Morgunblaðið - 24.01.2002, Page 18

SUÐURNES
18 FIMMTUDAGUR 24. JANÚAR 2002 MORGUNBLAÐIÐ
Sturtuklefar heilir með 4 hliðum,
sturtubotni og sturtusetti.
Stærðir 70x70, 80x80,
90x90 og 72x92
Bæði ferkantaðir og
bogadregnir.
Heilir
sturtuklefar
Ármúla 21, sími 533 2020
VÍKURFRÉTTAVERÐLAUNIN
2001 voru afhent í vikunni. Þetta
var í annað sinn sem blaðið stendur
að útnefningu sem þessari en í tíu
ár þar á undan hafði það valið menn
ársins á Suðurnesjum. Páll Ketils-
son, ritstjóri Víkurfrétta, afhenti
verðlaunin en þau voru veitt í þrem-
ur flokkum; íþróttum, menningu og
listum og loks atvinnulífi.
Freyja Sigurðardóttir, Íslands-
og bikarmeistari í hreysti og áður
fimleikakona, hlaut íþróttaverð-
laun Víkurfrétta. Hún náði frábær-
um árangri í íþrótt sinni hér á landi
á síðasta ári og varð einnig ofarlega
á heimsmeistaramótinu í hreysti.
Norðuróp, félag áhugafólks um
óperuflutning, fékk menningar- og
listaverðlaunin en það stóð fyrir
eftirminnilegum óperuuppfærslum
í Reykjanesbæ. Bræðurnir Sig-
urður og Jóhann Smári Sævarsson
og kona þess síðarnefnda, Elín Hall-
dórsdóttir, tóku við verðlaununum
en þau stofnuðu Norðuróp á sínum
tíma.
Fræðasetrið í Sandgerði hlaut at-
vinnu- og mannlífsverðlaun Víkur-
frétta fyrir frumkvöðlastarf sitt á
sviði ferðaþjónustu og rannsókna.
Forstöðumaður setursins, Reynir
Sveinsson, tók við verðlaununum
fyrir þess hönd.
Ljósmynd/Víkurfréttir
Frá afhendingu Víkurfréttaverðlaunanna í fyrrakvöld. Frá vinstri eru
Freyja Sigurðardóttir íþróttakona, Jóhann Smári Sævarsson, Elín Hall-
dórsdóttir og Sigurður Sævarsson frá Norðurópi, Reynir Sveinsson frá
Fræðasetri Sandgerðis og Páll Ketilsson ritstjóri.
Þrír fengu verðlaun
Víkurfrétta 2001
Suðurnes
HITAVEITA Suðurnesja er
þessa dagana að láta nýja
gufuholu við Litla-Vatnsfell á
Reykjanesi blása, sem staðið
hefur ótengd í rösk tvö ár. Að
sögn Alberts Albertssonar,
aðstoðarforstjóra hitaveitunn-
ar, er ætlunin að auka blást-
urinn smátt og smátt þar sem
hitamælir komst ekki alla leið
niður í holuna, sem er meira
en 2.000 metra djúp. Eftir
tæpar tvær vikur er ætlunin
að holan verði látin blása af
fullum krafti og er þá vonast
til að öll fyrirstaða í henni
hverfi.
„Að lokinni þessari forpróf-
un verður búnaði komið fyrir
við holuna í sumar og hún
endanlega prófuð. Eftir mán-
uð eða svo ætti að liggja fyrir
gróft mat á því hvað holan
gefur mikla orku af sér. Það
er óvanalegt að láta holu
standa svona lengi ótengda en
við vildum að hún næði full-
komnu jafnvægi við bergið
þannig að við gætum mælt
svokallaðan berghita, sem bú-
ið er að gera,“ segir Albert.
Ný gufu-
hola
byrjuð
að blása
Suðurnes
SÝNING á 20 olíumálverkum Þor-
bjargar Óskarsdóttur, Tobbu, verð-
ur opnuð í Hafnargötu 15 í Keflavík
í dag, gamla húsnæði Úrvals-
Útsýnar. Þetta er sjöunda einkasýn-
ing Tobbu en hún er fædd og uppal-
in í Keflavík, 27 ára að aldri.
„Þetta eru í rauninni bara fant-
asíur hjá mér, ég fer ekki eftir
neinu fyrirfram ákveðnu formi eða
fyrirmynd,“ sagði Tobba þegar hún
var beðin um að lýsa verkum sínum
sem nú eru til sýnis.
Myndlistin hefur til margra ára
verið hennar áhugamál en að-
alstarfið um þessar mundir er út-
keyrsla og flutningur á vörum frá
Vellinum þar sem hún ekur vörubíl-
um og lyfturum jöfnum höndum yf-
ir daginn. Á kvöldin stendur hún við
trönurnar og málar oft fram á nótt.
Sjálfmenntuð í myndlist
Tobba er sjálfmenntuð í mynd-
listinni, utan þess að hafa farið á
eitt námskeið í sinni heimabyggð
fyrir fáum árum. Hún málaði sína
fyrstu olíumynd 16 ára gömul en
hélt fyrstu sýninguna árið 1997, eða
sex árum síðar. Auk sýninga í
Reykjanesbæ hefur hún sýnt í gall-
eríi í Reykjavík.
Sýningin verður opnuð kl. 18 í
dag en hún stendur yfir til 3. febr-
úar nk. Opið verður virka daga frá
kl. 18–22 og um helgar frá kl. 14–
22. Um sölusýningu er að ræða.
Opnar sýningu á 20 olíumálverkum í Keflavík í dag
Fantasíur
Tobbu
Ljósmynd/Hilmar Bragi Bárðarson
Þorbjörg Óskarsdóttir, Tobba, við eitt verka sinna, Sólarupprás.
Keflavík
HLUTHAFAFUNDUR hjá Hita-
veitu Suðurnesja verður haldinn í
Grindavík í dag þar sem ræða á
fyrirhugaða sameiningu við Bæj-
arveitur Vestmannaeyja. Meiri-
hlutinn í bæjarstjórn Vestmanna-
eyja hefur samþykkt að selja
veiturnar upp á land gegn því að
bærinn fái 7% hlut í Hitaveitu Suð-
urnesja. Talsmenn Vestmanna-
eyjalistans í minnihluta bókuðu
mótmæli á bæjarstjórnarfundi í
síðustu viku og lögðust gegn sam-
einingunni.
Viðræðunefndir beggja aðila
komust að samkomulagi um sam-
eininguna um nýliðin áramót og
stjórnir fyrirtækjanna hafa einnig
lagt blessun sína yfir málið. Sam-
þykkt stjórnar Hitaveitu Suður-
nesja frá því í byrjun ársins var þó
háð samþykki hluthafafundarins.
Hluthafar í Hitaveitu Suðurnesja
Ræða sameiningu
við Bæjarveitur
Vestmannaeyja
Suðurnes
RANNSÓKN lögreglunnar í
Keflavík hefur leitt í ljós að upp-
tök eldsins í einbýlishúsi við Norð-
urtún í Sandgerði aðfaranótt
þriðjudags megi rekja til ruslafötu
í eldhúsinnréttingu hússins. Í
fyrstu var talið að kviknað hefði í
útfrá uppþvottavél en rannsókn-
arlögreglumenn sem könnuðu
vegsummerki útilokuðu fljótt þann
möguleika. Fatan var hins vegar
við hlið vélarinnar, undir eldhús-
vasknum, og brann bókstaflega til
agna.
Eldsupptök
í ruslafötu
Sandgerði
ÁKVEÐIÐ hefur verið að viðbygg-
ing leikskólans Sólborgar í Sandgerði
verði afhent 2. mars nk. og hún vígð
og tekin í notkun 15. mars. Frá þessu
er greint á vefsíðu Sandgerðisbæjar.
Með stækkun leikskólans munu
breytingar verða á rekstri. Boðið
verður upp á heilsdagsvistun og
stefnt er að því að geta tekið inn börn
frá 18 mánaða aldri. Börnin munu fá
allan mat gegn fæðisgjaldi. Í við-
byggingunni er ný deild, salur, fata-
klefar, eldhús og starfsmannaað-
staða.
Leikskólinn
vígður hinn
15. mars
SandgerðiLÍFSSTÍLL, líkamsræktarstöðin í
Keflavík, stefnir að því að efna til
keppni framhaldsskóla í hreysti.
Ekki er öruggt að það takist að
hrinda hugmyndinni í framkvæmd
á þessari önn.
Pálmi Þór Erlingsson hjá Lífsstíl
segir að aldrei hafi verið haldin
keppni fyrir framhaldsskólanem-
endur og ekki síst þess vegna sé
verkefnið áhugavert. Hugmyndin
kom upp eftir hreystimót sem hald-
ið var í Keflavík í vetur og Lífsstíll
kom að. Ekki hefur þó verið ákveð-
ið hvenær fyrsta mótið verður hald-
ið eða hvar. Laugardalshöllin kem-
ur helst til greina, að mati Pálma
Þórs.
Hann segir að halda þurfi for-
keppni í öllum menntaskólum
landsins til að velja þátttakendur,
einn strák og eina stelpu frá hverj-
um skóla. Þurfi að gera þetta í sam-
ráði við íþróttaráð hvers bæjar.
Stefna að
móti fram-
haldsskóla í
hreysti
Keflavík
FRAMKVÆMDIR standa nú yfir á
neðra Nikkelsvæðinu svonefnda fyr-
ir ofan íbúðarbyggð Njarðvíkur í
Reykjanesbæ, sem hefur til þessa
verið í eigu varnarliðsins á Keflavík-
urflugvelli og einnig verið notað af
Olíufélaginu á sínum tíma.
Verið er að rífa niður mannvirki
eins og tanka, hús, vatnsleiðslur, raf-
magnslínur og staura og fjarlægja
mengaðan jarðveg. Reykjanesbær
hefur lýst yfir áhuga á að fá að nýta
svæðið sem byggingarland, a.m.k.
hluta þess, og hafa viðræður átt sér
stað við varnarmálaskrifstofu utan-
ríkisráðuneytisins. Hreinsunin er
forsenda þess að varnarliðið skili
svæðinu af sér til stjórnvalda. Yfir-
gefin mannvirkin hafa þótt mikið
umhverfislýti enda standa þau mjög
nálægt byggðinni í Njarðvík.
Í ágúst á þessu ári verða sex ár lið-
in síðan varnarliðið samdi við íslensk
stjórnvöld um að þau myndu hreinsa
Nikkelsvæðið. Varnarliðið tók svæð-
ið eignarnámi á stríðsárunum, með
þeim fyrirvara að fyrrverandi land-
eigendur ættu forkaupsrétt. Áður-
nefndar viðræður nú ganga m.a. út á
það hver muni eiga svæðið að hreins-
un lokinni, þ.e. íslenska ríkið,
Reykjanesbær eða varnarliðið.
Verktakafyrirtækið Spöng ehf.
sér um hreinsunina á neðra svæðinu
og að sögn Sigurbjörns K. Haralds-
sonar framkvæmdastjóra eru verk-
lok áætluð um miðjan mars nk. Sig-
urbjörn bauð lægst í niðurrifið sl.
haust, eða fyrir tæpar 15 milljónir
króna. Verkáætlun Framkvæmda-
sýslu ríkisins hljóðaði upp á tæpar 32
milljónir króna og komu tilboð frá
tólf verktökum. Íslenskir aðalverk-
takar voru með næstlægsta boð, upp
á tæpar 20 milljónir. „Ég kynnti mér
bara verkið mjög vel og aðstæður á
svæðinu,“ sagði Sigurbjörn þegar
hann var spurður út í tilboðið og
sýndist honum áætlun sín ætla að
standast.
Á efra Nikkelsvæðinu eru enn
neðanjarðartankar sem verið er að
tæma en áform eru uppi um hreins-
un á því svæði á vormánuðum líkt og
því neðra.
Niðurrif á Nikkel-
svæðinu gengur vel
Ljósmynd/Hilmar Bragi Bárðarson
Mannvirkin á neðra Nikkelsvæðinu í Reykjanesbæ eru óðum að hverfa
þessa dagana en í bakgrunni sést yfir íbúðarbyggðina í Njarðvík.
Reykjanesbær