hagsæld.
Reuters
Aldraður múslími fylgist með nemendum lesa Kóraninn í trúarskóla í Íslamabad.
Sker upp
herör gegn
íslömsku
trúarofstæki
Nýleg stefnuræða forseta Pakistans er talin
geta markað tímamót í sögu landsins og
jafnvel leitt til straumhvarfa í múslíma-
heiminum fari leiðtogar annarra múslíma-
ríkja að dæmi hans og skeri upp herör gegn
íslömsku trúarofstæki.
Pervez Musharraf, forseti Pakistans (fyrir
miðju), ræðir við pakistanska hermenn nálægt
landamærunum að Indlandi.
’ Pakistanar heyiheilagt stríð gegn
ólæsi, fátækt og
vanþróun ‘
AP